1 Yohanes 5:6 - Tuntu i mPue ri Basa Taa

^6-8 Wali i Yesu Kerisitu anu nama'i ri lino si'i, Ia monso pu’u Ana i mPue Allah. Manasa resi kita Ia Ana i mPue Allah apa re’e matamanasa to mampakatantuka kita. Apa tempo Ia ma’i etu Ia mangika palaong to nato’oka mPa’aNya Ia mangika, mula yako ri tempo Ia rabaptisika ue rataka ri tempo raaNya tiwubu tempo Ia mate. Wali ue tempo Ia rabaptis etu to mampakanasaka kita i Yesu semo Ana i mPue Allah, pasi raaNya seja tempo Ia mate, raa etu mampakanasaka seja kita. Wali monso pu’u ewa wetu apa ewa wetu semo to nato’oka i Nosa Mapasing kita, pei i Nosa Mapasing sangkani manganto'o anu to monso. Wali togo matamanasa to re'e ri lino. Etu semo i Nosa Mapasing, ue, pasi raa. Pei matamanasa to togo etu samparia singkonong i Yesu Ia Ana i mPue Allah. Panewa re'e wo’u togo matamanasa ndate saruga mangkonong i Kerisitu. Etu semo i Pue Allah, Pa'a, pasi i Tuntu i mPue Allah, pasi i Nosa Mapasing. Matamanasa to togo etu samba'aja. Wali samparia matamanasa to etu mampakanasaka kita i Yesu monso pu’u Ana i mPue Allah.

Sura Magali Nuntu Ngkatuwu

⁶ I Yesu Kerisitu, anu rata ri lino pai ue mpopariu-A pai daa ri kapate-A. Sira rata banya podo mangkeni ue, paikanya ue pai daa. Pai Inosa mPue Ala ngkalio-A anu masabi kamonconya, maka Inosa setu bareʼepa reʼe pombamba-A.

1 Yohanes 5:6 Referans Kwoze

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Yohanes 15:26

“Wali Aku damampokau to Pansawang ma’i damangansawang komi. Ia dama’i yako resi Pa’angKu pasi Ia semo Nosa to mampakanasa anu to monso mangkonong i Pue Allah. Wali tempo Ia ma’i, tempo etu Ia damampakanasaka seja resi tau mangkonong i sema kamonsonya Aku.

Yohanes 16:13

Pei ane ratamo to Pansawang, etu semo i Nosa to mampaponsanika anu to monso, Ia semo to damampaponsanika komi mangkonong samparia anu to monso. Pasi anu to Ia damampaponsanika resi komi etu, si’a Ia pu’unya. Ia ojo mamporata gombo to Ia room mangandonge yako resi i Pue Allah. Pasi Ia damampaponsanika resi komi mangkonong palaong to damawali ri tempo to darata.

Ibrani 12:24

Wali kita roomo seja simparata pei i Yesu, to mamponsaruka kita pasi to mampasilonga parajanji to bou. Pasi kita roomo mampotango raa to rapedasaka ndate saruga, raa etu mampakanasa mangkonong ewa wimba kita ralapa yako ri dosa. Wali kareba etu to tao-tao pei anu to napakanasa nu raa i Habel tempo owi, apa to etu mampakanasa tau rahuku.

Markus 14:24

I Yesu manganto’oka sira, “Anu to nuinu ngkomi si’i, si’i semo raangKu. Apa Aku damate mangkapateka to lino, wali raangKu ri tempo Aku mate etu, raangKu etu mawali tondong parajanji to bou to naika i mPue Allah resi to lino. ParajanjiNya to bou etu manganto’o boros tau daralapas dosanya.

Yohanes 14:17

To Pansawang etu, Ia semo i Nosa to mampaponsanika komi anu to monso mangkonong i Pue Allah. Wali ane to lino to taa mangaya, sira taa rani nasawang i Nosa etu. Naka pei sira taa rani Ia mangansawang sira apa sira taa maya mangkita Ia pasi taa seja mangansani i sema kamonsonya Ia. Pei komi to mangaya, komi mangansani i sema kamonsonya Ia, apa Ia re’e maroo siwaka pei komi. Pei ane ri tempo to darata Ia damaroo ri raya ngkomi.

Pangkita 7:14

Wali aku mangansono, manganto’oka ia, “Taa kunsani, Pa’a. Komi semo to mangansani.” Panewa ketua etu manganto’oka aku, “Tau si’i semo to masuwu yako ri kasesa to mapari kojo. Sira roomo mangantatap bajunya ri raa nu Ana Domba wali bajunya etu mawali buya.

Pangkita 5:9

Wali ojo karoonya anu to tuwu opo pasi ketua-ketua etu madungku yau ri tango nu Ana Domba etu, sira mamponyanyika Ia nyanyi to bou. Nyanyi etu manganto’o, “Komi masipato mangoko buku rayuyu pei mangayali tondonginya, apa Komi roomo rasimbale, pasi Komi mangampake raaMu mangolika i Pue Allah tau yako ri sambawo lino. Etu semo yako ponto-ponto suku, basa, bansa pasi paporenta.

1 Petrus 1:2

Wali aku mangantulisika komi to napilis seja i mPue Allah, Pa’a. Komi napilis i mPue Allah singkonong pei songka to Ia nangika yami tempo owi. Wali yako palaong i Nosa Mapasing see naka komi mawali seja i Pue Allah puenya. Naka pei Ia mangampilis komi see komi maya mampolaika i Yesu Kerisitu, pasi see komi maya rapakayongongika raya ngkomi apa saba raa i Yesu Kerisitu tempo Ia mangkapateka kita. Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya pasi mangawaika komi karodo ndaya.

Ibrani 13:20

Pasi aku mampokaika komi seja. Aku makai-kai resi i Pue Allah to roomo mangawangu muni i Yesu, Pue ngkita, apa saba raaNya tempo Ia mate. Raa etu tondong parajanji to singkasaenya to naika i mPue Allah. Wali i Yesu mawalimo to Pangkampang to bae anggaNya pasi kita to mangaya raporapaka ewa domba to ikampangiNya. Wali aku makai-kai resi i Pue Allah, pu’u ngkarodo ndaya,

Yohanes 4:14

Pei i sema tau to manginu ue to Aku mangawaika ia, tau etu tamo kojo damara wo’u nganganya. Apa to Aku mangawaika ia etu damawali ewa mata nu ue to kambutu-mbutu ri rayanya pei damangawaika ia katuwu to singkasaenya.”

Lukas 22:20

Pasi ewa see seja tempo sira roomo mangkoni i Yesu mangoko wo’u sangkir to la’u tule anggur. Panewa Ia manganto’o, “Anu to nuinu ngkomi ngena si’i, si’i semo raangKu. Apa Aku damate mangkapateka komi, wali raangKu ri tempo Aku mate etu, raangKu etu mawali tondong parajanji to bou to naika i mPue Allah resi to lino.

Matius 26:28

Apa si’i semo raangKu. Apa Aku damate mangkapateka komi, wali raangKu ri tempo Aku mate etu, raangKu etu mawali tondong parajanji to bou to naika i mPue Allah resi to lino. ParajanjiNya to bou etu manganto’o boros tau daralapas dosanya. Wali raangKu tempo Aku damate, raa etu semo damangansompo dosa ntau boros.

1 Yohanes 1:7

Pei ane kita maroo ri raya ngkareme, ewa naika i mPue Allah maroo ri raya ngkareme, ane ewa see kita masingkatao samba'a pei samba'a. Pasi ane kita maroo ri raya ngkareme etu, kita napakayongongika raa i Yesu Kerisitu, Ana i mPue Allah, yako samparia dosa ngkita. Wali a’i-a’i, anu kita maroo ri raya ngkareme!

Titus 3:5

Wali Ia mampalaes kita. Naka pei Ia mampalaes kita apa Ia mamporayang kita, si’a apa saba kita mangika palaong to masipato raika. Ia mampakayongo raya ngkita see tonii ngkita datuwu, pasi i Nosa Mapasing mangawali katuwu ngkita pasi raya ngkita. Etu semo jaya i mPue Allah mampalaes kita.

Epesus 1:7

Apa AnaNya, i Yesu Kerisitu, roomo mangoli yau kita see kita tamo damangarata huku nu dosa. Pasi raaNya tempo Ia mate ri kaju pasape, raaNya etu semo to Ia mangampake mangoli yau kita. Wali see naka dosa ngkita tamo nakitanaka i mPue Allah. Wali yako palaong etu miyala bae kojo kanoto i mPue Allah resi kita.

Yohanes 6:55

Apa korongKu pasi raangKu tempo Aku mangkapateka komi, korongKu pasi raangKu etu mampakaroso tonii ngkomi. Wali anu to mampakaroso tonii ngkomi, anu to etu semo to bae wo’u batuanginya pei pangkoni pasi anu to rainu to mampakaroso koro ngkomi.

Yohanes 4:10

Wali i Yesu manganto’oka ia, to’oNya, “Ane nunsani ngkorom mangkonong sora to nawai i mPue Allah, pasi ane nunsani ngkorom i sema kamonsonya Aku to mamporapi ue resi korom si’i, ane ewa see, korom damamporapi resi Aku panewa Aku damangawaika korom ue to mangawai katuwu.

Yohanes 3:5

Wali i Yesu mangansono, Ia manganto’o, “Si’a pangampoana to etu to Aku manganto’o. Pei Aku manganto’oka korom, monso pu’u tare tau to maya mawali tau to i Pue Allah Makolenya ane ia taa rapoanaka yako ue pasi yako i Nosa Mapasing.

Pangkita 1:5

pasi yako resi i Yesu Kerisitu anu matamanasa to maya rasarumaka. I Yesu Kerisitu semo to uyunya rawangu muni yako ri kapateNya. Pasi Ia semo to mangkuasang samparia makole-makole to re’e ri lino si’i. Ia mamporayang kita pasi Ia roomo mangawaika raaNya damangalapas kita yako ri huku nu dosanta.

1 Petrus 3:21

Wali sira rapalaes yako ri samal ue apa sira masua ri bangka etu. Wali palaong etu mawali tondong resi kita, apa kita seja rapalaes yako ri kapate to singkasaenya saba pangaya ngkita resi i Kerisitu. Apa kita mangaya i Kerisitu rawangu muni yako ri kapateNya, see naka kita rapalaes seja yako kapate to singkasaenya. Wali tempo kita rabaptis si’a mamposo’i yau anu to makarika to re’e ri koro ngkita. Si’a! Naka pei kita rabaptis see mampaponsanika resi sa’e manasa kojo resi kita dosa ngkita roomo ralapa apa i Yesu nambangu munimo yako ri kapateNya.

Ibrani 10:29

Wali ane ewa wetu kaparinya huku to narata ntau to mangewa porenta i Musa, bae wo’u huku to masipato narata ntau to mampobo’o Ana i mPue Allah. Apa tau to etu raporapaka ewa mangalombu yau Ia. Tau etu manganto’o tare batuanginya raa i Yesu, etu semo raa to tondong parajanji i mPue Allah, pei kamonsonya raa etu semo to mangika see ia mawali i Pue Allah Puenya. Pasi ia mangarowis Nosa to mangawaika to lino kanoto. Wali tau to mangika palaong to etu masipato mangarata huku to mapari kojo.

Ibrani 9:7

Pei ojo to pampue to bae angganya to maya masua ri songi to kadua. Santo’u sangkani ia masua pasi taa maya masua ane taa mangkeni raa. Wali raa etu raa nu binatang to ia mangkeni damampampueka resi i Pue Allah. Naka pei ia mangkeni raa etu see i Pue Allah tamo damangkitanaka dosa to si ia pasi dosa ntau boros to taa naporaya-rayaka nsira mangika.

Kolose 1:4

Naka pei kami manganto'oka Ia tarima matao apa kami roomo mangandonge kareba mangkonong pangaya ngkomi resi i Kerisitu Yesu pasi mangkonong pamporayang ngkomi resi samparia tau to i Pue Allah Puenya.

Roma 3:25

I Pue Allah semo to mampampueka i Yesu, wali i Yesu mate yau mawali pampue to mampakasanang i Pue Allah. Wali tempo i Yesu mate yau mangkapateka kita etu, tempo etu masuwu raaNya. Wali saba yako raaNya etu see naka kita tamo danakitanaka i mPue Allah dosanta ane kita mansarumaka raa i Yesu etu. Wali yako ri palaong to etu i Pue Allah mampaponsanika kita Ia sangkani mangika anu to masipato raika, etu semo Ia sangkani mangahuku dosa ntau. Naka pei Ia mampaponsanika kita ewa wetu apa rataka tempo etu Ia tawa mangahuku dosa ntau to tempo owi apa Ia bae sabaraNya.

Palaong mPomakau i mPue Yesu 8:36

Panewa yako etu, ri raya mpalinja nsira ri jaya etu, sira rata ri tampa to nja’u ue. Wali to Etiopia etu ia mangkita ue wali ia manganto’oka i Pilipus, to’onya, “Lo’aja etu ue. Wimba, bara re’e sabanya naka pei aku taa maya rabaptis?”

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

1 Yohanes 4:10

Wali ewa si’i mangkonong pamporayang to monso, si'a pamporayang ngkita resi i Pue Allah pamporayang to monso. Pamporayang i mPue Allah resi kita semo. Apa yako pamporayangiNya etu, see naka Ia mampokau AnaNya ma'i ri lino si'i damawali pampue to mampakasanang Ia see Ia tamo mangkitanaka dosa ngkita.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

Matius 3:16

Wali ojo karoonya i Yesu rabaptis etu, Ia mansaka miyai muni yako ri ue. Tempo i Yesu miyai yako ri ue etu, yangi tiloka pei Ia mangkita i Nosa Mapasing yako ndate yangi ewa tagou tudu ri wawoNya.