1 Yohanes 5:4 - Tuntu i mPue ri Basa Taa

^4-5 Wali kamonsonya boros anu to maja’a ri lino si’i to rani mangantalas kita see kita taa mampalaika i Pue Allah. Pei ne’e mangkalingan, kita ngana i mPue Allah. Kita tau to mangaya i Yesu Ia Ana i mPue Allah! Wali apa saba pangayanta etu, see naka kita re’e kuasa manganangi anu to maja’a to re’e ri lino etu. See naka kita tiroowa maya mampolaika i Pue Allah. Wali matao kita mampalaika porenta i mPue Allah see mampakanasa pamporayanginta resi Ia pasi resi yununta to nganaNya.

Sura Magali Nuntu Ngkatuwu

⁴ Maka pura-pura ana i mPue Ala nakoto manganangi lino anu majaʼa seʼi. Pai kita da manganangi lino seʼi ua peaya ndayata.

1 Yohanes 5:4 Referans Kwoze

1 Korintus 15:57

Pei kita manganto’oka i Pue Allah tarima matao, apa Ia mangawaika kita manang apa saba palaong to naika i Yesu Kerisitu, Pue ngkita.

1 Yohanes 4:4

Pei ngana-ngana, komi i Pue Allah puenya, pasi komi roomo manganangi to pantuntu tuntu to taa monso etu. Naka pei komi manganangi sira apa Nosa to maroo ri raya ngkomi, Ia semo to bae-bae kuasaNya pei i Kepala nto pantipu to mangkuasang to lino to taa mangaya.

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

1 Yohanes 3:9

Wali i sema-sema tau to nawaika i mPue Allah katuwu to bou, pasi to maroo masingkatao pei Ia, tau etu taa mangika dosa. Apa tau to maroo masingkatao pei Pa’anya, to pu’u ngkatuwu to bou etu, tau etu taa mangika dosa.

Pangkita 3:21

Wali i sema tau to manang, tau etu Aku damangawaika kuasa matunda ri gadera makole sindara-ndara pei Aku, sewaju ewa nikangKu manang pasi matunda sindara-ndara pei Pa’angKu ri gadera to si Ia.

Pangkita 12:11

Wali a’i-a’i ngkita etu manganangi ia apa saba yako kuasa raa nu Ana Domba pasi apa saba tuntu i mPue Allah to napakarebaka nsira. Sira taa ojo mangampobuuka katuwu ngkoronya, apa nempo rapopate yau apa saba pangayanya, sira taa mandoo mangaya.

Pangkita 3:5

I sema to manang, ia semo to damangampake pake to buya etu. Pasi Aku taa damampalasi sanganya yako ri raya buku to rapangantulis sanga ntau to tuwu, etu semo buku ngkatuwu. Pei Aku damampongakung sanganya etu ri tango mPa’angKu pasi ri tango mpomakauNya, Aku damanganto’o, ‘Tau si’i mangaya Aku.’

Pangkita 2:11

Wali si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, ia taa damangarata kapate to kadua.’”

Pangkita 3:12

Wali i sema to manang, tau etu Aku damangika maroo-roo singkasaenya ri raya banua i mPue AllahngKu ewa tinja to taa miyai yako nja’u ria. Aku damangantulis togo sanga ri koro ntau etu. Aku damangantulis sanga i mPue AllahngKu, pasi sangangKu to bou, pasi daKutulis seja sanga ngkota i mPue AllahngKu, etu semo Yerusalem to bou to ma’i yako resi i Pue AllahngKu ndate saruga.

Pangkita 2:26

Wali i sema tau to manang pasi to sangkani mangaluluka pamporaningKu sampe rata tempo kapuranya, tau etu daKuwaika kuasa mangkuasang to lino.

1 Yohanes 5:1

Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

Pangkita 15:2

Wali ojo karoonya aku mangkita pomakau to mangkeni soba to pitu etu, aku mangkita wo’u anu to ewa tasi. Anu to ewa tasi etu ewa raika yako kasa to sigalo apu. Wali ri wii ntasi etu aku mangkita tau to room manganangi binatang to maja’a pasi tau-tau binatang pasi nomor to tondongi nsanganya. Tau to manang etu, sira mangangkongko gambus to nawaika i mPue Allah sira.

Pangkita 2:7

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku mangawaika mangkoni wua ngkaju to mangawaika katuwu. Kaju etu tuwu ri bonde i mPue Allah.’”

Pangkita 2:17

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku damangawaika sira mangkoni santila pangkoni mana to rawuni. Pasi Aku damangawaika seja tau etu sampa’i watu to buya samba’a pei samba’a. Watu etu nja’u ratulis sanga to bou. Sanga to bou etu tare to yusa mangansani, ojo patanya tau to mangantima mangansani.’”

Yohanes 1:13

Wali tau to mawali ana i mPue Allah etu, sira mawali anaNya si’a ewa pangampoana nto lino. Apa tau tempo rapoanaka ri lino, sira rapoanaka yako pamporani ndaya ntau tu’anya pasi yako songka mpa’anya. Pei tau mawali ana i mPue Allah yako kuasa i mPue Allah semo.

Yohanes 3:3

Wali i Yesu manganto’oka ia, “Aku manganto’oka korom, monso pu’u tare tau to maya mawali tau to i Pue Allah Makolenya ane ia tawa rapoanaka wo’u kadua ngkaninya.”

1 Yohanes 2:29

Wali kita mangansani i Kerisitu Ia sangkani mangika lengko to singkonong pei i Pue Allah. See naka kita mangansani seja i sema-sema tau to mangika lengko to singkonong pei i Pue Allah, tau etu ana i mPue Allah. Wali anu kita maroo masingkatao pei Ia.

1 Yohanes 5:18

Wali kita tansani i sema-sema tau to nawaika i mPue Allah katuwu to bou pasi to maroo masingkatao pei Ia, tau etu taa mangika dosa. Pasi tau etu, katuwunya nararamaka kojo i Yesu, Ana i mPue Allah, see naka tare to maya danaika i ngKepala nto pantipu resi ia.