1 Yohanes 5:11 - Tuntu i mPue ri Basa Taa

¹¹ Wali si'i semo kareba etu: I Pue Allah roomo mangawaika kita katuwu to singkasaenya, pasi AnaNya semo pu'u ngkatuwu etu.

Sura Magali Nuntu Ngkatuwu

¹¹ Ewaseʼi posabi setu, I Pue Ala mawaimo ri kita katuwu anu monco pai anu bareʼe da reʼe kapusanya, pai Ana-A inceʼemo pebete ngkatuwu setu.

1 Yohanes 5:11 Referans Kwoze

Roma 6:23

Apa ntanapa ntau mangika dosa, etu semo kapate. Pei sora to yako resi i Pue Allah, etu semo katuwu to singkasaenya. Wali kita maya mangarata sora etu apa saba kita samba’a pei i Kerisitu Yesu, Pue ngkita.

1 Yohanes 2:25

Wali parajanji to Ia roomo mamparajanjika kita, etu semo katuwu to singkasaenya, batuanginya kita damaroo masingkatao pei Ia rataka ri singkasaenya.

Yohanes 3:36

Wali i sema tau to mangaya AnaNya etu, tau etu re’e katuwu to singkasaenya. Pei i sema tau to taa mangaya AnaNya etu, tau etu taa damangarata katuwu to etu. Kasimbalinya yako etu, tau etu danahuku i mPue Allah rataka ri singkasaenya.” Wali etu semo gombo i Yohanes resi anagurunya.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

1 Yohanes 4:9

Pasi Ia roomo mampaponsanika kita pamporayangiNya etu tempo Ia mampokau AnaNya to samba'aja etu ma'i ri lino si'i. Naka pei Ia mampokau AnaNya ma'i ri lino si'i see kita maya mangarata katuwu apa saba to naika nu AnaNya etu.

Yohanes 1:4

Wali Ia to rato’oka i Tuntu, Ia semo mangawai katuwu to monso. Wali Ia maya raporapaka ewa pansona to mampakaremeka to lino jaya, apa Ia semo to mampakanasaka resi to lino songka i mPue Allah see sira maya mangarata katuwu to monso etu.

1 Yohanes 5:10

Wali tau to mansarumaka Ana i mPue Allah, tau etu manasa kojo ri rayanya monso pu'u i Yesu semo Ana i mPue Allah. Pei tau to taa mangaya i Pue Allah, tau etu sewaju pei manganto'o i Pue Allah mawuti, apa ia taa naaya kareba to nato'o i mPue Allah mangkonong AnaNya.

Yohanes 19:35

Wali monso pu’u ewa wetu palaong to mawali ri tempo i Yesu mate ri kaju pasape etu, apa re’e tau to mawali matamanasa mpalaong to etu. Wali tau to mawali matamanasa mpalaong etu, aku semo to mangansaritaka resi komi. Aku mangansani monso kojo anu to aku manganto’o, pasi naka pei aku mangansaritaka mangkonong palaong to etu see komi maya mangaya seja.

Yohanes 10:28

Pasi Aku mangawaika tau etu katuwu to singkasaenya, wali sira taa kojo darapakaja’aka yau. Pasi tare pasi samba’a tau to maya mangoko yau sira yako resi Aku.

Yohanes 6:68

Wali i Simon Petrus mangansono, to’onya, “Pue, tare batuanginya kami mangaluluka tau to yusa. Apa ojo Komi semo to re’e kareba to mangawai katuwu to singkasaenya.

Yohanes 5:26

Apa Pa’angKu, Ia semo pu’u ngkatuwu pasi ewa see seja Aku, apa Ia mangawaika seja Aku to AnaNya kuasa damangawaika resi tau katuwu.

I Yudas 1:21

Pasi anu kita sangkani mampobuu-buuka pamporayang i mPue Allah. Pobuuka pamporayangiNya etu ri rayanya kita mangampeas temponya i Yesu Kerisitu, Pue ngkita, damangkeni kita ri katuwu to singkasaenya. Ia damangika ewa see apa saba pamporayangiNya etu.

Titus 1:2

Pasi ane sira mangansani anu to monso etu, sira damasanang kojo damampobuuka katuwu to singkasaenya. Katuwu to singkasaenya etu naparajanjika i mPue Allah tempo owi, tempo Ia tawa mampapowali lino si’i. Wali damawali kojo parajanji etu apa kita tansani i Pue Allah Ia taa mawuti.

1 Timotius 1:16

pei nempo ewa see i Pue Allah mamporayang aku. Naka pei Ia mamporayang aku to bae kojo dosangku si’i see damawali tondong mangkonong ewa wimba kabaenya sabara i ngKerisitu Yesu. Wali sabaraNya to resi aku etu mawalimo tondong yako ri tempo si’i resi tau to damangaya Ia, pei to damangarata katuwu to singkasaenya saba sira mangaya Ia.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

3 Yohanes 1:12

Wali i Demetrius, ia nato'o ntau samparia tau to matao. Manasa kojo ia matao apa lengkonya singkonong kojo pei anu to monso. Wali kami seja manganto'o ia tau to matao, pasi korom mangansani monso pu'u gombo mami etu. Wali ane i Demetrius etu, masipato korom mangalulu lengkonya.

Yohanes 12:50

Pasi Aku mangansani porenta mPa’angKu etu mawali pu’u ngkatuwu to singkasaenya resi tau to mampalaika. Wali see naka tempo Aku magombo, Aku magombo singkonong pei anu to nato’oka mPa’angKu Aku manganto’o.” Wali etu semo to nato’o i Yesu mampakanasaka tau boros i Pue Allah semo pu’u nu gomboNya.

Pangkita 22:1

Wali yako etu pomakau i mPue Allah mampaporaoka aku koro nu ue to mangawai katuwu. Ue etu malino kojo ewa kasa to rato’oka kristal. Wali ue etu maili yako ri gadera to napatunda i mPue Allah pasi Ana nu Domba.

Pangkita 1:2

Wali tempo roomo pomakau etu manganto’oka ia, roo etu i Yohanes mawali matamanasa pei mangantulis buku si’i mangkonong gombo i mPue Allah anu to napaponsanika i Yesu Kerisitu. Wali samparia anu to nakita i Yohanes, etu semo to ia mangantulis.

Yohanes 6:47

“Wali Aku semo pangkoni to mangawai katuwu. Pasi Aku manganto’oka komi, monso pu’u tau to mangaya Aku, tau etu re’emo katuwu to singkasaenya.

Yohanes 5:21

Apa ewa naika mPa’angKu mangawangu muni tau to matem pei mangawaika muni sira katuwu, ewa see seja Aku to AnaNya, damangawaika katuwu resi tau to Aku rani mangawaika.

Yohanes 4:36

Wali si’i semo temponya mamota! Wali Aku re’e mampokau komi yau resi tau to roomo mangandonge tuntu i mPue Allah. Tau to uyunya nayau mampotundeka sira tuntu i mPue Allah raporapaka ewa tau to mamuya, pei komi mampaponsanika wo’u sira mangkonong Aku see sira damangaya. Wali palaong etu raporapaka ewa komi yau mamota nja’u nawu to si’a komi nangika. Tau to yusa to mapalaong mangika nawu etu, pei komi semo to mangarata wua mpalaong nsira etu. Wali palaong to etu singkonong kojo pei panto’o ntau to manganto’o, ‘Tau samba’a to mamuya, pasi tau to yusa to mamota.’ Wali ane tau to mamota, sira mangkenika tau pue nawu pae to rapota etu, panewa sira rawaika ntanapanya. Pasi ewa see seja komi to mampakarebaka sa’e tuntu i mPue Allah, komi ewa mangkenika i Pue Allah tau etu, wali komi darawaika seja ntanapa. Pasi tau to rapakarebaka etu pei mangaya kareba etu, tau etu damangarata katuwu to singkasaenya. Wali tau to mamuya pasi tau to mamota paka ndende kojo raya nsira sindara-ndara.” Wali etu semo gombo i Yesu resi kami to anaguruNya.

Matius 25:46

“Wali yako etu, tau to re’e ri sambalingKu tondo ngkii etu, sira damayoko. Sira dayau damangarata huku to singkasaenya. Pei tau to singkonong pei Aku sira dayau damangarata katuwu to singkasaenya.” Wali samparia etu, etu semo gombo i Yesu mangansono pampotanaka mami to anaguruNya mangkonong temponya Ia dama’i wo’u.

Roma 5:21

Wali tempo ruyu, dosa re’e kuasa ri raya ngkatuwu ntau samparia see naka samparia tau mangarata kapate. Pei si’i-si’i kanoto i mPue Allah semo to re’e kuasa ri raya ngkatuwu ngkita. Wali yako ri kanotoNya etu i Pue Allah manganto’o kita tare dosanta see naka kita mangarata katuwu to singkasaenya apa saba to naika i Yesu Kerisitu, Pue ngkita.

Yohanes 1:19

Wali re’e seore kepala-kepala nto Yahudi to maroo ri Yerusalem, sira mampokau sawei mba’a to pampue pasi tau to wiyaa i Lewi yau resi i Yohanes to Pombaptis damampotanaka resi ia, “I sema kamonsonya korom? Bara i Kerisitu, Makole parajanji i mPue Allah?” Wali pomakau nsira etu yau mampago i Yohanes panewa mampotanaka resi ia ewa wetu. Tempo sira mampotanaka resi i Yohanes etu, ewa si’i pasononya.

Yohanes 4:4

Wali ri raya mpalinja mami etu, taa maya taa kami liu nja’u propinsi Samaria apa etu semo pamporani i mPue Allah resi kami.

1 Yohanes 4:10

Wali ewa si’i mangkonong pamporayang to monso, si'a pamporayang ngkita resi i Pue Allah pamporayang to monso. Pamporayang i mPue Allah resi kita semo. Apa yako pamporayangiNya etu, see naka Ia mampokau AnaNya ma'i ri lino si'i damawali pampue to mampakasanang Ia see Ia tamo mangkitanaka dosa ngkita.