1 Yohanes 5:1 - Tuntu i mPue ri Basa Taa

¹ Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

Sura Magali Nuntu Ngkatuwu

¹ Tau anu mangaaya i Yesu kaʼinceʼenyamo Mokole Tadungkadago anu ndajanji i mPue Ala, tau setu mewali ana i mPue Ala. Pai tau anu mampotowe i Papa da mampotowe woʼu i Ana.

1 Yohanes 5:1 Referans Kwoze

1 Yohanes 2:29

Wali kita mangansani i Kerisitu Ia sangkani mangika lengko to singkonong pei i Pue Allah. See naka kita mangansani seja i sema-sema tau to mangika lengko to singkonong pei i Pue Allah, tau etu ana i mPue Allah. Wali anu kita maroo masingkatao pei Ia.

Yohanes 8:42

Wali i Yesu manganto’oka sira, “Ane monso pu’u i Pue Allah Pa’a ngkomi, komi damamporayang Aku. Apa Aku ma’i yako resi i Pue Allah semo, see naka Aku re’i rire. Aku taa ma’i mangalulu songka to si Aku, Aku ma’i napokau i mPue Allah.

1 Yohanes 4:7

Wali ngana-ngana to kuporayang, anu kita masiporayang, apa pamporayang pu’unya i Pue Allah semo. Wali samparia tau to mamporayang sa'e, tau etu ana i mPue Allah. Pasi sira mangansani kojo i Pue Allah, apa i Pue Allah semo pu’u mpamporayang.

1 Yohanes 3:14

Tau etu taa mangansani mangkonong katuwu ngkita pei kita semo mangansani kita yako ri raya ngkapate ralimba nja’u raya ngkatuwu. Wali yako pamporayang ngkita resi pua’inta to samba'a pangaya, see naka kita tansani kita roomo malimba, wali tamo tuwu ewa tau to ri raya ngkapate. Pei tau to taa mamporayang pua'inya, tau etu lengkonya ewa lengko ntau to tiroowa re’e ri raya ngkapate.

1 Yohanes 5:4

Wali kamonsonya boros anu to maja’a ri lino si’i to rani mangantalas kita see kita taa mampalaika i Pue Allah. Pei ne’e mangkalingan, kita ngana i mPue Allah. Kita tau to mangaya i Yesu Ia Ana i mPue Allah! Wali apa saba pangayanta etu, see naka kita re’e kuasa manganangi anu to maja’a to re’e ri lino etu. See naka kita tiroowa maya mampolaika i Pue Allah. Wali matao kita mampalaika porenta i mPue Allah see mampakanasa pamporayanginta resi Ia pasi resi yununta to nganaNya.

1 Yohanes 4:20

Wali anu kita mamporayang pua’i ngkita to samba’a pangaya. Apa ane re'e tau to manganto'o, "Aku kuporayang i Pue Allah," pei tau etu maja'a nakita a'inya to samba'a pangaya, ane ewa see gombonya etu palaku. Apa ane ia taa mamporayang a'inya etu to roomo nakita nu matanya, batuanginya ia taa seja nakurang mamporayang i Pue Allah to taa nakita nu matanya etu.

1 Yohanes 3:9

Wali i sema-sema tau to nawaika i mPue Allah katuwu to bou, pasi to maroo masingkatao pei Ia, tau etu taa mangika dosa. Apa tau to maroo masingkatao pei Pa’anya, to pu’u ngkatuwu to bou etu, tau etu taa mangika dosa.

Yohanes 3:3

Wali i Yesu manganto’oka ia, “Aku manganto’oka korom, monso pu’u tare tau to maya mawali tau to i Pue Allah Makolenya ane ia tawa rapoanaka wo’u kadua ngkaninya.”

Matius 16:16

Wali i Simon Petrus mangansono, to’onya “Komi semo i Kerisitu, Ana i Allah to tuwu singkasaenya.”

1 Yohanes 2:10

Pei i sema-sema tau to mamporayang a'inya etu, tau etu re'e maroo ri raya ngkareme. Pasi ane ia mamporayang a’inya etu tamore bara kesaa to mangika see ia damasou ri raya nu dosa, apa ia re’e ri raya ngkareme.

Yohanes 15:23

Apa tau to maja’a nakita Aku, tau etu ewa maja’a seja nakita Pa’angKu.

1 Yohanes 4:2

Wali ewa si'i raika mangamparesa tau etu, patanaka ruyu resi ia, "Ane ewa pampobuuka ngkorom, wimba i Yesu? Ia bara Kerisitu, Makole Parajanji i mPue Allah, pei napokau i mPue Allah ma'i mawali to lino, bara si’a?" Wali ane tau etu mampatimonso i Yesu, Ia i Kerisitu napokau i mPue Allah ma'i mawali to lino, batuanginya gombo ntau etu monso pu'u yako resi i Pue Allah.

1 Petrus 1:3

Wali anu kita mangabarong i Pue Allah. Ia semo Allah to napue i Yesu Kerisitu, Pue ngkita, pasi Ia Pa’aNya seja. Wali barong Ia apa bae kojo kanotoNya resi kita. Pasi yako kanotoNya etu see naka kita raporapaka ewa rapoanaka wo’u apa Ia mangawaika kita katuwu to bou. Wali palaong to etu mawali apa saba i Pue Allah roomo mangawangu muni i Yesu Kerisitu yako ri kapateNya. Wali see naka kita re’e pansarumakanta to maroso kojo.

Yakobus 1:18

Pasi yako pamporani to si Ia see naka Ia mampapowali kita mawali anaNya. Ia mangika palaong etu mangampake kareba to monso. Naka pei i Pue Allah nampapowali kita mawali anaNya see kita semo mawali to bae-bae angganya pei samparia anu to Ia nampapowali. Apa kita raporapaka ewa pae to uyunya rapota to rapampueka resi i Pue Allah, to mawali Ia Puenya. Wali matao kojo sora i mPue Allah resi kita etu.

Yohanes 6:69

Wali kami mangayamo pasi kami mangansanimo Komi semo i Kerisitu, Ana i mPue Allah to tuwu.”

1 Yohanes 3:17

Wali rapanya, ane kita gana anu to napake ngkita pasi mangangkita a'inta masiasi, pei kita bo'onta mangansawang, ane ewa see, batuanginya kita taa mamporayang i Pue Allah.

Palaong mPomakau i mPue Yesu 8:36

Panewa yako etu, ri raya mpalinja nsira ri jaya etu, sira rata ri tampa to nja’u ue. Wali to Etiopia etu ia mangkita ue wali ia manganto’oka i Pilipus, to’onya, “Lo’aja etu ue. Wimba, bara re’e sabanya naka pei aku taa maya rabaptis?”

Yohanes 1:3

Pasi tempo i Pue Allah nampapowali samparia, tempo etu Ia mangampake i Tuntu semo mangika palaong to etu. Wali tare anu to napapowali i mPue Allah to si’a i Tuntu to mangika.

1 Yohanes 5:18

Wali kita tansani i sema-sema tau to nawaika i mPue Allah katuwu to bou pasi to maroo masingkatao pei Ia, tau etu taa mangika dosa. Pasi tau etu, katuwunya nararamaka kojo i Yesu, Ana i mPue Allah, see naka tare to maya danaika i ngKepala nto pantipu resi ia.

Lukas 7:5

apa ia mamporayang kita to Yahudi. Pasi ia semo to nampokauka tau mangawangu banua to napampotunde ngkita to Yahudi ri lipu mami si’i.”

Palaong mPomakau i mPue Yesu 8:37

Wali i Pilipus manganto’o, “Ane komi monso pu’u mangaya i Pue Yesu, komi maya rabaptis.” Panewa to Etiopia etu manganto’o, “Kuaya i Yesu Kerisitu Ia semo Ana i mPue Allah.”