1 Yohanes 4:9 - Tuntu i mPue ri Basa Taa

⁹ Pasi Ia roomo mampaponsanika kita pamporayangiNya etu tempo Ia mampokau AnaNya to samba'aja etu ma'i ri lino si'i. Naka pei Ia mampokau AnaNya ma'i ri lino si'i see kita maya mangarata katuwu apa saba to naika nu AnaNya etu.

Sura Magali Nuntu Ngkatuwu

⁹ I Pue Ala mampatongawa towea ri rayata, maka Sira mampokau Ana-A anu sambaʼa-mbaʼa rata ri lino seʼi da naka kita marata katuwu mampoliu Ana-A setu.

1 Yohanes 4:9 Referans Kwoze

Yohanes 3:16

Apa bae kojo pamporayang i mPue Allah resi to lino, see naka Ia mangawai Aku, AnaNya to samba’aja, see i sema tau to mangaya Aku, tau etu taa darapakaja’aka yau, pei damangarata katuwu to singkasaenya.

1 Yohanes 5:11

Wali si'i semo kareba etu: I Pue Allah roomo mangawaika kita katuwu to singkasaenya, pasi AnaNya semo pu'u ngkatuwu etu.

Roma 8:32

Apa i Pue Allah sakowa Ana to si Iaja Ia taa manganto’o, “Aku bo’ongKu mangawai.” Pei Ia mangawaika kita AnaNya etu mangkapateka kita samparia. Ia buya rayaNya mangawaika kita AnaNya, wali manasa kojo Ia buya seja rayaNya damangawaika kita samparia anu to yusa.

Yohanes 6:57

Wali Pa’angKu to nampokau Aku, Ia semo pu’u ngkatuwu, see naka Aku re’e katuwu. Pasi ewa see seja tau to mangkoni Aku, ia re’e seja katuwu apa Aku damangawaika ia katuwu to singkasaenya.

1 Yohanes 4:10

Wali ewa si’i mangkonong pamporayang to monso, si'a pamporayang ngkita resi i Pue Allah pamporayang to monso. Pamporayang i mPue Allah resi kita semo. Apa yako pamporayangiNya etu, see naka Ia mampokau AnaNya ma'i ri lino si'i damawali pampue to mampakasanang Ia see Ia tamo mangkitanaka dosa ngkita.

1 Yohanes 3:16

Wali kita tansani seja batuanginya pamporayang apa i Kerisitu mawali tondong resi kita tempo Ia mangawai koroNya mangkapateka kita. Wali ane ewa see, masipato kita seja buya rayanta mangkapateka pua'i ngkita to samba'a pangaya taa manto’o mangansawang sira.

Yohanes 10:10

Wali to palima, ane rata ri tondok nu domba tare yusa songkanya. Ia ojo damalima, damampopate pasi damampakaja’a yau. Pei Aku si’a ewa wetu. Apa Aku nama’i see to lino damangarata katuwu. Pasi ri raya ngkatuwu to narata nsira etu tare kojo to napoipu nsira.

Yohanes 6:51

Wali Aku semo pangkoni to mangawai katuwu, to ma’i yako ndate saruga. Wali i sema tau to mangkoni pangkoni si’i, tau etu datuwu singkasaenya. Pangkoni si’i korongKu semo to Aku mangawaika yau to lino see maya mangarata katuwu.”

Yohanes 3:18

Wali tau to mangaya Aku, tau etu taa darahuku. Pei ane tau to taa mangaya Aku, tau etu roomo rapakatantu ia darahuku saba ia taa mangaya kuasa to si Aku, Ana i mPue Allah to samba’aja.

Ibrani 1:5

Kita mangansani monso pu’u ewa wetu apa i Pue Allah tare manganto’oka pasi samba’a pomakauNya, Ia tare manganto’o, “Komi AnangKu, Seo si’i Aku mawalimo Pa’aMu.” (Masmur 2:7) Pasi Ia tare seja manganto’o mangkonong pasi samba’a pomakauNya ewa si’i, Ia tare manganto’o, “Aku damawali Pa’aNya, pasi Ia damawali AnangKu.” (2 Samuel 7:14)

Yohanes 8:42

Wali i Yesu manganto’oka sira, “Ane monso pu’u i Pue Allah Pa’a ngkomi, komi damamporayang Aku. Apa Aku ma’i yako resi i Pue Allah semo, see naka Aku re’i rire. Aku taa ma’i mangalulu songka to si Aku, Aku ma’i napokau i mPue Allah.

Lukas 4:18

“Nosa i mPue re’e resi Aku, apa Ia roomo mangampilis Aku damampakarebaka kareba matao resi tau to masiasi. Pasi Ia nampokau Aku damampolindo tau to masusa kojo rayanya pasi damampaponsanika resi tau to nata’amaka nsa’e sira daralapa muni. Pasi Ia nampokau Aku damampaponsanika resi tau to buta sira damangkita muni rao. Pasi Ia nampokau Aku damangansawang tau to rapakasusa,

Markus 12:6

“Wali yako etu tau pue nawu mampobuuka, ‘Jamo samba’a tau to maya kupokau, etu semo anangku to kuporayang. Wali aku damampokau ia yau njo’u to pangkampang nawu etu apa ane anangku si’i dakupokau, sira damanga’angga ia.’ Wali tau pue nawu mampokau ananya yau wo’u njo’u to pangkampang nawu.

1 Yohanes 4:16

Wali apa saba kita maroo masingkatao pei i Pue Allah, etu semo sabanya naka pei kita mangansani i Pue Allah monso pu’u mamporayang kita, pasi yako pamporayangiNya etu see naka re’e pansarumakanta resi Ia. Wali i Pue Allah semo pu'u mpamporayang. See naka kita mangansani i sema-sema tau to sangkani mamporayang, tau etu maroo masingkatao pei i Pue Allah. Pasi i Pue Allah maroo masingkatao pei ia.

Yohanes 14:6

Wali i Yesu manganto’o, “Aku semo jaya to rata resi Pa’angKu. Pasi Aku semo to mampakanasaka tau anu to monso mangkonong Ia, pasi Aku semo pu’u ngkatuwu to singkasaenya. Wali tare tau to rata resi Pa’angKu ane taa mangalulu Aku.

Yohanes 6:29

Wali i Yesu mangansono, “Palaong to naporani i mPue Allah, etu semo aya Aku to ipokauNya.”

Yohanes 8:29

Wali Pa’angKu to nampokau Aku, Ia sangkani siwaka pei Aku. Pasi Ia taa mampiyaika Aku apa Aku sangkani mangika palaong to mampakasanang Ia.”

Yohanes 5:23

Naka pei Ia mangika ewa wetu see samparia tau damanga’angga Aku to AnaNya, ewa naika nsira manga’angga Ia to Pa’angKu. Wali tau to taa manga’angga Aku to AnaNya, tau etu taa seja manga’angga Pa’angKu to nampokau Aku etu.

Pomulanya 22:2

Wali i Pue Allah manganto’o, “Inta njo’u tana Moria. Tempo korom yau, keni seja i Ishak, anamu to samba’aja, to nuporayang kojo etu. Rata nja’u tana Moria etu, inta nto’u tongku to daKusuduka korom panewa ndate ria sambale yau i Ishak pei tunu yau ia. Ewa wetu danuika mampampueka yau ia resi Aku.” Etu semo porenta i mPue Allah resi i Abraham.

Yohanes 9:3

Wali i Yesu mangansono, Ia manganto’o, “Naka pei tau si’i buta, si’a apa ia re’e mangika dosa. Pasi si’a seja apa saba tau tu’anya nangika dosa. Naka pei ia buta see tau boros damangkita palaong to danaika i mPue Allah resi ia.

1 Yohanes 5:13

Wali aku kunsani komi roomo mangaya kuasa nu Ana i mPue Allah. Pei aku tiroowa mangantulisika komi sura si’i see damanasa ngkomi saba yako pangayang komi Ia, re’emo katuwu to singkasaenya resi komi. Pasi aku mangantulisika komi sura si’i see tare pandoonya komi mangaya Ia.