1 Yohanes 4:7 - Tuntu i mPue ri Basa Taa

⁷ Wali ngana-ngana to kuporayang, anu kita masiporayang, apa pamporayang pu’unya i Pue Allah semo. Wali samparia tau to mamporayang sa'e, tau etu ana i mPue Allah. Pasi sira mangansani kojo i Pue Allah, apa i Pue Allah semo pu’u mpamporayang.

Sura Magali Nuntu Ngkatuwu

⁷ Waʼa ngkasangkompo anu ndapomawo! Maʼimo kita da mombepotowe sambaʼa pai sambaʼa, maka towe ungka ri Pue Ala kamaʼinya. Tau anu mepotowe inceʼemo ana mPue Ala pai siʼa maincani Pue Ala.

1 Yohanes 4:7 Referans Kwoze

1 Yohanes 4:20

Wali anu kita mamporayang pua’i ngkita to samba’a pangaya. Apa ane re'e tau to manganto'o, "Aku kuporayang i Pue Allah," pei tau etu maja'a nakita a'inya to samba'a pangaya, ane ewa see gombonya etu palaku. Apa ane ia taa mamporayang a'inya etu to roomo nakita nu matanya, batuanginya ia taa seja nakurang mamporayang i Pue Allah to taa nakita nu matanya etu.

1 Yohanes 4:8

Pei tau to taa mamporayang sa'e, tau etu taa mangansani kojo i Pue Allah. See naka sira taa mamporayang sa’e, apa sira taa mangansani kojo Ia to pu’u mpamporayang.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

1 Yohanes 2:10

Pei i sema-sema tau to mamporayang a'inya etu, tau etu re'e maroo ri raya ngkareme. Pasi ane ia mamporayang a’inya etu tamore bara kesaa to mangika see ia damasou ri raya nu dosa, apa ia re’e ri raya ngkareme.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

2 Timotius 1:7

Ne’e meka mangampake soramu etu apa i Pue Allah room mangawaika kita i Nosa Mapasing. Wali i Nosa Mapasing etu si’a mangika kita mawali maleo. Ia mangika see kita mawali maroso rayanta, pasi mamporayang sa’e, pasi mawali pande mampasisala anu to matao pasi anu to maja’a.

1 Yohanes 4:12

Kamonsonya tawa re'e tau to mangkita i Pue Allah. Pei ane kita masiporayang, re'e i Pue Allah maroo ri raya ngkita. Wali yako pamporayang ngkita etu, see naka tau mangangkita ewa wimba i Pue Allah. Pasi ane kita masiporayang, batuanginya pamporayang i mPue Allah mawali masilonga ri raya ngkatuwu ngkita.

1 Yohanes 2:29

Wali kita mangansani i Kerisitu Ia sangkani mangika lengko to singkonong pei i Pue Allah. See naka kita mangansani seja i sema-sema tau to mangika lengko to singkonong pei i Pue Allah, tau etu ana i mPue Allah. Wali anu kita maroo masingkatao pei Ia.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

Galatia 4:9

Pei si’i-si’i komi mangansanimo i Pue Allah. Pasi to kono wo’u rato’o, i Pue Allah mangansanimo komi! Wali ane ewa see, maka pei komi mangandolika muni tango ngkomi resi ada-ada nto lino? Ada etu tare batuanginya pasi tare kuasanya mangansawang komi, wali maka pei komi mamporani mawali muni watua nu ada etu?

Yohanes 13:34

Wali si’i-si’i Aku mangawaika komi porenta to bou. Etu semo, masiporayang. Ewa inikangKu mamporayang komi, ewa see seja danuika ngkomi masiporayang.

1 Korintus 8:3

Pei tau to mamporayang i Pue Allah, tau etu nansani i mPue Allah.

1 Yohanes 2:3

Wali re'e to mampakanasaka ri raya ngkita kita tuwu mangansani kojo i Pue Allah. Etu semo, kita mampolaika porenta-porentaNya. Wali ane kita mangika ewa wetu, manasa kita mangansani kojo Ia.

1 Yohanes 2:4

Wali i sema-sema tau to manganto'o, "Aku mangansani kojo i Pue Allah," pei tau etu taa mampolaika porenta-porenta i mPue Allah, kamonsonya tau etu mawuti. Tare anu to monso resi ia.

1 Yohanes 2:7

Wali a’i-a’i, re’e wo’u to aku rani manganto’o mangkonong pamporayang to aku manganto’o ngena. Wali porenta to kutulisika komi si'a porenta to bou. Porenta etu porenta to masae to nawaika i mPue Allah komi yako ri pamulanya komi mangaya seore. Etu semo porenta to manganto’oka kita masiporayang. Wali porenta to masae etu, etu semo kareba to komi roomo mangandonge tempo komi owo mula mangaya kareba etu.

1 Yohanes 3:9

Wali i sema-sema tau to nawaika i mPue Allah katuwu to bou, pasi to maroo masingkatao pei Ia, tau etu taa mangika dosa. Apa tau to maroo masingkatao pei Pa’anya, to pu’u ngkatuwu to bou etu, tau etu taa mangika dosa.

1 Yohanes 4:11

Wali ngana-ngana to kuporayang, ane ewa wetu pamporayang i mPue Allah resi kita, masipato kita masiporayang seja.

1 Yohanes 4:16

Wali apa saba kita maroo masingkatao pei i Pue Allah, etu semo sabanya naka pei kita mangansani i Pue Allah monso pu’u mamporayang kita, pasi yako pamporayangiNya etu see naka re’e pansarumakanta resi Ia. Wali i Pue Allah semo pu'u mpamporayang. See naka kita mangansani i sema-sema tau to sangkani mamporayang, tau etu maroo masingkatao pei i Pue Allah. Pasi i Pue Allah maroo masingkatao pei ia.

1 Yohanes 5:1

Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

2 Yohanes 1:5

Wali si'i-si'i Indo aku mamporapika resi komi samparia see kita masiporayang. Pei porenta to kutulisika komi etu si'a porenta to bou. Porenta etu semo to nawaika i mPue Allah kita yako ri pamulanya kita mangaya.