1 Yohanes 4:4 - Tuntu i mPue ri Basa Taa

⁴ Pei ngana-ngana, komi i Pue Allah puenya, pasi komi roomo manganangi to pantuntu tuntu to taa monso etu. Naka pei komi manganangi sira apa Nosa to maroo ri raya ngkomi, Ia semo to bae-bae kuasaNya pei i Kepala nto pantipu to mangkuasang to lino to taa mangaya.

Sura Magali Nuntu Ngkatuwu

⁴ Paikanya ee waʼa anaku, komi anu i mPue Ala. Komi manangimo waʼa nabi kambamba-mbamba, maka Inosa anu reʼe ri komi meruu kakuasanya painaka inosa anu napotumpu lino seʼi.

1 Yohanes 4:4 Referans Kwoze

Roma 8:31

Wali a’i-a’i, ane kita mampobuuka samparia palaong to naika i mPue Allah etu, kesaa wo’u to kita damanganto’o? Ewa si’i datato’o. Ane i Pue Allah mampasimbalika kita, tare to maya manganangi kita.

1 Yohanes 5:4

Wali kamonsonya boros anu to maja’a ri lino si’i to rani mangantalas kita see kita taa mampalaika i Pue Allah. Pei ne’e mangkalingan, kita ngana i mPue Allah. Kita tau to mangaya i Yesu Ia Ana i mPue Allah! Wali apa saba pangayanta etu, see naka kita re’e kuasa manganangi anu to maja’a to re’e ri lino etu. See naka kita tiroowa maya mampolaika i Pue Allah. Wali matao kita mampalaika porenta i mPue Allah see mampakanasa pamporayanginta resi Ia pasi resi yununta to nganaNya.

Roma 8:37

Pei nempo bara kesaa kasusa to tarata etu, kasusa etu taa manganangi kita. Kita semo to manang. Pasi kita si’a ojo manang, kita seja radugangika karoso ndayanta apa saba yako kuasa i Yesu to mamporayang kita.

1 Yohanes 4:16

Wali apa saba kita maroo masingkatao pei i Pue Allah, etu semo sabanya naka pei kita mangansani i Pue Allah monso pu’u mamporayang kita, pasi yako pamporayangiNya etu see naka re’e pansarumakanta resi Ia. Wali i Pue Allah semo pu'u mpamporayang. See naka kita mangansani i sema-sema tau to sangkani mamporayang, tau etu maroo masingkatao pei i Pue Allah. Pasi i Pue Allah maroo masingkatao pei ia.

1 Korintus 2:12

Wali kita to mangaya taa mangantima nosa nto lino. Kita mangantima Nosa to yako resi i Pue Allah see kita maya mangansani samparia sora to nawaika i mPue Allah kita yako ri kanotoNya.

1 Yohanes 5:19

Pasi kita tansani seja kita i Pue Allah Puenya. Pei samparia to lino to taa mangaya, sira paka nakuasang i ngKepala nto pantipu.

1 Yohanes 4:13

Wali kita mangansani kita maroo masingkatao pei i Pue Allah pasi Ia maroo masingkatao pei kita. Naka pei kita mangansani etu saba yako NosaNya to Ia roomo mangawaika kita. Wali NosaNya etu to mampakanasaka kita see kita mangansani.

Epesus 6:10

Wali a’i-a’i, re’e katawanya aku mampakaroo sura si’i aku rani manganto’oka komi pakaroso raya ngkomi yako ri karoso i mPue anu to bae kojo, apa komi samba’a pei Ia.

Epesus 3:17

Pasi aku makai-kai see i Kerisitu damasanang maroo ri raya ngkomi pasi masingkatao pei komi apa saba pangaya ngkomi. Apa ane ewa see, komi danapakaroso yako pamporayangiNya see komi mawali ewa kaju to maroso kalenya pasi ewa banua to maroso pondasinya.

Pangkita 12:11

Wali a’i-a’i ngkita etu manganangi ia apa saba yako kuasa raa nu Ana Domba pasi apa saba tuntu i mPue Allah to napakarebaka nsira. Sira taa ojo mangampobuuka katuwu ngkoronya, apa nempo rapopate yau apa saba pangayanya, sira taa mandoo mangaya.

1 Yohanes 3:24

Wali i sema-sema tau to mampalaika porenta i mPue Allah etu, tau etu maroo masingkatao pei Ia. Pasi i Pue Allah maroo masingkatao pei tau etu. Wali naka pei kita mangansani i Pue Allah maroo masingkatao pei kita apa saba yako i Nosa Mapasing to Ia roomo mangawaika kita. Wali ane ewa see, monso pu’u kita maroso rayanta mampotango i Pue Allah.

Yohanes 12:31

Wali ratamo temponya i Pue Allah damangahuku dosa nto lino. Pasi ratamo temponya Ia damanganangi i Kepala nto pantipu to mangkuasang lino si’i.

Yohanes 17:23

Batuanginya mawali samba’a pampobuuka, etu semo, Aku maroo ri raya nsira, pasi Komi maroo ri rayangKu, wali ane ewa see, sira maya samba’a kojo pampobuuka nsira. Pasi ane sira samba’a pampobuuka, ane ewa see, to lino to taa mangaya damangkita kasingkatao nsira etu panewa tau to taa mangaya etu damangansani Komi semo to nampokau Aku. Pasi sira damangansani Komi mamporayang tau to mangaya Aku, pasi pamporayang ngKomi resi tau to mangaya etu sewaju ewa pamporayang ngKomi resi Aku.

1 Yohanes 4:6

Pei kami i Pue Allah Puenya. Wali tau to mangansani seja i Pue Allah, tau etu to masanang mampodongeka gombo mami. Pei tau to si'a i Pue Allah puenya, tau etu bo'onya mampodongeka gombo mami etu. Wali kita ojo mangalo’aka tau to imba to mampodongeka gombo ntau, panewa yako etu kita maya mampasisala gombo ntau etu bara to monso to yako i Nosa Mapasing, bara gombo to taa monso to yako i Kepala nto pantipu.

2 Korintus 6:16

Wali wimba, bara masipato ane tau to mangaya i Kerisitu pei mampue tau-tau? Gete, taa! Apa koro ngkita roomo mawali banua to nakaroo i mPue Allah to tuwu, wali taa kojo masipato mangampake banua i mPue Allah mampue resi tau-tau! Wali palaong etu singkonong pei gombo i mPue Allah to ratulis ri raya ntuntuNya, to manganto’o, “Aku damaroo ri raya nsira pasi datuwu masingkatao pei sira. Aku damawali Allah nsira pasi sira damawali taungKu.” (Yehezkiel 37:27)

1 Yohanes 2:13

Pasi komi to bose tu’a, naka pei aku mangantulisika komi damampatiendoka komi, komi roomo mangansani kojo i Kerisitu. I Kerisitu etu, Ia re'emo tempo mpamula nu lino si'i. Pasi komi to mangurawa, naka pei aku mangantulisika komi damampatiendoka komi, komi roomo manganangi i Kepala nto pantipu. Pasi komi to ngana mayunu, naka pei aku mangantulisika komi damampatiendoka komi, komi roomo mangansani kojo Pa'a ngkita.

1 Korintus 6:13

Pasi re’e wo’u tau to manganto’o, “Pangkoni raika daraposaka la’u raya ngkompo. Pasi kompo raika damangantima pangkoni.” Wali monso seja ewa rato’o etu, pei daratamo temponya i Pue Allah damampakapura samparia etu. Wali re’e komi to mampobuuka nempo kesaa palaong to kita mangika ri koronta si’i, taa mawei. Pei koro ngkita si’i naika i mPue Allah si’a darapake masala pasi magoyal. Koro ngkita naika i mPue darapake mangika pamporani to si Ia. Pasi Ia maroo ri raya ngkoro ngkita mangansawang kita.

Epesus 2:2

Lengko ngkomi tempo etu ojo mangaluluka yau lengko nto lino anu to maja’a. Pasi tempo etu komi mangampolaika i Kepala Measa. I Kepala Measa ia matunda ri rao, wali yako ri rao etu ia mangamporentang raya ntau samparia to taa mampolaika i Pue Allah.

Yohanes 16:11

Pasi to Pansawang etu, Ia damampakanasaka seja to lino mangkonong huku, apa i Kepala nto pantipu to mangkuasang to lino roomo rahuku wali matantu tau to mangalulu ia darahuku seja.

2 Korintus 4:4

Tau etu tau to taa mangaya. Wali i Kepala nto pantipu, pue to mangkuasang ri tempo to maja’a si’i, ia semo to mangabombong pampobuuka ntau to taa mangaya etu. Sabanya naka pei ia mangabombong pampobuuka nsira see sira taa maya mangansani kareba matao mangkonong kayawa i ngKerisitu. Kita mangansani i Kerisitu sewaju kojo pei i Pue Allah. Pasi kareba mangkonong Ia etu raporapaka ewa reme to mangansindo tau etu. Pei pampobuuka nsira roomo mawali ewa tau buta to taa mangkita reme etu.

Yohanes 14:30

Wali si’i-si’i tamo masae Aku mampogomboka komi, apa daratamo i Kepala Measa to mangkuasang to lino to balingKu. Ia taa maya mangkuasang Aku,

1 Yohanes 2:1

Wali ngana-nganangku, naka pei aku mangantulisika komi gombo si'i see komi taa damangika dosa. Pei ane bara re'e kita to mangika dosa, re'e tau to mamponsaruka kita ri tango i mPue Allah, Pa'a. To mamponsaruka kita etu, etu semo i Yesu Kerisitu to tare dosaNya.