1 Yohanes 4:14 - Tuntu i mPue ri Basa Taa

¹⁴ Pasi ane kami, kami manasa seja kami maroo masingkatao pei Ia apa kami re'e mangkita Ana i mPue Allah seore, wali kami mawali matamanasaNya. Pasi kami manganto'oka sa'e, "Pa'a ngkita Ia roomo mampokau AnaNya ma'i damawali to Pansompo nto lino."

Sura Magali Nuntu Ngkatuwu

¹⁴ Kami kakitamo Ana i mPue Ala, pai kapetumbuka tau ntaninya, ka-Siranya ndapokau i mPapa maʼi ri lino mewali Mokole Tadungkadago ri lino seʼi.

1 Yohanes 4:14 Referans Kwoze

1 Yohanes 4:10

Wali ewa si’i mangkonong pamporayang to monso, si'a pamporayang ngkita resi i Pue Allah pamporayang to monso. Pamporayang i mPue Allah resi kita semo. Apa yako pamporayangiNya etu, see naka Ia mampokau AnaNya ma'i ri lino si'i damawali pampue to mampakasanang Ia see Ia tamo mangkitanaka dosa ngkita.

Yohanes 4:42

Panewa sira manganto’oka tau we’a etu, “Kami mangaya si’i-si’i, pei si’a ojo yako gombo ngkorom. Naka pei kami mangaya Ia apa kami semo re’e mangandonge anu to to’oNya. Pasi kami mangansani monso pu’u tau si’i i Kerisitu, to Pansompo nto lino.”

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Yohanes 1:29

Wali yako etu, ojo kaeonya wo’u rao i Yohanes mangkita i Yesu ma’i mangampago ia. Wali ia mangansani i Yesu semo to damawali pampue nu dosa ewa ana nu domba to napampueka ntau resi i Pue Allah ane sira mangika dosa. Wali see naka ia manganto’oka tau boros, “Lo’aja tau etu! Ia semo Ana nu Domba to nawai i mPue Allah, Ia ma’i damangansompo dosa nto lino!

1 Yohanes 5:9

Wali ane re'e yunu ngkita to lino to mawali matamanasa mangkonong palaong to mawali, kita mangaya gombo ntau etu. Pei i Pue Allah semo to mawali matamanasa to manganto'oka kita mangkonong i Pue Yesu Ia semo AnaNya. Wali masipato kojo kita mangaya gomboNya etu apa Ia semo matamanasa to monso-monso wo'u pei matamanasa to lino.

1 Petrus 5:12

Wali i Silas semo to mangansawang aku mangantulis sura to taa marade si’i. Ia seja a’i ngkita to samba’a pangaya pasi ane ri pangkita nu matangku ia maya rasarumaka. Wali naka pei aku mangantulisika komi sura si’i apa aku rani mampakaroso raya ngkomi. Pasi aku rani manganto’oka komi, sura si’i mangkonong kanoto i mPue Allah. KanotoNya etu monso pu’u. Wali pakaroso pangaya ngkomi ri kanotoNya etu.

Yohanes 12:47

“Wali ane tau to mangandonge gombongKu pei taa mampalaika, si’a Aku to damangahuku ia. Apa Aku ma’i si’a damangahuku to lino. Aku ma’i damampalaes sira.

Yohanes 5:39

“Wali komi madota kojo maguru tuntu i mPue Allah, apa komi mampobuuka ane maguru tuntu i mPue Allah komi damangarata katuwu to singkasaenya. Wali tuntu i mPue Allah to nupoguru ngkomi etu, tuntu etu mampakanasa mangkonong Aku.

Yohanes 3:34

Apa Ia to ma’i napokau i mPue Allah, Ia mangamporata gombo i mPue Allah, apa i Pue Allah re’e mangawaika Ia i Nosa Mapasing damangansawang Ia. Pasi si’a ojo tempo-temponya Ia nasawang i Nosa Mapasing, tare pandoonya Ia rasawang.

Palaong mPomakau i mPue Yesu 18:5

Wali yako etu ratamo i Silas sira dua i Timotius, ma’i yako ri Makedonia. Tempo sira dua rata etu, i Paulus tamo mangika palaong to yusa kasimbalinya yako mampakarebaka tau tuntu i mPue Allah. Ia manganto’oka to Yahudi mangkonong i Yesu, Ia semo i Kerisitu, Makole parajanji i mPue Allah.

Yohanes 10:36

ane ewa see taa manto’o Aku. Apa Aku napilis i mPue Allah, Pa’angKu, mawali Iaja puenya pasi Aku napokau i mPue Allah ma’i ri lino si’i. Wali maka pei komi mampakasala Aku pei manganto’o Aku manto’o maja’a i Pue Allah apa saba Aku manganto’o, ‘Aku Ana i mPue Allah’?

Yohanes 3:32

Ia mampaponsanika tau mangkonong anu to Ia roomo mangkita pasi to Ia roomo mangandonge ndate saruga, pei tempo Ia manganto’o gombo etu taa kojo malagi tau to mangaya gomboNya etu.

Yohanes 3:11

Roo see i Yesu manganto’oka wo’u i Nikodemus, to’oNya, “Aku manganto’oka korom, monso pu’u Aku pasi joangKu magombo mangkonong anu to kami mangansani. Pasi kami mangansaritaka tau mangkonong anu to kami re’e mangkita. Pei komi to tau tu’a nto Israel, komi taa mangaya anu to nato’o mami etu.