1 Yohanes 4:1 - Tuntu i mPue ri Basa Taa

¹ Pei ngana-ngana to kuporayang, ne'e mansaka mangaya samparia tau to manganto'o, "Aku magombo yako ri kuasa i Nosa Mapasing." Pei paresa ruyu gombo ntau etu see manasa bara monso pu'u yako resi i Pue Allah. Ika ewa wetu apa boros to pantuntu tuntu to taa monso to masuwu ri sambawo lino si'i.

Sura Magali Nuntu Ngkatuwu

¹ Waʼa ngkasangkompo anu ndapomawo! Neʼe ndiaya pura-pura tau anu mangaku mampotumpu Inosa mPue Ala, paikanya ndiparesa riunya da ndipaincani bara monco kojo inosa anu lau ri tau setu ungka ri Pue Ala, bara banya. Maka maria nabi anu kambamba-mbamba anu tesebu wainjoʼu waimaʼi.

1 Yohanes 4:1 Referans Kwoze

1 Tesalonika 5:21

Pei paresa samparia gombo to nato’o ntau to mampotunde komi see mampakanasa bara singkonong pei tuntu i mPue Allah bara taa. Panewa pake anu to bae batuanginya,

2 Petrus 2:1

Wali ewa wetu mangkonong to pantuntu tuntu i mPue Allah tempo owi. Pei tempo owi etu, re’e seja to pantuntu tuntu to taa monso. Pasi ewa see seja tempo si’i, apa re’e seja tau to damasuwu ri oyo ngkomi to damampoanika mampotunde tuntu i mPue Allah, pei kamonsonya sira to panipu. Apa tempo sira damampotundeka komi, sira damangagaloka seja anu to taa monso to ojo damampakaja’a pangaya ngkomi. Pasi sakowa i Yesu to roomo mangoli yau sira see sira maya mawali Ia Puenya, sira manganto’o Ia si’a Pue. Wali see naka sira kodi majoli damangarata huku saba yako sala nsira semo. Pei tempo sira tiroowa mampotunde, boros tau to mangalulu lengko nsira to masipato rapokea. Wali apa saba palaong to naika ntau etu, see naka sa’e damanganto’o maja’a jaya to monso.

1 Timotius 4:1

Wali i Nosa Mapasing re’e mampakanasaka kojo kita, Ia manganto’oka kita mangkonong anu to damawali ri tempo to darata. Ri tempo etu boros tau to damamposaka yau pangayanya resi i Pue Allah. Tau etu damangalulu nosa-nosa to manipu to mampoguru anu to yako resi measa.

2 Yohanes 1:7

Wali Indo, boros to pantipu to re’e ri sambawo lino si'i. Tau etu bo'onya mampatimonso, manganto’o, "I Yesu Ia Kerisitu, Makole napokau i mPue Allah ma'i mawali to lino." Wali tau to mampobo’o i Kerisitu etu, sira semo to pantipu pasi bali i ngKerisitu.

1 Korintus 14:29

Pasi ane to pantuntu tuntu i mPue, biakamo dua bara togo sira to magombo. Pasi tempo sira magombo etu, yununya to tao-tao mampodongeka kojo pei mangabotus gombonya etu bara monso pu’u yako resi i Nosa Mapasing bara si’a.

1 Yohanes 2:18

Wali ngana-ngana, tempo si'i semo temponya mosumo danakarata i mPue. Pasi komi roomo rapotundeka mangkonong bali i ngKerisitu to dama'i ane ratamo tempo etu. Wali tempo si'i ratamo bali i ngKerisitu malagi kojo. Wali yako palaong to etu see naka manasa resi kita ratamo temponya mosumo danakarata i mPue.

Lukas 12:57

“Pasi maka pei komi taa mangabotus palaong to imba to masipato raika? Etu semo pojea see maya masingkatao yami pei i Pue Allah ri katawanya rapangabotus to lino.

Lukas 21:8

Wali i Yesu mangansono, “Pakatao kojo see komi taa natipu ntau mangkonong temponya Aku dama’i muni ri lino. Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Pasi sira damanganto’o, ‘Daratamo tempo ngkama’i i Makole parajanji i mPue Allah.’ Ewa wetu danato’o ntau, pei ne’e mangalulu tau etu.

2 Timotius 3:13

Pei tau to maja’a pasi to panipu, tau etu kanjo’u-njo’u tiduga-dugang wo’u kaja’anya. Sira mangantipu sa’e pasi sira seja ratipu.

Pangkita 2:2

Wali gomboNya etu manganto’o, Aku mangansani lengko ngkomi. Aku kunsani komi mandasai kojo mapalaong pasi bae sabara. Pasi Aku Kunsani seja komi taa rani masingkatao pei tau to maja’a. Tau etu mampoanika manganto’o, “Aku pomakau i ngKerisitu.” Wali tau etu komi mamparesa ruyu panewa manasa sira mawuti.

1 Korintus 12:10

Panewa re’e wo’u tau to rawaika kuasa mangika palaong to taa rapobiasa. Pasi tau to yusa rawaika mawali to pantuntu tuntu i mPue Allah. Pasi re’e tau to rawaika kapande mampasisala tau to monso pu’u mangaluluka tuntu i mPue pei tau to taa. Panewa re’e wo’u tau to rawaika kapande magombo ri raya basa mpangaya-ngaya to taware igurunya. Pasi re’e seja tau to rawaika kapande mampaponsanika sa’e batuanginya gombo ntau to magombo ri raya basa to yusa etu.

Palaong mPomakau i mPue Yesu 20:29

Wali jagai kojo sira apa aku kunsani payungku aku dameyoko yau si’i, dama’i tau to maja’a damampakaja’a komi ewa naika asu maila to maja’a kiranya mampakaja’a yau domba.

Markus 13:21

“Wali tempo powalinya palaong to maja’a etu, ane re’e tau to manganto’oka komi, ‘Lo’aja, si’i semo i Kerisitu, Makole parajanji i mPue Allah!,’ pasi ane re’e tau to manganto’o, ‘Etu semo Ia!,’ ne’e mangaya gombo ntau etu.

Palaong mPomakau i mPue Yesu 17:11

Wali to Yahudi to nja’u nja’u kota etu sira semo to sana-sanang mampodongeka tuntu i mPue pei tau ri Tesalonika. Tempo i Paulus mampotundeka sira tuntu i mPue Allah, sira masanang kojo mampodongeka, pasi ponto eo sira mamparesa tuntu i mPue etu mampakanasa bara monso pu’u anu to nato’oka i mPaulus sira etu, bara taa.

1 Tesalonika 5:20

Pasi ne’e seja mangkaengas gombo nto pantuntu tuntu i mPue Allah.

2 Tesalonika 2:2

see komi ne’e majoli masusa pampobuuka ngkomi. Pasi ne’e moru-moru raya ngkomi mangandonge kareba to manganto’o ratamo temponya i Pue mula maporenta ri lino. Ne’e mangaya kareba etu nempo nato’o ntau to mampoanika mamporata gombo i Nosa Mapasing, pasi nempo napotundeka ntau, pasi nempo nato’o ntau to mampoanika re’e sura yako resi kami to manganto’o ewa wetu.

1 Yohanes 2:7

Wali a’i-a’i, re’e wo’u to aku rani manganto’o mangkonong pamporayang to aku manganto’o ngena. Wali porenta to kutulisika komi si'a porenta to bou. Porenta etu porenta to masae to nawaika i mPue Allah komi yako ri pamulanya komi mangaya seore. Etu semo porenta to manganto’oka kita masiporayang. Wali porenta to masae etu, etu semo kareba to komi roomo mangandonge tempo komi owo mula mangaya kareba etu.

3 Yohanes 1:11

Wali anangku to kuporayang, ne'e mangalulu lengko to maja'a ewa lengko i Diotrepes etu, pei lulu lengko to matao. Apa i sema tau to mangika lengko to matao, tau etu i Pue Allah puenya. Pei i sema tau to mangika lengko to maja'a, tau etu tawa mangansani kojo i Pue Allah.