1 Yohanes 3:4 - Tuntu i mPue ri Basa Taa

⁴ Wali samparia tau to mangika dosa, tau etu re'e mangewa porenta i mPue Allah. Apa dosa batuanginya tau mangewa porenta i mPue Allah.

Sura Magali Nuntu Ngkatuwu

⁴ Tau anu mampowia salaa, malewa padika i mPue Ala; maka salaa inceʼemo palewa songka i mPue Ala.

1 Yohanes 3:4 Referans Kwoze

1 Yohanes 5:17

Kamonsonya samparia palaong to taa singkonong pei i Pue Allah paka dosa. Pei taa samparia dosa to naika ntau to mangaya to mate tau mangika. Wali masipato kita mampokaikaika pua’i ngkita to samba’a pangaya ane sira mangika dosa pei tau etu tawa namate yau.

Roma 3:20

Wali tare pasi samba’a tau to danato’o i mPue Allah tare dosanya apa saba mangalulu porentaNya, apa tare tau to nakoto mangalulu samparia porenta etu. Naka pei kita rawaika porenta etu see mampakanasaka resi kita mangkonong dosanta.

2 Korintus 12:21

Wali aku moru rayangku mampobuuka temponya aku darata wo’u resi komi. Apa aku mampobuuka tempo aku darata ri oyo ngkomi i Pue Allah ngkita bara damanganto’oka aku tamo masipato aku mangepe masanang mangkonong komi apa lengko ngkomi tamo singkonong pei Ia. Wali ane ewa see aku damawali mea. Pasi aku bara damawo kojo rayangku mangkita boros komi to roomo mangika dosa pei tawa mangandolika muni tango ngkomi yako ri palaong to maja’a to nuika ngkomi etu. Etu semo palaong to mampakarikasika raya komi, magoyal pasi masala, pasi palaong to masipato rapokea. Wali tuwu-tuwuja si’a ewa wetu lengko ngkomi tempo aku rata resi komi.

Roma 4:15

Wali apa saba tau taa nakurang mangaluluka porenta etu see naka sira mangarata huku i mPue Allah, apa sira monso pu’u sala. Ane tare porenta tare tau to sala, pei re’e porenta see naka samparia tau paka sala.

Yakobus 5:15

Apa ane ia damangika ewa wetu, ia daroo muni masaki apa saba pokai-kai to nato’o mpenatua yako ri pangaya nsira. Wali i Pue semo damampakatao muni ia. Pasi ane bara saba yako dosa to inikanya see naka ia mawali masaki, dosanya etu daralapa seja.

Yesaya 53:8

Ia nasoko pasi nabotus ntau panewa nakeni yau nsira darapopate yau. Pei tau to tuwu ri tempo etu sira taa mangalinga tempo Ia mate yau etu. Pei kamonsonya Ia rapopate yau apa saba dosa ntauNya semo.

Matius 5:19

Wali bara re’e tau to bo’onya mampalaika nempo samba’a porenta, nempo porenta to taa bae kojo batuanginya, pasi ia mampotundeka sa’e see sa’e taa seja mangalulu. Wali i sema-sema to mangika palaong to ewa wetu, tau etu taa damangarata angga to bae tempo i Pue Allah mawali Makole nto lino. Pei i sema-sema to mangalulu pasi mampotundeka sa’e porenta etu, tau etu damangarata angga to bae tempo i Pue Allah mawali Makole nto lino.

Palaong mPomakau i mPue Yesu 23:3

Wali i Paulus manganto’oka i Ananias etu, “O korom to ojo gombomu manoto. Korom ewa rindi to makarika to rapalasika kapur buya. I Pue Allah damangantoposaka korom apa korom damangabotus aku singkonong pei porenta i Musa pei korom ngkalio mangika to taa singkonong pei porenta i Musa etu, apa korom manganto’oka tau mantoposaka aku.”