1 Yohanes 3:10 - Tuntu i mPue ri Basa Taa

^10-11 Wali kita to mampopa’a i Pue Allah, yako ri pamulanya kita mangaya kita re’e mangandonge porenta to manganto’o to tao-tao kita masiporayang. Wali etu semo palaong to mampakanasaka kojo resi kita bara i sema kamonsonya pu’u nu lengko ngkita, bara i Pue Allah, Pa’a ngkita, bara i Kepala nto pantipu. Pei tau to ana i mPue Allah pei taa mamporayang a’inya to samba’a pangaya pasi mangika lengko to taa singkonong pei i Pue Allah, manasa tau to etu taa maroo masingkatao pei i Pue Allah. Wali lengko ntau etu manasa kojo i Kepala nto pantipu semo pu’unya.

Sura Magali Nuntu Ngkatuwu

¹⁰ Inceʼemo posisalanya waʼa ana mPue Ala pai waʼa ana i Majaʼa, isema anu bareʼe napokono mawianaka pepokono i mPue Ala, pai bareʼe mampotowe kasangkomponya, siʼa banya ana i mPue Ala.

1 Yohanes 3:10 Referans Kwoze

1 Yohanes 4:8

Pei tau to taa mamporayang sa'e, tau etu taa mangansani kojo i Pue Allah. See naka sira taa mamporayang sa’e, apa sira taa mangansani kojo Ia to pu’u mpamporayang.

3 Yohanes 1:11

Wali anangku to kuporayang, ne'e mangalulu lengko to maja'a ewa lengko i Diotrepes etu, pei lulu lengko to matao. Apa i sema tau to mangika lengko to matao, tau etu i Pue Allah puenya. Pei i sema tau to mangika lengko to maja'a, tau etu tawa mangansani kojo i Pue Allah.

1 Yohanes 4:21

Wali ngana-nganangku, anu kita mangalulu porenta to nato'oka i ngKerisitu kita. Ia manganto'o, "Komi to mamporayang i Pue Allah, porayang seja a'imu." Wali anu kita samparia masiporayang.

Yohanes 8:44

Naka pei komi ewa wetu apa i Kepala nto pantipu semo pa’a ngkomi. Pasi komi rani mangalulu pamporani to si ia. Yako ri pamulanya ia mampopate tau. Pasi ia taa mampasimbalika anu to monso apa tare anu to monso resi ia. Pasi ia biasa kojo mawuti apa ewa wetu semo lengkonya. Ia to pawutis pasi samparia wuti ia semo pu’unya.

Matius 13:38

Wali nawu, etu semo lino si’i, pasi pae to matao, batuanginya tau to mawali Makolenya i Pue Allah. Pasi bali nto panawu to mangansawu wua nu lee, ia semo i Kepala nto pantipu. Panewa lee etu batuanginya tau to naporentang i ngKepala nto pantipu etu. Wali temponya mamota, batuanginya tempo danakarata i mPue damampasiromunaka samparia tau darabotus, pasi tau to mamota batuanginya pomakau i mPue Allah yako ri saruga.

Yohanes 8:47

GombongKu etu yako resi i Pue Allah semo. Pasi i sema tau to i Pue Allah Pa’anya, tau etu mampodongeka gombo i mPue Allah. Wali manasa komi si’a i Pue Allah Pa’amu apa komi bo’omu mampodongeka gomboNya to Kuporata etu.”

Lukas 6:35

Pei Aku manganto’oka komi porayang balimu pasi ika matao resi sira. Pasi ane sira rani mangada bara kesaa, papongadaka sira, nempo komi taa mansarumaka sira damampawolili muni anu to naada nsira etu. Ika ewa wetu apa ane ewa see komi damangarata ntanapa to bae kojo pasi damiyala monso pu’u komi ngana i mPue Allah to makuasa kojo. Apa i Pue Allah, Ia seja manoto resi tau sakowa tau to taa mangansani manganto’o tarima matao, pasi sakowa tau to maja’a.

1 Yohanes 4:6

Pei kami i Pue Allah Puenya. Wali tau to mangansani seja i Pue Allah, tau etu to masanang mampodongeka gombo mami. Pei tau to si'a i Pue Allah puenya, tau etu bo'onya mampodongeka gombo mami etu. Wali kita ojo mangalo’aka tau to imba to mampodongeka gombo ntau, panewa yako etu kita maya mampasisala gombo ntau etu bara to monso to yako i Nosa Mapasing, bara gombo to taa monso to yako i Kepala nto pantipu.

Epesus 5:1

Wali pasiwajuka ewa lengko i mPue Allah apa komi roomo mawali anaNya anu to naporayang kojo.

1 Yohanes 5:2

Wali wimba kita mangansani kita monso pu’u mamporayang yunu ngkita to ngana i mPue Allah? Ewa si’i, kita mangansani kita mamporayang sira ane kita mamporayang i Pue Allah, pasi mampalaika porentaNya. Pasi ane kita mamporayang i Pue Allah, ane ewa see porentaNya etu taa masuli rapalaika.

1 Yohanes 2:29

Wali kita mangansani i Kerisitu Ia sangkani mangika lengko to singkonong pei i Pue Allah. See naka kita mangansani seja i sema-sema tau to mangika lengko to singkonong pei i Pue Allah, tau etu ana i mPue Allah. Wali anu kita maroo masingkatao pei Ia.

Palaong mPomakau i mPue Yesu 13:10

Ia manganto’o, “O korom to pantipu pasi to pangakal, korom ana i ngKepala nto pantipu, pasi korom mangewa samparia to matao. Maka pei korom tare pandoonya rani mangawali yau anu to monso to nato’o i mPue see damawali yau wuti?

1 Yohanes 5:19

Pasi kita tansani seja kita i Pue Allah Puenya. Pei samparia to lino to taa mangaya, sira paka nakuasang i ngKepala nto pantipu.

Yohanes 1:12

Pei re’e tau to masanang mangantima Ia pasi to mangaya mangkonong Ia, wali samparia tau to etu Ia mangawaika kuasa damawali ana i mPue Allah.

Yohanes 11:52

Pasi si’a ojo to Yahudi to Ia damangkapateka, apa i Yesu damangkapateka seja samparia tau to tiga’a-ga’as ri sambawo lino. Ewa wetu Ia damangika see samparia tau to mangaya Ia, tau etu damawali ana i mPue Allah seja pasi sira darapasimba’a see mawali ewa samba’a koro.

Roma 13:8

Ne’e kita kainda resi sa’e kasimbalinya inda to re’e resi kita samparia. Etu semo kita taa maya taa masiporayang. Apa tau to mamporayang yununya, tau etu mangabanang porenta i Musa.

Kolose 3:14

Pasi lengko to bae kojo batuanginya komi mampolengkoka, etu semo mamporayang sa'e. Apa pamporayang semo to mangika kita mawali samba’a pampobuuka pasi samba’a raya see damawali masingkatao kojo.

1 Timotius 1:5

Wali naka pei aku manganto’oka korom porenta etu see kita to mangaya masiporayang. Apa ane raya ngkita napakayongo i mPue Allah, pasi ane raya ngkita taa mangepe sala ri tango i mPue Allah mangkonong lengko ngkita, pasi ane kita mangaya kojo i Kerisitu, ane ewa see kita maya masiporayang.

1 Yohanes 3:1

Wali pobuuka kojo ewa wimba kabaenya pamporayang i mPue Allah resi kita. Bae kojo pamporayangiNya etu, apa yako ri pamporayangiNya etu see naka kita rato'oka ana i mPue Allah. Pasi monso pu'u kita anaNya. Pei to lino to taa mangaya Ia, sira taa mangansani kita kamonsonya ana i mPue Allah. Pei sakowa i Pue Allah semo sira taa mangansani, wali taa manto’o kita to anaNya.

1 Yohanes 3:2

Wali ngana-ngana to kuporayang, kita roomo mawali ana i mPue Allah. Pei kita tawa rapaponsanika bara ewa wimba kamonsonya kita ri tempo to darata. Pei re’e sangkodi to kita mangansani, etu semo ane ratamo temponya i Kerisitu ma'i muni, tempo etu kita damawali ewa Ia. Naka pei kita damawali ewa Ia apa kita damangkita Ia ri kamonso-monsonya.