1 Yohanes 2:13 - Tuntu i mPue ri Basa Taa

¹³ Pasi komi to bose tu’a, naka pei aku mangantulisika komi damampatiendoka komi, komi roomo mangansani kojo i Kerisitu. I Kerisitu etu, Ia re'emo tempo mpamula nu lino si'i. Pasi komi to mangurawa, naka pei aku mangantulisika komi damampatiendoka komi, komi roomo manganangi i Kepala nto pantipu. Pasi komi to ngana mayunu, naka pei aku mangantulisika komi damampatiendoka komi, komi roomo mangansani kojo Pa'a ngkita.

Sura Magali Nuntu Ngkatuwu

¹³ Komi waʼa mpapa kuʼukika komi sura seʼi maka komi lawi ndiincanimo ungka ri tepuʼunya. Komi waʼa ntau mangura kuʼukika komi sura seʼi maka komi maroso, maka komi manangimo I Majaʼa.

1 Yohanes 2:13 Referans Kwoze

Yohanes 14:7

Ane komi roomo mangansani i sema kamonsonya Aku, matantu komi mangansani seja i sema kamonsonya Pa’angKu. Wali yako tempo to si’i komi mangansani kojo Pa’angKu pasi komi ewa roomo mangkita Ia.”

1 Yohanes 2:14

Pasi komi to bose tu’a, aku mangantulisika komi sura si'i damampatiendoka komi, komi roomo mangansani kojo Ia to re'emo tempo mpamula nu lino si'i. Pasi komi to mangurawa, aku mangantulisika komi damampatiendoka komi, komi maroso, pasi komi sangkani mampobuu-buuka tuntu i mPue Allah, pasi komi roomo manganangi i Kepala nto pantipu.

1 Yohanes 4:4

Pei ngana-ngana, komi i Pue Allah puenya, pasi komi roomo manganangi to pantuntu tuntu to taa monso etu. Naka pei komi manganangi sira apa Nosa to maroo ri raya ngkomi, Ia semo to bae-bae kuasaNya pei i Kepala nto pantipu to mangkuasang to lino to taa mangaya.

1 Yohanes 1:1

Wali kami mangantulis sura si'i mangkonong tau to rato'oka Tuntu to tuwu. Ia yako singkasaenya katuwuNya, wali tempo pamulanya lino si'i Ia re'emo. Pei tempo seore Ia ma’i maroo ri lino si’i, pasi kami semo to mangandonge gombo to to'oNya, pasi kami mangkita Ia pei mawali matamanasa mpalaongiNya, pasi pale mami mampotaka Ia.

Lukas 10:22

Wali yako etu i Yesu manganto’oka wo’u tau boros, Ia manganto’o, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo patanya tau to Aku rani mampaponsanika mangkonong Pa’angKu, ojo tau etu maya mangansani seja Ia.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

1 Yohanes 5:18

Wali kita tansani i sema-sema tau to nawaika i mPue Allah katuwu to bou pasi to maroo masingkatao pei Ia, tau etu taa mangika dosa. Pasi tau etu, katuwunya nararamaka kojo i Yesu, Ana i mPue Allah, see naka tare to maya danaika i ngKepala nto pantipu resi ia.

1 Yohanes 3:12

Wali ne'e kita mangika ewa to naika i ngKain tempo owi. I Kain etu ia i Kepala nto pantipu puenya pasi ia mampopate yau a'inya. Wali kesaa sabanya naka pei ia mampopate yau a'inya etu? Saba naka pei ia mampopate yau a'inya etu apa ia nansani lengko to si ia maja'a pei lengko ntua'inya etu singkonong pei i Pue Allah. See naka ia maja’a nakita a’inya etu.

Matius 11:27

Wali yako etu i Yesu manganto’o wo’u, “Samparia anu to re’e roomo nasarumakaka mPa’angKu resi Aku. Wali tare to maya mangansani kojo Aku, Ana i mPue Allah, kasimbalinya yako Pa’angKu. Pasi tare to maya mangansani kojo i Pue Allah, Pa’angKu, kasimbalinya yako Aku to AnaNya. Pei ane mangkonong tau, ojo tau to Aku rani mampaponsanika mangkonong Pa’angKu, ojo tau etu maya mangansani seja Ia.

1 Yohanes 5:20

Pasi kita tansani seja Ana i mPue Allah nama'imo. Pasi Ia roomo mampakanasaka kita see naka kita maya mangansani i Pue Allah to monso. Wali kita roomo mawali samba'a resi i Pue Allah to monso etu apa kita samba'a pei AnaNya, i Yesu Kerisitu. Ia semo i Allah to monso pasi Ia semo pu'u ngkatuwu to singkasaenya. Wali see naka masipato kita tuwu masingkatao pei Ia.

1 Yohanes 2:12

Wali komi to ngana mayunu, naka pei aku mangantulisika komi sura si'i damampatiendoka komi dosa ngkomi roomo ralapas saba to naika i Yesu Kerisitu.

1 Yohanes 2:1

Wali ngana-nganangku, naka pei aku mangantulisika komi gombo si'i see komi taa damangika dosa. Pei ane bara re'e kita to mangika dosa, re'e tau to mamponsaruka kita ri tango i mPue Allah, Pa'a. To mamponsaruka kita etu, etu semo i Yesu Kerisitu to tare dosaNya.

Titus 2:6

Wali ewa see seja ane tau langkai to mangurawa. Patundeka sira see sira manta’amaka seja pampobuukanya pasi lengkonya to maja’a.

2 Korintus 4:6

Wali tempo owi, tempo lino si’i ojo mawuri, i Pue Allah manganto’o, “Powalimo reme,” panewa re’e reme to mangansindo lino to mawuri etu. Wali tempo si’i i Pue Allah semo to ewa mangansindo pampobuuka ngkita see mareme seja. Batuanginya naka pei Ia mangika ewa wetu, see kita mangansani pasi maya mampaponsanika sa’e mangkonong kayawa i mPue Allah apa saba roomo mangalo’aka lio i Yesu Kerisitu.

Yohanes 16:3

Wali naka pei sira damangansesai komi ewa wetu apa sira taa kojo mangansani i sema kamonsonya Pa’angKu pasi i sema kamonsonya Aku.

Yohanes 14:9

Pei i Yesu manganto’oka ia, “O Pilipus, Aku masaemo siwaka pei komi. Wimba, korom bara tawa mangansani i sema kamonsonya Aku? Maka pei korom manganto’o, ‘Papokitaka kami Pa’aMu?’ Apa tau to roomo mangkita Aku, tau etu ewa room seja mangkita Pa’angKu.

Yohanes 8:19

Wali to Yahudi to aliran Parisi etu, sira mampotanaka resi Ia, “Imbare Pa’aMu?” I Yesu mangansono, “Komi taa mangansani i sema kamonsonya Aku, pasi komi taa seja mangansani i sema kamonsonya Pa’angKu. Apa ane komi mangansani i sema kamonsonya Aku, komi damangansani seja i sema kamonsonya Pa’angKu.”

Matius 13:38

Wali nawu, etu semo lino si’i, pasi pae to matao, batuanginya tau to mawali Makolenya i Pue Allah. Pasi bali nto panawu to mangansawu wua nu lee, ia semo i Kepala nto pantipu. Panewa lee etu batuanginya tau to naporentang i ngKepala nto pantipu etu. Wali temponya mamota, batuanginya tempo danakarata i mPue damampasiromunaka samparia tau darabotus, pasi tau to mamota batuanginya pomakau i mPue Allah yako ri saruga.

Matius 13:19

Wali liano etu batuanginya kareba mangkonong ewa wimba i Pue Allah damawali Makole nto lino. Wali tempo tau mangandonge kareba etu pei taa manasanya, tempo etu ma’i i Kepala nto pantipu pei mangoko yau kareba etu yako ri pampobuuka nsira. Wali palaong to etu semo to raporapaka ewa liano to rasawu to kono ri jaya pei to natungku yau ntonsi.

1 Timotius 5:1

Wali ane tau to langkai to tu’amo mangika sala, ne’e makasar nuika manganseko ia, pei paposiaka ia ewa wimba nuika magombo mampaposiaka pa’amu see ia tamo damangika wo’u sala to etu. Pasi ane to langkai to mangurawa, patiendoka sira ewa nuika mampatiendoka a’imu to langkai.

Yohanes 17:21

Aku makai-kai resi Komi, Pa’a, see tau to damangaya etu, sira samparia damawali samba’a pampobuuka nsira sewaju ewa Kita. Apa Komi samba’a pei Aku, pasi Aku samba’a pei Komi. Wali Aku makai-kai see sira mawali samba’a pampobuuka pei Kita. Etu semo pokai-kaingKu, apa ane sira samba’a pampobuuka pei Kita, to lino to taa mangaya, sira damangansani monso pu’u Komi semo to nampokau Aku.

Matius 5:37

Wali to tao-tao komi ojo manganto’o, ‘Iya,’ ane masipato rato’o iya. Pasi manganto’o, ‘Taa,’ ane masipato rato’o taa. Ewa see raika apa ane kita mangadugangika parajanji, to etu yako resi i Kepala nto pantipu semo.”

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Pangkita 2:7

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku mangawaika mangkoni wua ngkaju to mangawaika katuwu. Kaju etu tuwu ri bonde i mPue Allah.’”

Pangkita 12:11

Wali a’i-a’i ngkita etu manganangi ia apa saba yako kuasa raa nu Ana Domba pasi apa saba tuntu i mPue Allah to napakarebaka nsira. Sira taa ojo mangampobuuka katuwu ngkoronya, apa nempo rapopate yau apa saba pangayanya, sira taa mandoo mangaya.