1 Timotius 6:2 - Tuntu i mPue ri Basa Taa

² Wali bara re’e watua to puenya tau to mangaya seja, wali ane ewa see, taa matao ane watua etu mampobuuka, “Taa mawei ane aku taa manga’angga tau puengku etu apa kami dua pua’i to samba’a pangaya.” Taa kojo matao ane ia mampobuuka ewa wetu. Kasimbalinya yako etu, to tao-tao watua etu maopis kojo mangansawang tau puenya, apa tau puenya etu tau to mangaya seja to naporayang mbatuanya etu. Wali patundeka anu to kuto’o si’i pasi paposiaka kojo tau see sira mangalulu.

1 Timotius 6:2 Referans Kwoze

Kolose 4:1

Wali komi to pue mbatua, waika watua ngkomi anu to singkonong pei i Pue Allah pasi to masipato rawaika sira. Ika resi sira sewaju ewa komi rani i Pue Allah mangika resi komi apa komi mangansani re'e seja Pue ngkomi ndate saruga.

1 Timotius 4:11

Wali porentangika pasi patundeka tau anu to room kuto’oka si’i.

I Yudas 1:8

Wali ewa to naika ntau tempo owi etu, ewa see seja naika ntau to rata ri oyo ngkita tempo si’i. Sira mampobuu-buuka anu to taa masipato panewa yako ri pampobuuka nsira etu see naka sira mangampolengkoka lengko to mangkarikasika koro nsira. Pasi see naka sira mangewa samparia to re’e kuasa, pasi manto’o maja’a samparia anu to bose angganya.

2 Petrus 2:10

Wali samparia tau to maja’a lengkonya darahuku, taa manto’o tau to mangika lengko ngkatuwu to ojo mangaluluka yau pamporani ngkoro nsira to makarika, pasi tau to taa manga’angga i Pue anu bae kayawaNya. Wali tau to mampotunde anu to taa monso, sira makoje pasi mangei. Pasi sira taa meka manganto’o maja’a tau to bose pangkanya.

1 Petrus 5:1

Wali re’e paposia to aku rani manganto’oka penatua ngkomi to mangaya. Apa aku seja samba’a penatua ntau to mangaya. Pasi aku samba’a matamanasa to nangkita kasesa i ngKerisitu seore. Pasi ane ratamo temponya kayawa i ngKerisitu darapapokitaka resi to lino, tempo etu aku damangarata seja santila yako kayawaNya etu.

Ibrani 3:14

Apa kita samparia mangarata seja samparia to narata i ngKerisitu ane kita mampakaroso pansarumakanta to re’e resi kita tempo owo mula mangaya see tare pombalinya rataka temponya kita mate.

Ibrani 3:1

Wali a’i-a’i to i Pue Allah Puenya pasi to napokio seja i mPue Allah damasua saruga, pobuuka kojo i Kerisitu Yesu. Ia semo to kita samparia mampatimonso Ia napokau i mPue Allah pasi Ia to pampue to bae anggaNya.

Titus 3:8

Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.

Titus 2:15

Wali anu to aku manganto’oka korom si’i, patundeka tau nja’u ria. Korom room nawaika i mPue Allah kuasa damampakaroso raya nsira pasi manganseko sala nsira, wali pake kuasamu etu. Pasi ne’e ojo mangabiaka tau mamposapu gombo ngkorom.

Titus 2:1

Wali ewa wetu lengko ntau to mampotunde mangkonong anu to taa monso. Pei ane korom, Titus, korom room rapotundeka anu to monso mangkonong i Pue Allah, wali tempo korom mampotundeka tau to mangaya ne’e mandoo mampotundeka sira singkonong pei anu to monso etu.

1 Timotius 5:1

Wali ane tau to langkai to tu’amo mangika sala, ne’e makasar nuika manganseko ia, pei paposiaka ia ewa wimba nuika magombo mampaposiaka pa’amu see ia tamo damangika wo’u sala to etu. Pasi ane to langkai to mangurawa, patiendoka sira ewa nuika mampatiendoka a’imu to langkai.

2 Tesalonika 1:3

Wali a’i-a’i masipato kami manganto’oka i Pue Allah tarima matao apa saba komi. Masipato kami manganto’oka Ia tarima matao apa kanjo’u-njo’u karoso-roso pangaya ngkomi. Pasi kanjo’u-njo’u karoso-roso komi samparia masiporayang.

Kolose 1:4

Naka pei kami manganto'oka Ia tarima matao apa kami roomo mangandonge kareba mangkonong pangaya ngkomi resi i Kerisitu Yesu pasi mangkonong pamporayang ngkomi resi samparia tau to i Pue Allah Puenya.

Kolose 1:2

Wali kami mangantulis sura si'i resi komi to pua'i mami to samba’a pangaya nja'u kota Kolose. Komi seja i Pue Allah Puenya pasi mansarumaka seja i Kerisitu. Wali aku makai-kai see i Pue Allah, Pa'a ngkita, pasi i Pue Yesu Kerisitu damampaponsanika komi kanotoNya pasi mangawaika komi karodo ndaya.

Epesus 3:6

Wali songka to tamo rawuni etu, songka etu mangkonong tau to si’a to Yahudi sira maya mangarata seja tilanya sindara-ndara pei to Israel. Pasi sira seja mawali samba’a koro pei to Israel pasi mangarata seja anu to naparajanjika i mPue Allah. Naka pei sira mangarata samparia to etu apa sira seja samba’a pei i Kerisitu saba mangaya kareba matao.

Epesus 1:15

Wali see naka aku tare pandoonya manganto’oka i Pue Allah tarima matao apa saba komi. Yako ri tempo aku mangandonge kareba mangkonong pangaya ngkomi resi i Pue Yesu pasi mangkonong pamporayang ngkomi resi tau to i Pue Allah Puenya, aku taa mangkalingan mampokaika komi.

Epesus 1:1

Sura si’i yako resi aku, i Paulus. Aku mawali pomakau i ngKerisitu Yesu apa etu semo pamporani i mPue Allah resi aku. Wali aku mangantulis sura si’i resi komi to i Pue Allah Puenya to nja’u Epesus, pei to mansarumaka kojo i Kerisitu Yesu.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

Roma 11:17

Wali to Yahudi maya raporapaka ewa kaju saitun to napomuya ntau. Kaju etu re’e ra’anya to room rapu’ak yau, panewa ra’a to yako saitun lampu room raposaka nja’u wakanya ra’a nsaitun to rapu’ak yau etu. Wali ra’a to ralimba etu mangarata seja santila ue to masuwu yako ri kale nsaitun to mangawaika ra’a etu karoso. Wali komi to si’a to Yahudi, komi semo to raporapaka ewa ra’a nsaitun lampu to ralimba nja’u kaju etu.

Roma 8:29

Apa yako ri pamulanya i Pue Allah mangansani pasi mamporayang yami tau to damangaya Ia. Pasi tau to Ia mangansani pasi mamporayang yami etu Ia mamponsongkaka yami damawali ewa AnaNya, i Yesu. Wali ewa see nikaNya see i Yesu semo damawali Tukaka ngkita samparia to bae kojo anggaNya.

Matius 25:40

“Wali Aku damanganto’oka sira, ‘Aku manganto’oka komi, monso pu’u ponto ngkani komi nangika palaong to ewa wetu mangansawang tau to rato’oka tua’ingKu si’i, nempo to taa bose angga nsira, batuanginya ane ri pangkita nu matangKu komi nangika palaong to etu mangansawang Aku.’

Matius 23:8

“Pei ane komi, ne’e mangabiaka yunu ngkomi manganto’oka komi, ‘Pa’a Guru,’ apa komi moa’i, pasi Guru ngkomi samba’aja.

Matius 6:24

.“Wali si’i wo’u rapa mangkonong kasugi. Wali ane rapanya watua, ia taa maya dua tau puenya. Apa ane ia dua tau puenya, ia maja’a nakita samba’a pasi mamporayang samba’a. Ia manga’angga samba’a pasi mangkaengas samba’a. Wali ewa see seja komi. Komi taa maya mawali to papolaong i mPue Allah pasi to papolaong ngkasugi apa ane mamporayang kasugi, komi taa mamporayang i Pue Allah.”

Palaong mPomakau i mPue Yesu 1:15

Wali re’e seore, tempo sira siromu mangampea sora yako resi i Pue Allah etu, re’e siromu tau satu pei dua mpuyu mba’a to paka samba’a pangayanya. Tempo sira siromu etu, i Petrus makore ri oyonya pei magombo, ia manganto’o,