1 Timotius 5:3 - Tuntu i mPue ri Basa Taa

³ Wali mangkonong tau balu to we’a, ewa si’i raika. Pakabae pasi piara kojo tau balu to taa kojo re’e tau to mampiara ia.

Sura Magali Nuntu Ngkatuwu

³ Tubunaka waʼa mbeʼa bemba anu jamo tuwu ngkalionya.

1 Timotius 5:3 Referans Kwoze

Palaong mPomakau i mPue Yesu 6:1

Wali yako etu kanjo’u-njo’u tiduga-dugang wo’u kaborosinya to Yahudi to mangaya i Yesu. Tau etu sira singga’a basanya basa Yunani panewa singga’a basanya basa Ibrani. Wali ri tempo etu to Yahudi to basanya basa Yunani sira mangkambumbuka yununya to basanya basa Ibrani. Sira masusa rayanya apa doi pasi pangkoni to biasa ratilaka samparia tau to balu, tau balu to basanya basa Yunani etu sira taa mangarata.

1 Petrus 2:17

Wali see naka angga samparia tau, porayang pua’i ngkita to samba’a pangaya, palaika i Pue Allah saba manga’angga Ia, pasi angga i Makole.

Posuwunya 20:12

“Pasi re’e wo’u porentangKu to Kuto’oka resi komi. Etu semo, pakabae pa'amu pei indomu see masae katuwu ngkomi ri tana to Aku damangawaika komi. Aku semo i Pue Yawe, Allah ngkomi, to mangawaika komi tana etu.

1 Petrus 3:7

Wali komi to langkai to marongom, re’e seja to matao ane nuika ngkomi samparia. Etu semo, ri raya ngkatuwu ngkomi siwaka pei indo nu ana ngkomi samba’a pei samba’a, ika resi sira ewa wimba to singkonong pei anu to roomo napakanasaka i mPue Allah komi. Raramaka sira, apa sira semo to yu’u-yu’u pei komi. Pasi angga sira apa sira damangarata seja sora to danawaika i mPue Allah komi. Etu semo katuwu to singkasaenya. Wali ewa wetu lengko to masipato danuika ngkomi resi indo nu anamu, see tare to damangantalas pokai-kai ngkomi.

Yakobus 1:27

Pei agama to monso pasi to taa sala ri pangkita i mPue Allah, Pa’a ngkita, ewa si’i, kita mangansawang tau to ilu kojo pasi tau to balu ri raya ngkasusa nsira. Pasi agama to monso etu ewa si’i seja, kita mangajagai koronta naka ne’e mangalulu seja lengko to makarika to naika nto lino to taa mangaya i Pue Allah. Wali etu semo to masipato naika ngkita mangaluluka tuntu i mPue Allah.

1 Tesalonika 2:6

Pasi kami taa rani nabarong ngkomi bara nabarong ntau to yusa. Kamonsonya kami to pomakau i ngKerisitu, kami masipato marapi sawang yako resi komi, pei kami taa mangika ewa wetu. Kami ojo manganto’oka komi kareba matao semo.

Palaong mPomakau i mPue Yesu 9:39

Wali ojo pandonge i mPetrus gombo nsira dua, ia mampakaroso panewa ia mangalulu sira. Ojo karata nsira nja’u banua ri kota Yope, I Petrus nakeni ntau nto’u songi to ndate juya to kadua ntampenya nakare’e ntau mate etu. Ndate ria siromumo samparia tau to balu, wali ojo karata i mPetrus ndate ria, sira mampago ia panewa makore tiku ia. Sira tumangi pei mampaporaoka ia baju-baju pasi pake to yusa to naikaka i nDorkas sira tempo ia tuwuwa.

Lukas 7:12

Wali tempo sira mosu rata ri wombo ngkota Nain, sira mangampotomu tau to mangalempa samba’a yununya to matemo. Sira mangangkeni ia yako ri raya ngkota darapongkeli ri sambalinya. Tau mate etu, indonya tau balu, pasi ia tare yusa ananya to langkai kasimbalinya yako tau to mate etu. Wali malagi tau yako ri kota etu mangalulu tau balu etu mangajonjo ia mangkeni pasi mampongkeli ananya.

Lukas 2:37

Roo see mate yau rongonya etu, panewa roo see ia tau balu rataka ri temponya ia wayu mpuyu pei opo nto’u. Wali ia jamo maroo-roo ri raya banua i mPue Allah, tamo mampiyaika banua etu. Pasi wuri-eo ia mampue mampakabae i Pue Allah. Pasi ri rayanya ia mampue mampakabae i Pue Allah etu ia mandudu mangorop pasi makai-kai.

Matius 23:13

Wali yako etu i Yesu manganto’o wo’u, to’oNya, “Ojo kasesa danurata ngkomi to mampoguru porenta i Musa pasi komi to aliran Parisi. Komi ojo gombomu to manoto! Apa komi mangaba’a jaya see tau taa maya mawali tau to Makolenya i Pue Allah. Komi taa rani mawali tau to Ia Makolenya, pasi komi mangamparas sa’e to rani mawali tauNya.

1 Timotius 5:2

Panewa to we’a to tu’amo, patiendoka sira ewa wimba nuika mampatiendoka indomu. Pasi ane to we’a to mangurawa, patiendoka sira ewa nuika mampatiendoka a’imu to we’a, pei jagai lengkomu pasi pampobuukamu resi tau we’a to mangurawa etu see singkonong pei i Pue Allah.

Yohanes 1:47

Wali sira dua yau mangampago i Yesu. Tempo i Yesu mangkita i Natanael ma’i, Ia manganto’o mangkonong i Natanael etu, to’oNya, “Lo’aja tau etu. Ia tau to mangika lengko ngkatuwu to masipato naika nto Israel. Ia tare kojo mangantipu sa’e.

Palaong mPomakau i mPue Yesu 9:41

Wali i Petrus mangkongko palenya mangansawang ia see ia makore. Roo see i Petrus mampokio tau balu pasi tau to i Pue Allah puenya to yusa panewa ia manganto’oka sira, to’onya, “Si’i yunu ngkomi, ia tuwu muni.”