1 Timotius 4:8 - Tuntu i mPue ri Basa Taa

⁸ Apa ane kita mangika palaong to mampakaroso koronta, palaong to etu re’e batuanginya resi kita. Pei ane mangika palaong to mampakaroso raya ngkita mangika palaong to singkonong pei i Pue Allah, etu to bae kojo batuanginya. Apa yako palaong to etu kita mangarata parajanji i mPue Allah, etu semo kasanang ri katuwunta si’i-si’i pasi ri katuwunta ri tempo to darata.

Sura Magali Nuntu Ngkatuwu

⁸ Maka pompanyanyati tila ngkoro bareʼe bangke poyowenya, paikanya pompanyanyati kono katuwu mpeaya ndaya inceʼe moyowe ri mpengaya-ngaya, maka njairia kareʼe mpojanji kono katuwu ri tempo wawaseʼi pai ri tempo anu nepa da rata.

1 Timotius 4:8 Referans Kwoze

Matius 6:33

.Wali ne’e anu ri lino si’i to mawali bae kojo batuanginya resi komi. Pei to masipato mawali bae kojo batuanginya resi komi, etu semo mangabiaka i Pue Allah mawali Makole ngkomi, pei mangika anu to singkonong pei Ia. Apa ane ewa wetu nuika ngkomi, komi darawaika seja samparia anu to parluu ngkomi etu.

1 Timotius 6:6

Pei kamonsonya, ane kita mampolengkoka lengko to singkonong pei i Pue Allah, pasi ane kita mangepe gana kojo to re’e resi kita, ane ewa see bae kasugi ngkita.

1 Yohanes 2:25

Wali parajanji to Ia roomo mamparajanjika kita, etu semo katuwu to singkasaenya, batuanginya kita damaroo masingkatao pei Ia rataka ri singkasaenya.

Markus 10:30

Wali samparia tau etu ane mampiyaika kasuginya to etu, ri raya ngkatuwunya to tempo si’i sira damangarata satu ngkani kaborosinya to sira mampiyaika etu. Wali sira damangarata satu ngkani kaborosinya banuanya, tukakanya pasi tua’inya, indonya, ananya pasi nawunya tempo sira re’ewa ri lino si’i. Pasi tau to mangalulu Aku etu, sira danasesai ntau. Pei ri tempo to dama’iwa sira damangarata katuwu to singkasaenya.

Ibrani 13:9

Wali ne’e mangalulu yau anu to yusa to mpangaya-ngaya to napotunde ntau, naka ne’e darakeni yau yako ri jaya to monso. Rapanya tau etu mampotundeka komi mangkonong mangkoni pangkoni to roomo rapampueka resi i Pue Allah. Ne’e mangalulu gombo ntau etu apa si’a pangkoni etu to mampakaroso raya ngkita, kanoto i mPue Allah semo to mampakaroso rayanta. Wali nempo mangkoni pangkoni etu, tare batuanginya apa si’a to etu to mangansawang kita.

Pangkita 3:21

Wali i sema tau to manang, tau etu Aku damangawaika kuasa matunda ri gadera makole sindara-ndara pei Aku, sewaju ewa nikangKu manang pasi matunda sindara-ndara pei Pa’angKu ri gadera to si Ia.

Titus 3:8

Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.

Pangkita 3:12

Wali i sema to manang, tau etu Aku damangika maroo-roo singkasaenya ri raya banua i mPue AllahngKu ewa tinja to taa miyai yako nja’u ria. Aku damangantulis togo sanga ri koro ntau etu. Aku damangantulis sanga i mPue AllahngKu, pasi sangangKu to bou, pasi daKutulis seja sanga ngkota i mPue AllahngKu, etu semo Yerusalem to bou to ma’i yako resi i Pue AllahngKu ndate saruga.

1 Korintus 8:8

Pei kamonsonya pangkoni taa mangkeni kita ri awe i mPue Allah. Nempo kita taa mangkoni pangkoni etu, kita taa rugi. Pasi nempo kita mangkoni, kita tare tidugang karasinta ri pangkita i mPue Allah.

Roma 8:28

Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.

1 Korintus 3:22

Wali aku, i Paulus, pasi i Apolos, pasi i Kepas, kami togo room nawaika i mPue komi see damangansawang komi. Pasi boros wo’u to room mawali komi puenya. Etu semo lino si’i, katuwu, kapate, pasi samparia to re’e ri tempo si’i pei ri tempo to darata.

Matius 19:29

Wali re’e tau to roomo mampiyaika samparia saba rani mangalulu Aku. Anu to napiyaika nsira etu, etu semo banuanya, bara tukakanya pasi tua’inya, bara pa’anya, bara indonya, bara ananya, bara nawunya. Wali samparia tau to etu ane mampiyaika samparia to etu, ri raya ngkatuwu nsira to tempo si’i sira mangarata satu ngkani kaborosinya to sira mampiyaika etu. Pasi sira damangarata seja katuwu to singkasaenya.

Matius 12:32

Pasi tau to magombo mangewa Aku, Wiyaa nto Lino, tau etu tiroo ralapas dosanya etu. Pei ane tau to magombo mangewa i Nosa Mapasing, tau etu taa daralapas dosanya etu ri tempo si’i, pasi taa seja daralapas ri tempo to darata.” Wali ewa wetu gombo i Yesu manganseko tau to aliran Parisi apa sira manganto’o Ia mangampake kuasa i ngKepala Measa mangarubak measa.

1 Timotius 4:7

Pei ne’e mampodongeka sarita-sarita to taa monso. Sarita-sarita etu taa singkonong pei i Pue Allah, pasi tare batuanginya. Kasimbalinya yako etu, pakadota mamponanyang mangika palaong to singkonong pei i Pue Allah.

1 Timotius 6:3

Wali re’e tau to mampoguru anu to yusa. Tau etu taa mangalulu anu to monso, to nato’o i Yesu Kerisitu, Pue ngkita. Pasi taa mangalulu anu to kita mampotunde mangkonong lengko to singkonong pei i Pue Allah.

1 Timotius 6:5

Pasi re’e seja mawali masibanta ri oyo ntau to tamo matao pampobuukanya. Tau etu tamo mangansani anu to monso. Sira mampobuuka ane masua agama, etu semo jaya damangarata kasugi. Wali ne’e masingkatao pei tau to ewa wetu.

2 Timotius 3:5

Pasi tau etu ane ri pangkita nu mata nsa’e, sira mangalulu ada nu agama, pei kamonsonya sira bo’onya mangawaika kuasa i mPue Allah mangawali raya nsira. Wali ne’e masingkatao pei tau to ewa wetu.

Lukas 5:38

See naka matao ane tule to bou kita mampoyali la’u raya mpela binatang to bou seja see taa manja’at yau tule pasi taa seja maja’a yau pela etu.