1 Timotius 4:7 - Tuntu i mPue ri Basa Taa

⁷ Pei ne’e mampodongeka sarita-sarita to taa monso. Sarita-sarita etu taa singkonong pei i Pue Allah, pasi tare batuanginya. Kasimbalinya yako etu, pakadota mamponanyang mangika palaong to singkonong pei i Pue Allah.

Sura Magali Nuntu Ngkatuwu

⁷ Da nutilawangi waʼa laolita bolingoni anu bereʼe yowenya. Da nupanyanyati koromu ri katuwu anu mepoʼinaya.

1 Timotius 4:7 Referans Kwoze

1 Timotius 1:4

Pasi sira madota kojo mangika palaong to tare batuanginya ewamo mangansaritaka tau sarita-sarita to taa monso pasi mangansaritaka mangkonong potapi mbiyaa nsira to boros kojo. Wali to’oka sira pandooka mangika palaong to etu, apa yako sarita to ewa wetu mawali masibanta to tare batuanginya. Pasi sarita etu taa mampakanasaka kita mangkonong songka i mPue Allah, apa yako ri pangaya ngkita semo kita mangangika palaong i mPue Allah.

2 Timotius 2:16

Wali ne’e manganto’o gombo to taa singkonong pei i Pue Allah, apa tau to sangkani manganto’o gombo to taa singkonong pei i Pue Allah, sira kanjo’u-njo’u tiduga-dugang mangika lengko to taa singkonong pei Ia.

Titus 2:12

Wali yako kanoto i mPue Allah etu, Ia mampotundeka kita see kita mangansani matao ane mamposaka yau lengko to taa singkonong pei Ia, pasi mampondooka yau mangalulu pamporani nu lino si’i. Pasi yako kanotoNya Ia mampotundeka kita see kita mangansani seja matao ane manta’amaka rayanta re’e palaong to maja’a, pei mangika palaong to masipato raika pei to singkonong pei i Pue Allah ri rayanya kita tiroowa tuwu ri lino si’i.

Titus 3:9

Pei ne’e masibanta resi tau mangkonong anu to tare batuanginya pasi mangkonong potapi mbiyaa nto lino. Pasi ne’e seja masibanta pasi mampotingkang resi tau mangkonong porenta i Musa. Ne’e mangika palaong to ewa wetu apa to etu taa mampakaroso raya ntau to mangaya pasi taa kojo re’e batuanginya.

Ibrani 5:14

Pei pangkoni to mako’o danakoni ntau to bosemo. Wali tau to raporapaka ewa tau bose, etu semo tau to mampobiasaka mampobuuka see mangansani mampasisala anu to matao pasi anu to maja’a.

2 Timotius 2:23

Wali re’e tau to rani kojo masibanta mangkonong anu to madoyo pasi to tare batuanginya. Pei ne’e korom mangika palaong to etu, apa yako palaong to etu semo damawali tingka ri oyo ntau.

2 Timotius 4:4

Wali sira bo’onya damampodongeka anu to monso, pei sira damangandolika tangonya resi tau to mampotundeka sira sarita-sarita to taa monso.

1 Timotius 6:11

Pei korom semo tau to i Pue Allah Puenya. Wali see naka pakalongko yako ri palaong to maja’a etu. Pei pakadota mangika lengko to masipato raika pasi to singkonong pei i Pue Allah. Pakaroso pangayamu resi i Pue pei porayang kojo sa’e. Pasi ane nurata ngkorom kasesa, pakaroso rayamu mangalulu i Pue. Pasi ikamo to manoto resi sa’e.

Palaong mPomakau i mPue Yesu 24:16

Wali see naka aku sangkani mampakadota kojo mangika lengko to singkonong pei i Pue Allah see rayangku tare mangepe sala ri tangoNya pasi ri tango nto lino.

1 Timotius 6:20

O Timotius, jagai kojo anu to room nasarumakaka i mPue Allah resi korom. Ne’e manganto’o gombo to taa mampakasanang i Pue Allah pasi to tare batuanginya. Etu semo gombo to nato’o ntau to mangabanta, manganto’o, “Kami semo to mangansani anu to monso.” Ewa wetu nato’o nsira pei kamonsonya anu to nansani nsira etu taa kojo monso.

Titus 1:14

Pasi ane ewa see, sira tamo damangalulu sarita-sarita to taa monso to nato’o nto tu’angi nto Yahudi, bara mangalulu porenta ntau to mampobo’o anu to monso.

2 Timotius 3:12

Wali kamonsonya samparia tau to samba’a pei i Kerisitu Yesu, to rani mangika lengko ngkatuwu to singkonong pei i Pue Allah, tau etu darasesai.

1 Timotius 3:16

Wali monso pu’u bae kojo batuanginya anu to napaponsanika i mPue Allah mangkonong pangaya ngkita. Etu semo, I Pue Allah nama’i mawali tau, Pasi i Nosa Mapasing mampakanasa Ia tare dosa. Ia nakita mpomakauNya yako ndate saruga, Pasi kareba mangkonong Ia rapakarebaka resi tau samparia bansa. Pasi tau sambawo lino re’e to mangaya Ia. Pasi Ia tiokotaka nto’u saruga ri raya ngkayawaNya.

1 Timotius 1:9

Pasi kita tansani porenta etu si’a rawaika tau to taa mangika sala. Tau to rawaika porenta etu semo tau to maja’a, tau to sangkani mangewa i Pue Allah, tau to bo’onya manga’angga i Pue Allah, pasi tau to madosa. Pasi porenta etu rawaika seja tau to lengkonya taa singkonong pei i Pue Allah, tau to mampokore Ia, tau to mampopate yau indonya bara pa’anya, pei kasamparianya tau to mampopate yau sa’e.

1 Timotius 4:8

Apa ane kita mangika palaong to mampakaroso koronta, palaong to etu re’e batuanginya resi kita. Pei ane mangika palaong to mampakaroso raya ngkita mangika palaong to singkonong pei i Pue Allah, etu to bae kojo batuanginya. Apa yako palaong to etu kita mangarata parajanji i mPue Allah, etu semo kasanang ri katuwunta si’i-si’i pasi ri katuwunta ri tempo to darata.

1 Timotius 6:3

Wali re’e tau to mampoguru anu to yusa. Tau etu taa mangalulu anu to monso, to nato’o i Yesu Kerisitu, Pue ngkita. Pasi taa mangalulu anu to kita mampotunde mangkonong lengko to singkonong pei i Pue Allah.

1 Timotius 6:5

Pasi re’e seja mawali masibanta ri oyo ntau to tamo matao pampobuukanya. Tau etu tamo mangansani anu to monso. Sira mampobuuka ane masua agama, etu semo jaya damangarata kasugi. Wali ne’e masingkatao pei tau to ewa wetu.

2 Timotius 3:5

Pasi tau etu ane ri pangkita nu mata nsa’e, sira mangalulu ada nu agama, pei kamonsonya sira bo’onya mangawaika kuasa i mPue Allah mangawali raya nsira. Wali ne’e masingkatao pei tau to ewa wetu.