1 Timotius 4:16 - Tuntu i mPue ri Basa Taa

¹⁶ Pakatao kojo lengko ngkorom pasi pakatao seja anu to nupotunde ngkorom. Lulu kojo anu to aku manganto’o si’i, apa ane korom mangalulu kojo korom damangararamaka katuwu ngkorom ngkalio pasi mangararamaka seja katuwu ntau to mampodongeka korom.

Sura Magali Nuntu Ngkatuwu

¹⁶ Da nujagai koromu pai da nujagai woʼu pompagurumu. Mbolimo siko da kotuʼua mawianaka pura-puranya setu, maka ane ewanceʼe powiamu, siko mancorepakamo koromu ngkaliomu pai waʼa ntau anu mampedongeka siko.

1 Timotius 4:16 Referans Kwoze

Titus 1:9

Pasi ketua ntau to mangaya taa maya taa mangkongko kojo anu to monso to roomo rapotundeka resi ia, etu semo tuntu i mPue Allah. Apa ane ia mangangkongko kojo tuntu i mPue etu, ane ewa see ia maya mampotundeka sa’e anu to damampakaroso raya nsira. Pasi ia maya seja mangampake tuntu i mPue etu mampakanasa sala ntau to manganto’o taa monso anu to rapotundeka etu.

Titus 2:7

Pei ne’e ojo gombomu mampotundeka sira. Pasi lengkomu seja mampotundeka sira. Ika palaong to matao see sira maya mangaluluka lengko ngkorom. Pasi tempo korom mampotundeka tau, patundeka tau ri kamonso-monsonya, pasi patundeka ewa naika ntau to na’angga nsa’e.

2 Timotius 4:2

Etu semo, pakarebaka tuntu i mPue Allah. Pasi pakaroso rayamu pasi pakayoa see bara matao temponya bara taa matao temponya, korom nukurang mansaka mampakarebaka tau tuntu i mPue. Pakakonoka tau to taa kono pangayanya, seko tau to maja’a lengkonya, pasi paposiaka tau see sira mangaluluka i Pue. Pasi tempo korom mangika palaong to etu ne’e mosa mampakabae sabaramu pasi mampotundeka tau.

Epesus 4:14

Apa pamporani i mPue kita tamo ewa ngana mayunu to maya ratipu. Ane tau to ewa wetu, sira maya raporapaka ewa duangan to kanggoli-nggoli naika nu bombang pasi to nakeni nu ngoyu marimbo njo’u-ma’i njo’u-ma’i. Apa sira ojo mangaluluka yau gombo ntau to mampoguru ojo mpangkewanya. Pasi sira naakal ntau to pande mangika songka to manipu. Wali ne’emo kita ewa wetu.

Ibrani 13:9

Wali ne’e mangalulu yau anu to yusa to mpangaya-ngaya to napotunde ntau, naka ne’e darakeni yau yako ri jaya to monso. Rapanya tau etu mampotundeka komi mangkonong mangkoni pangkoni to roomo rapampueka resi i Pue Allah. Ne’e mangalulu gombo ntau etu apa si’a pangkoni etu to mampakaroso raya ngkita, kanoto i mPue Allah semo to mampakaroso rayanta. Wali nempo mangkoni pangkoni etu, tare batuanginya apa si’a to etu to mangansawang kita.

Ibrani 12:15

Pakatao see tare pasi samba’a komi to mangandolika tangonya yako kanoto i mPue Allah. Pasi ne’e mangabiaka tau mangarotai komi. Apa tau to ewa wetu raporapaka ewa kale to tuwu mawali pinumuya to mapa’i. Apa yako tau samba’a etu, taa masae boros tau rapakasusa panewa damangika dosa.

2 Timotius 3:14

Pei ane korom, Timotius, ne’e mandoo mangangkongko anu to korom room rapotundeka pasi to korom mangaya kojo. Korom manasa monso pu’u anu to rapotundeka etu apa korom mangansani sira to mampotundeka korom.

Lukas 21:34

Wali i Yesu mampakapolas gomboNya, Ia manganto’o, “Pakatao kojo naka ne’e raya ngkomi mawali mayu’u apa saba palaong to nuika ngkomi, ewamo boros mantako, pei sangkani kayangu. Pasi ne’e seja moru-moru rayamu mampobuuka katuwumu ri lino si’i. Apa ane ewa see, komi dakayopo ane kodi majoli rata eo ngkama’ingKu etu.

1 Timotius 4:6

Wali ane korom mampotundeka tau to mangaya anu to kuto’oka korom si’i, korom damawali to papolaong i ngKerisitu Yesu anu to matao kojo. Pasi re’e dua njaya to damampakaroso raya ngkorom. Nomor samba’a etu semo tuntu i mPue anu to nuaya ngkorom, pasi nomor dua etu semo anu to monso to room rapotundeka pasi to nululu kojo ngkorom.

1 Timotius 1:3

Wali aku rani korom maroo ri kota Epesus etu ewa aku room manganto’o tempo aku yau ri propinsi Makadonia seore. Tempo etu aku manganto’oka korom maroo ri kota Epesus apa nja’u ria re’e sangga’a tau to mampotunde tau pei anu to sira mampotundeka tau etu taa monso. Wali aku re’e manganto’oka korom mampaposiaka tau etu see sira mandoo mampotundeka tau anu to etu.

Roma 16:17

Wali a’i-a’i, re’e to aku rani mampatiendoka komi. Etu semo jagai kojo tau to ojo rani mangarotai katuwu ngkomi to mangaya see bara re’e tau to mawali masimpayu raya, pasi tamo maroso pangayanya resi i Pue. Gete, palaong to etu ojo mangewa anu to room rapotundeka resi komi, wali pakalongko yako resi tau to mangika palaong to ewa wetu.

2 Timotius 2:10

Wali see naka aku buya rayangku mansabaraka samparia kasesa to aku mangarata see maya mangansawang samparia tau to mangaya, tau to napilis i mPue Allah darapalaes yako ri kuasa nu dosa apa saba sira mawali samba’a pei i Kerisitu Yesu. Pasi sira maya mangarata katuwu to bae kayawanya rataka ri singkasaenya.

1 Korintus 9:27

Wali see naka aku manta’amaka pamporani ndayangku ewa naika ntau to damatilumba, pasi aku mangkuasang korongku. Apa aku taa rani mampakarebaka sa’e kareba matao panewa roo see tamo napake i mPue Allah aku mangika wo’u palaong to etu.

Palaong mPomakau i mPue Yesu 6:4

Wali ane ewa see kami yoa sangkani mangika palaong to si kami, etu semo makai-kai pasi mampakarebaka tau tuntu i mPue Allah.”

Markus 13:9

“Wali ane ratamo tempo kasesa etu, pakatao kojo apa tempo etu komi darasoko pasi darakenika to pobotus. Pasi tempo etu komi darapedas nja’u raya banua-banua to napampotunde nto Yahudi. Pasi komi darakeni ri tango gubernur-gubernur pasi ri tango makole-makole apa saba komi mangaya Aku. Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Yakobus 5:20

Apa ne’e mangkalingan gombo si’i, i sema-sema tau to mampakakonoka yununya to mangika sala, tau etu damangampalaes yununya etu yako ri kapatenya, pasi damangika see nempo boros dosanya tamo danakitanaka i mPue Allah. Wali ungkanyamo ruyu gombongku si’i.

Titus 2:15

Wali anu to aku manganto’oka korom si’i, patundeka tau nja’u ria. Korom room nawaika i mPue Allah kuasa damampakaroso raya nsira pasi manganseko sala nsira, wali pake kuasamu etu. Pasi ne’e ojo mangabiaka tau mamposapu gombo ngkorom.

Kolose 4:17

Wali to'oka i Arkhipus ewa si'i, to'oka, "Pakadota mampakaroo palaong to nawaika i mPue korom apa saba korom samba'a pei Ia."

1 Korintus 9:22

Pasi ane aku sindara-ndara pei tau to tawa maroso pangayanya, aku mawali seja ewa tau to tawa maroso pangayanya see aku maya mampakaroso pangaya nsira. Wali ewa si’i. To lino mpangaya-ngaya pampobuukanya pasi lengko ngkatuwunya. Wali imba kanjo’ungku mampakarebaka tau kareba matao, aku mamporayaka mangawali yau lengko to si aku mampasewajuka tau to rapakarebaka etu see sira damampodongeka gombongku. Apa nempo wimba jaya to kupake mampakarebaka sira kareba matao, to bae batuanginya, etu semo re’e tau to rapalaes.

Roma 11:14

Wali naka pei aku rani kojo tau to si’a to Yahudi mangaya kareba matao etu see bara re’e seja yunungku to Yahudi to damawali kaloo mangkita sira. Apa ane sira kaloo, sira bara damangaya seja panewa sira darapalaes.

Roma 2:7

Wali re’e tau to sangkani mangika lengko to matao apa sira rani nabarong pasi na’angga i mPue Allah pasi rani mangarata katuwu to tare kapuranya. Ane tau etu, i Pue Allah damangawaika sira katuwu to singkasaenya.

Palaong mPomakau i mPue Yesu 26:22

Pei nempo ewa wetu pamporani nsira, i Pue Allah re’e mangansawang aku yako ri tempo etu rataka seo si’i. Wali see naka aku tiroo tuwu pei makore ri tango ngkomi sire. Pasi aku mangansaritaka samparia tau, to bose angganya pasi to taa bose angganya mangkonong anu to monso. Pasi anu to kuto’o si’i sewaju kojo pei to nato’o yami i Musa pasi to pantuntu tuntu i mPue Allah to yusa tempo owi.

Pilemon 1:19

Aku, i Paulus, aku ngkaliongku to mangantulis gombo si’i manganto’o aku semo to damampakalino samparia inda i Onesimus etu. (Pei kamonsonya korom kainda seja resi aku, apa yako to nikangku mampakarebaka korom kareba matao, see naka korom mangaya pei mangarata katuwu.)

1 Tesalonika 2:16

Kamonsonya kami rani mampakarebaka resi tau to si’a to Yahudi kareba matao to maya mampalaes sira. Pei to Yahudi etu sangkani mangaliwu jaya damangaba’a palaong mami etu. Wali kanjo’u-njo’u kapari-pari dosa to naika nto Yahudi etu, see naka i Pue Allah mangepe ganam. Ia tamo re’e sabaraNya. Wali kapura-puranya sira ojo mangarata huku apa i Pue Allah maja’a nakita dosa. Wali etu semo mangkonong to Yahudi to mangewa kareba matao.

1 Korintus 1:21

Apa i Pue Allah pande kojo pasi ane ewa songka to si Ia to lino taa damangansani Ia ane mangampake kapande to si sira. Ane songka i mPue Allah, to lino darapalaes ane sira mangaya anu to bea ane ewa pandonge ntau, etu semo kareba matao to kami mampakarebaka.

1 Timotius 4:15

Wali pakadota rayamu mangika palaong ngkorom etu. Ika kojo palaong to etu see samparia tau to yusa maya mangkita korom kanjo’u-njo’u karoso-roso nuika mangalulu i Pue pasi mangika palaongiNya etu.