1 Timotius 4:1 - Tuntu i mPue ri Basa Taa

¹ Wali i Nosa Mapasing re’e mampakanasaka kojo kita, Ia manganto’oka kita mangkonong anu to damawali ri tempo to darata. Ri tempo etu boros tau to damamposaka yau pangayanya resi i Pue Allah. Tau etu damangalulu nosa-nosa to manipu to mampoguru anu to yako resi measa.

Sura Magali Nuntu Ngkatuwu

¹ Yonto pantoʼo Inosa mPue Ala da rata temponya santila tau da meuranaka pai da mampesapuka i Kerisitu. Tau seʼe da medongemo ri waʼa inosa anu melinguni pai malulu waʼa pompaguru inosa majaʼa,

1 Timotius 4:1 Referans Kwoze

2 Petrus 2:1

Wali ewa wetu mangkonong to pantuntu tuntu i mPue Allah tempo owi. Pei tempo owi etu, re’e seja to pantuntu tuntu to taa monso. Pasi ewa see seja tempo si’i, apa re’e seja tau to damasuwu ri oyo ngkomi to damampoanika mampotunde tuntu i mPue Allah, pei kamonsonya sira to panipu. Apa tempo sira damampotundeka komi, sira damangagaloka seja anu to taa monso to ojo damampakaja’a pangaya ngkomi. Pasi sakowa i Yesu to roomo mangoli yau sira see sira maya mawali Ia Puenya, sira manganto’o Ia si’a Pue. Wali see naka sira kodi majoli damangarata huku saba yako sala nsira semo. Pei tempo sira tiroowa mampotunde, boros tau to mangalulu lengko nsira to masipato rapokea. Wali apa saba palaong to naika ntau etu, see naka sa’e damanganto’o maja’a jaya to monso.

I Yudas 1:18

Sira re’e manganto’oka komi seore, to’onya, “Ane mosumo rata ri kapuranya temponya to si’i, tempo etu dare’e tau to bampokore. Tau etu ojo mangaluluka yau pamporani ndaya nsira to taa singkonong pei i Pue Allah.”

2 Petrus 3:3

Wali uyu-uyunya aku rani mampaponsanika komi mangkonong anu to damawali ri temponya mosumo danakarata i mPue. Wali tempo etu re’e tau to bampokore damasuwu. Tau etu damangika lengko ngkatuwu to ojo mangaluluka yau pamporani ndaya nsira.

I Yudas 1:4

Wali poewaka pangayanta etu apa re’emo bara sawei mba’a tau to bali i mPue Allah to room masua ri oyo ngkomi tempo komi taa mangajagai kojo. Tau etu rani mangawali yau kareba mangkonong kanoto i mPue Allah. Sira manganto’oka tau taa mawei nempo mangika lengko to masipato rapokea apa i Pue Allah manoto. Pasi sira mamposapuka i Yesu Kerisitu, Makole pasi Pue ngkita anu samba’aja etu. Wali huku to danarata ntau etu room ratulis yami ri raya ntuntu i mPue Allah tempo owi.

2 Korintus 11:3

Pei aku moru-moru rayangku mampobuuka komi apa saba tau to mampotundeka komi anu to taa monso. Aku moru mampobuuka komi bara danatipu ntau etu sewaju ewa i Hawa natipu nu ule tempo ule mangakal ia tempo owi. Apa ane komi ra’akal ewa wetu, pampobuuka ngkomi damambali see komi dua-dua rayamu mamporayang i Kerisitu.

2 Timotius 3:13

Pei tau to maja’a pasi to panipu, tau etu kanjo’u-njo’u tiduga-dugang wo’u kaja’anya. Sira mangantipu sa’e pasi sira seja ratipu.

1 Yohanes 4:6

Pei kami i Pue Allah Puenya. Wali tau to mangansani seja i Pue Allah, tau etu to masanang mampodongeka gombo mami. Pei tau to si'a i Pue Allah puenya, tau etu bo'onya mampodongeka gombo mami etu. Wali kita ojo mangalo’aka tau to imba to mampodongeka gombo ntau, panewa yako etu kita maya mampasisala gombo ntau etu bara to monso to yako i Nosa Mapasing, bara gombo to taa monso to yako i Kepala nto pantipu.

Yohanes 16:13

Pei ane ratamo to Pansawang, etu semo i Nosa to mampaponsanika anu to monso, Ia semo to damampaponsanika komi mangkonong samparia anu to monso. Pasi anu to Ia damampaponsanika resi komi etu, si’a Ia pu’unya. Ia ojo mamporata gombo to Ia room mangandonge yako resi i Pue Allah. Pasi Ia damampaponsanika resi komi mangkonong palaong to damawali ri tempo to darata.

1 Yohanes 2:18

Wali ngana-ngana, tempo si'i semo temponya mosumo danakarata i mPue. Pasi komi roomo rapotundeka mangkonong bali i ngKerisitu to dama'i ane ratamo tempo etu. Wali tempo si'i ratamo bali i ngKerisitu malagi kojo. Wali yako palaong to etu see naka manasa resi kita ratamo temponya mosumo danakarata i mPue.

Pangkita 2:11

Wali si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, ia taa damangarata kapate to kadua.’”

2 Timotius 4:4

Wali sira bo’onya damampodongeka anu to monso, pei sira damangandolika tangonya resi tau to mampotundeka sira sarita-sarita to taa monso.

Pangkita 20:10

Panewa i maja’a to mangantipu sira etu, ia rapanasoka yau lo’u raya ndano nu apu pasi sedawa to nakala’u nu binatang to maja’a pasi to pantuntu tuntu to taa monso. Wali la’u ria sira darasesai wuri eo rataka singkasaenya.

Pangkita 3:6

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka.”

Pangkita 2:29

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka.”

1 Petrus 1:20

Wali ri tempo owi, tempo lino si’i tawa rapapowali, tempo etu i Pue Allah room yami mangampilis i Kerisitu damangalapa kita. Pei tempo etu i Kerisitu tawa ma’i ri lino. Pei mosumo rata kapuranya temponya to si’i, wali tempo si’i semo Ia rapapokitaka resi to lino see Ia maya mangansawang kita.

Pangkita 18:2

Ia maroso loonya kaboo, manganto’o, “Napukamo, napukamo kota Babel to bae etu! Babel etu room nawali yau lipu measa, pasi mawali yau seja banua nsamparia nosa to maja’a, pasi gimpu nsamparia tonsi to makarika pasi to maja’a nakita ntau.

Kolose 2:18

Wali re'e tau to mangepe sira semo to bae angganya apa sira manganto’o sira mandudu ngkani mangkita pangkita to taa rapobiasa. Tau etu manganto'o ne'e mangei pei kamonsonya sira semo to mangei. Pasi sira manganto'o to tao-tao kita ojo mampue resi pomakau i mPue Allah yako ndate saruga. Wali a'i-a'i, ne'e natipu ntau to ewa wetu apa kamonsonya tare to naika nsira see masipato sira mawali mangei. Apa pampobuuka nsira ojo pampobuuka nto lino.

1 Korintus 10:20

Gete tare! Batuanginya gombongku, etu semo pampue to napampueka ntau to si’a to Yahudi, pampue etu kamonsonya napampueka resi measa, si’a resi i Pue Allah. Pasi aku taa rani komi masingkatao pei measa.

Pomulanya 3:13

Wali i Pue Yawe mampotanaka wo’u resi tau we’a etu, to’oNya, “Kesaa sabanya naka pei korom mangika palaong to etu?” Wali tau we’a manganto’o, “Ule to nangakal aku see naka aku mangkoni.”

Pangkita 20:8

Ojo palapa, ia dayau mangantipu to lino ri sambawo lino, etu semo tau to rato’oka to Gog pasi to Magog. Ia damampasiromunaka sira yau damamusu. Wali kaborosinya tau to napasiromunaka etu, kaborosinya ewa bone ri wii ntasi.

Pangkita 19:20

Pei taa mawali apa binatang to maja’a etu rasoko sindara-ndara pei to pantuntu tuntu to taa monso. To pantuntu tuntu etu mangampake kuasa yako binatang etu tempo seore mangika palaong to taa rapobiasa. Ia mangantipu tau to re’e tondong binatang to maja’a pasi to mampue tau-tau binatang etu. Wali see naka binatang to maja’a pasi to pantuntu tuntu to taa monso etu sira dua rasoko panewa rataji yau lo’u raya ndano nu apu to la’u sedawa to mawea la’u ria.

Pangkita 18:23

Tamo damiyala reme mpansona ri raya ngkorom. Pasi tamo seja daradonge loo mpangantin to langkai bara to we’a ri raya ngkorom. Samparia to etu damawali resi korom apa saba to payoli pasi to pobalu to si korom, sira semo tau to bae kojo angganya ri lino tempo ruyu. Pasi apa saba samparia to lino paka natipu nu mpake pasi do’a ngkorom.”

Pangkita 13:14

Wali binatang to kadua etu ia rawaika kuasa mangika palaong to taa rapobiasa etu mangawakil binatang to uyunya. Panewa yako palaong etu ia mangantipu to lino. Ia manganto’oka sira mangika tau-tau to ta’anya ewa binatang to uyunya to roomo nawelangi mpanai etu pei tuwu muni.

Pangkita 9:20

Wali tau to toronya to taa namate ri tempo soba etu, sira taa mangandolika tangonya yako mampue measa pasi mampue tau-tau to sira mangika yako weyawa, pera, tambaga, watu pasi kaju. Sira mampue resi tau-tau etu to taa maya mangkita rao, pasi taa mangandonge bara kesaa pasi taa seja malinja.

Pangkita 3:22

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka.”

Pangkita 3:13

Si’i gombo i Nosa Mapasing resi komi to mangaya. Wali i sema to nadonge ntalinganya, padongeka.”

Pangkita 2:17

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku damangawaika sira mangkoni santila pangkoni mana to rawuni. Pasi Aku damangawaika seja tau etu sampa’i watu to buya samba’a pei samba’a. Watu etu nja’u ratulis sanga to bou. Sanga to bou etu tare to yusa mangansani, ojo patanya tau to mangantima mangansani.’”

Pangkita 2:7

Si’i gombo i Nosa Mapasing resi komi to mangaya. Wali i sema tau to nadonge ntalinganya, padongeka. Ia manganto’o, ‘I sema tau to manang, Aku mangawaika mangkoni wua ngkaju to mangawaika katuwu. Kaju etu tuwu ri bonde i mPue Allah.’”

1 Korintus 12:11

Wali samparia sora to rawaika kita to mangaya etu paka yako resi i Nosa Mapasing to samba’aja etu. Ia semo to mangampilis to imba sora to danawaika kita samba’a pei samba’a.

Palaong mPomakau i mPue Yesu 28:25

Wali sira masimpayu raya nsira tempo sira miyai muni yako ri banua i mPaulus. Pei ri katawanya sira miyai, i Paulus manganto’oka sira gombo to si’i, ia manganto’o, “Monso pu’u gombo i Nosa Mapasing to naparata nto pantuntu tuntu i mPue Allah, i Yesaya, resi bue-bue ngkita tempo owi. Apa Ia manganto’oka i Yesaya, to’oNya

Palaong mPomakau i mPue Yesu 17:18

Wali ri kota etu re’e seja tau to aliran Epikuros pasi aliran Stoa. Tau to mampoguru aliran etu re’e masibanta pei i Paulus. Panewa re’e tau to manganto’o mangkonong i Paulus, sira manganto’o, “Gete! Kesaa nansani ntau si’i? Gombonya boros kojo, pei tare batuanginya.” Pasi re’e wo’u tau to manganto’o, “Bara pue ntau to yusa to ia mampakarebaka kita ta’anya.” Naka pei sira manganto’o ewa wetu apa i Paulus re’e mampakarebaka sira mangkonong i Yesu pasi ia manganto’oka sira, “I Yesu nambangu muni yako ri kapateNya pasi samparia tau to mate darawangu muni seja yako ri kapatenya.”

Palaong mPomakau i mPue Yesu 13:2

Wali re’e seore sira mampue mampakabae i Pue pasi sira mangorop. Tongo-tongonya sira mangika palaong etu i Nosa Mapasing mampogomboka sira, Ia manganto’o, “Waika Aku i Barnabas sira dua i Saulus damangika palaong to roomo Kupakatantuka sira dua.”

Pangkita 16:14

Nosa togo etu semo nosa measa to mangika palaong to taa rapobiasa to mawali tondong resi tau. Wali nosa etu yau damampasiromunaka makole-makole yako ri sambawo lino yau damamusu ane ratamo temponya eo bae, etu semo eo to rato’oka Eo i mPue Allah anu Makuasa.

Matius 18:7

Wali yako etu i Yesu manganto’o wo’u, to’oNya, “Bae kasesa to danarata ntau to mangagoda sa’e see naka tau to ragoda etu mangandolika tangonya yako ri pangaya nsira. Kamonsonya tare pandoonya tau to mangaya mangarata panggoda ri lino si’i, pei ane tau to mangagoda sira etu, tau etu bae kojo huku to danarata nsira.

Lukas 17:1

Wali yako etu i Yesu manganto’oka anaguruNya, Ia manganto’o, “Matantu kojo tau to mangaya mangarata panggoda ri lino si’i see naka sira mangandolika tangonya yako ri pangaya nsira. Pei ane tau to mangagoda sira etu, tau etu bae kojo huku to danarata nsira.

Palaong mPomakau i mPue Yesu 20:23

kasimbalinya yako to room napaponsanika yami i Nosa Mapasing aku. Apa ponto-ponto kota to kukarata Ia mampatiendoka aku mangkonong palaong to damawali resi aku nda’a Yerusalem, Ia manganto’o, ‘Korom daratarungku pasi darasesai.’ Etu semo to to’oNya resi aku.

Palaong mPomakau i mPue Yesu 21:11

Wali ojo karata i Agabus etu resi kami, ia mangoko so’o ntongo i mPaulus panewa ia mangampunguka pale pasi witi to si ia. Ia manganto’o, “I Nosa Mapasing manganto’o, ‘Ewa si’i danaika ntau resi ngkai pue nso’o ntongo si’i. Ia danapungu nto Yahudi nda’a Yerusalem panewa sira damangawaika yau ia resi tau to si’a to Yahudi.’”

1 Korintus 2:10

Ewa see to ratulis, pei kita mangansani anu to taa nansani nsa’e etu apa i Pue Allah room mampokau NosaNya ma’i resi kita mampakanasaka kita samparia etu. Apa i Nosa Mapasing Ia mamparesa samparia. Wali sakowa songka i mPue Allah anu to rawuni, Ia mangansani.

1 Korintus 11:19

apa ane to lino biasa kojo mawali ewa wetu. Pei nempo ewa see, tiroo bae batuanginya resi komi apa yako palaong to etu see naka daransani to imba komi to pampobuukanya singkonong pei i Pue Allah.

Yakobus 3:15

Apa tau to rato’oka pande, ane ewa wetu lengkonya, kamonsonya kapande to re’e resi ia si’a kapande to yako resi i Pue Allah ndate saruga. Pei kapande ntau to ewa wetu lengkonya, ojo yako ri lino si’i semo, yako pamporani ndayanya pasi yako i Kepala nto pantipu.