Biblia Todo Logo
Bib sou entènèt

- Piblisite -




1 Timotius 3:7 - Tuntu i mPue ri Basa Taa

7 Pasi re’e seja mangkonong tau to rani mawali ketua. Tau etu taa maya ane si’a tau to matao lengkonya ane ri pangkita ntau to taa mangaya. Apa ane si’a ewa see ia bara danato’o maja’a ntau pasi dakono akal i maja’a.

Gade chapit la Kopi

Sura Magali Nuntu Ngkatuwu

7 Siʼa sangaya-ngaya tau anu madago katetoʼonya ri katuwunya sandeme-sandeme, maka ane banya ewanceʼe siʼa da napetikodi ntau, painaka manawu ri patambo i Majaʼa.

Gade chapit la Kopi




1 Timotius 3:7
21 Referans Kwoze  

Apa kami mampobuuka yami see kami damangika anu to masipato ra’angga si’a ojo ri pangkita i mPue Allah, pei ri pangkita nu mata nto lino seja.


Apa ane ewa see, sira maya mampiyaika akal i Maja’a to room mangakal sira see naka sira mangaluluka yau pamporani to si ia.


Wali ri raya ngkasintuwu ngkomi resi tau to taa mangaya, pake kapande to nawaika i mPue komi. Pasi pakayoaka mangika palaong to bae batuanginya.


Pei tau to ojo rani sugi, tau etu daragoda pasi daraakal. Anu to mangagoda pasi mangaakal ia, etu semo pamporani ndayanya to bea pasi to maja’a. Wali pamporani ndaya to etu damampakaja’a katuwu ntau etu pasi damampopate yau ia.


Apa ane ewa wetu lengko ngkatuwu ngkomi, komi taa ojo marapi-rapi resi sa’e. Pasi ane ewa wetu lengko ngkatuwu ngkomi, komi damasipato na’angga ntau to taa mangaya i Pue.


Wali kami to rato’oka pomakau i Yesu, kami taa rani palaong mami danato’o maja’a ntau. Wali see naka kami mangajagai kojo naka ne’e kami mangika bara kesaa to damawali ewa watu to nakatisumpul ntau naka pei sira mangampobo’o kareba matao.


Wali anu kita mangika lengko ngkatuwu to taa mampakasusa tau to yusa, nempo to Yahudi, bara to si’a to Yahudi pasi samparia tau to mangaya i Pue pasi to i Pue Allah Puenya.


Wali a’i-a’i, pilis pitu mba’a tau to yako ri oyo ngkomi. Tau pitu etu tau to lengkonya tare to maya napakasala nsa’e, pasi to bae kojo karoso ndaya to nawaika i Nosa Mapasing sira, pasi to re’e kapandenya. Panewa tau pitu etu kami damangawaika damampasilonga palaong to etu.


Pasi tempo korom mampotunde, pakatao kojo see gombomu manoto see korom taa danapakasala nsa’e. Apa ane gombomu manoto, pasiwa tau to mangewa kita taa maya manto’o maja’a korom. Pei sira ojo damea.


Pasi tau we’a to tu’amo patundeka seja tau we’a to mangurawa see sira pande mampasisala anu to matao pasi to maja’a. Pasi to’oka tau we’a to mangurawa, “Ne’e baroe.” Pasi patundeka seja sira see sira madota mampasilonga palaong ri banuanya, pei mangika matao resi sa’e pasi mampolaika songka ndongonya. Apa ane ewa see lengko nsira, tare tau to maya manto’o maja’a tuntu i mPue Allah.


pei pakalongko yako ponto ngayanya to maja’a.


Wali ane tau balu to mangurawa, aku rani sira marongo pei riana pasi mampasilonga palaong ri banuanya. Apa ane ewa see naika nsira, sira taa damangika palaong to damangawaika bali ngkita jaya manganto’o maja’a kita.


Pei ane tau to taa mangaya, taa masipato aku mangabotus sira. I Pue Allah semo to mangabotus sira. Pei ane pua’i ngkomi to samba’a pangaya, komi semo mangabotus. Wali palaong etu singkonong pei anu to ratulis ri raya ntuntu i mPue to manganto’o, “Paposuwu yau tau maja’a yako ri oyo ngkomi.” (Ulang 17:7; 19:19; 22:21,24; 24:7)


“Wali nja’u Damsyik re’e samba’a tau to sanganya i Ananias. I Ananias etu ia ngkai to madota kojo mangalulu porenta i Musa pasi ia na’angga kojo nto Yahudi samparia to maroo nja’u ria.


Wali tau etu mangansono, “Kepala ntentara mampokau kami, etu semo i Kornelius. Ia tau to matao lengkonya, pasi ia mampalaika i Pue Allah saba manga’angga Ia, pasi samparia to Yahudi nja’u kota Kaisarea paka manga’angga i Kornelius etu. Wali re’e samba’a pomakau i mPue Allah yako ndate saruga rata resi i Kornelius pei manganto’oka ia mampokio korom dayau ri banuanya see ia maya mangandonge gombomu. Wali see naka ia mampokau kami ma’i resi korom.”


Wali i Yesu manganto’oka sira, “Komi rawaika mangansani anu to tawa rapaponsanika resi sa’e mangkonong temponya i Pue Allah damawali Makole ri lino. Pei ane tau to yusa, tau to taa nansani i Pue Allah, ojo rapa to rapotundeka resi sira.


Wali i Demetrius, ia nato'o ntau samparia tau to matao. Manasa kojo ia matao apa lengkonya singkonong kojo pei anu to monso. Wali kami seja manganto'o ia tau to matao, pasi korom mangansani monso pu'u gombo mami etu. Wali ane i Demetrius etu, masipato korom mangalulu lengkonya.


Wali tau to rani mawali ketua etu ia taa maya ane ia tawa masae pangayanya. Apa ane tau to owo mangaya pei mawali ketua, tau etu bara mawali mangei ewa i Kepala Measa tempo owi. Wali tau etu danahuku i mPue Allah.


Swiv nou:

Piblisite


Piblisite