1 Timotius 3:1 - Tuntu i mPue ri Basa Taa

¹ Wali monso pu’u gombo to aku damanganto’o si’i. Etu semo, tau to langkai to rani mawali ketua ntau to mangaya, tau etu naporani palaong to matao.

Sura Magali Nuntu Ngkatuwu

¹ Monco kojo pau seʼi, “Tau anu da rayanya mewali topombawanaka dompu, inceʼe mampodaraya sangaya tetala anu bangke olinya.”

1 Timotius 3:1 Referans Kwoze

Titus 1:7

Apa ketua ntau to mangaya nawaika i mPue Allah palaong, wali ia taa maya ane re’e lengkonya to maya napakasala nsa’e. Ia taa maya mangei pasi ia taa maya majoli maja’a rayanya. Pasi ia si’a to panginu, si’a to batingka, pasi si’a tau to ojo rani sugi.

Palaong mPomakau i mPue Yesu 20:28

Wali jagai kojo koro ngkomi pasi jagai seja samparia tau to mangaya i Pue Yesu apa i Nosa Mapasing room mansarumakaka resi komi mampasilonga tau etu. Wali kampang sira ewa naika nto pangkampang domba mangkampang dombanya. Apa tau to mangaya roomo inolika yau i mPue Allah raa nu anaNya.

1 Petrus 5:2

Wali si’i semo paposiangku resi komi to penatua, ewa wimba naika nto pangkampang domba mangararamaka dombanya, ewa wetu seja danuika ngkomi mangararamaka samparia tau to i Pue Allah Puenya, to roomo rasarumakaka resi komi. Pei to tao-tao komi mampasilonga sira yako ri kabuya ndaya ngkomi, si’a apa saba rapakasaaka. Pasi pakasanang kojo raya ngkomi mangika palaong to etu. Ne’e mangika apa saba komi ojo rani sugi.

1 Timotius 1:15

Wali gombo to dakuto’o si’i monso pu’u pasi masipato kojo ra’aya. Etu semo, i Kerisitu Yesu ma’i ri lino si’i damampalaes tau madosa. Wali aku semo tau to bae kojo dosangku,

1 Petrus 2:25

Apa tempo ruyu kita ewa domba to pusa yau. Pei tempo si’i kita roomo mawolili muni resi to pangkampang to mangararamaka katuwu ngkita. Wali masipato kita mangika lengko ngkatuwu to mangalulu songka to si Ia.

Ibrani 12:15

Pakatao see tare pasi samba’a komi to mangandolika tangonya yako kanoto i mPue Allah. Pasi ne’e mangabiaka tau mangarotai komi. Apa tau to ewa wetu raporapaka ewa kale to tuwu mawali pinumuya to mapa’i. Apa yako tau samba’a etu, taa masae boros tau rapakasusa panewa damangika dosa.

2 Timotius 2:11

Wali monso pu’u gombo to manganto’o, “Ane kita roomo mate yau sindara-ndara pei i Kerisitu, kita seja datuwu sindara-ndara pei Ia.

1 Timotius 4:9

Monso pu’u anu to kuto’oka korom, pasi masipato rapodongeka kojo.

Pilipi 1:1

Sura si’i yako resi kami dua, i Paulus pasi i Timotius. Kami to papolaong i Yesu Kerisitu. Wali kami mangantulis sura si’i resi komi to nja’u kota Pilipi. Kami mangantulisika komi to i Pue Allah Puenya apa samba’a pei i Kerisitu Yesu. Pasi kami mangantulisika seja komi to penatua-penatua pasi diaken-diaken ntau to mangaya nja’u ria.

Lukas 15:10

Wali Aku manganto’oka komi, ewa see seja kandende ndaya mpomakau i mPue Allah ndate saruga tempo re’e samba’a tau madosa to majea.”

Titus 3:8

Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.

Palaong mPomakau i mPue Yesu 1:20

Wali i Petrus mampakapolas gombonya, ia manganto’o gombo to natulis yami i Makole Daud tempo owi ri raya ntuntu i mPue Allah mangkonong i Yudas etu, to’onya, “Ri raya buku Masmur re’e ratulis gombo i Daud, to’onya, ‘Biakamo tampa to nakaroos etu rapiyaika yau. Ne’e rabiaka pasi samba’a tau maroo nja’u ria.’ (Masmur 69:26) Pasi re’e seja to ratulis ewa si’i, to’onya, ‘Biakamo palaong to si ia darawaika yau resi tau to yusa.’ (Masmur 109:8) Etu semo gombo to natulis yami i Makole Daud mangkonong i Yudas.

1 Petrus 4:15

Pei ane komi mangarata kasesa, ne’e apa saba palaong to maja’a naka pei komi mangarata kasesa etu. Ewamo mampopate sa’e, malima, kara-kara, bara sangkani rani manganto’oka sa’e ewa wimba danaika palaong to si sira. Wali ne’e mangika palaong to ewa wetu, apa ane mangika palaong to ewa wetu, masipato kojo komi mangarata kasesa.

1 Tesalonika 5:14

Pasi a’i-a’i, re’e wo’u to kami mamporapika kojo resi komi. Etu semo, patiendoka tau to bo’onya mapalaong, pakaroso raya ntau to meka-meka rayanya, sawang tau to mayu’u pangayanya, pasi pakabae sabara resi tau samparia.

Roma 11:13

Wali gombongku si’i aku manganto’oka komi to si’a to Yahudi. Aku semo pomakau to napokau i mPue Yesu mampakarebaka resi tau to si’a to Yahudi kareba matao. Wali aku manga’angga kojo palaong to nawaika i mPue Yesu aku etu.