Biblia Todo Logo
Bib sou entènèt

- Piblisite -




1 Timotius 2:8 - Tuntu i mPue ri Basa Taa

8 Wali si’i pamporaningku ane mangkonong tempo tau to mangaya siromu bara imbare damakai-kai. Tempo etu to langkai semo to mangokotaka palenya pei makai-kai, pei ojo to langkai to lengkonya singkonong pei i Pue Allah. Taa matao sira makai-kai ane tongo ngkaja’a ndayanya pasi matingka.

Gade chapit la Kopi

Sura Magali Nuntu Ngkatuwu

8 Ri mbeʼi-mbeʼi ntano, mbolimo waʼa ntuama mekakai ri kaliogu ndaya, neʼe ri kasengke bara ri posisala.

Gade chapit la Kopi




1 Timotius 2:8
48 Referans Kwoze  

See naka anu kita mangampago i Pue Allah ri kabuya ndayanta. Apa kita mangansarumaka kojo i Pue Allah damangantima kita. Pasi raya ngkita raporapaka ewa roomo napedasaka i ngKerisitu raaNya to mampakayongo see rayanta tamo mangepe sala ri tango i mPue Allah. Pasi koro ngkita raporapaka ewa rariuka ue to mayongo.


Monso pu’u anu to roomo kupakanasaka korom etu. Wali aku rani korom mampotundeka kojo tau to mangaya nja’u ria see sira madota mangika palaong to matao. Apa anu to rapotundeka si’i matao kojo pasi bae batuanginya resi to lino.


Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.


Wali yako etu i Yesu mangkeni sira ri sambali ngkota rata nja’u awe ngkota Betania. Rata nja’u ria Ia mangokotaka paleNya pei makai-kai see i Pue Allah damangansawang sira ri raya ngkatuwunya.


Wali komi to langkai to marongom, re’e seja to matao ane nuika ngkomi samparia. Etu semo, ri raya ngkatuwu ngkomi siwaka pei indo nu ana ngkomi samba’a pei samba’a, ika resi sira ewa wimba to singkonong pei anu to roomo napakanasaka i mPue Allah komi. Raramaka sira, apa sira semo to yu’u-yu’u pei komi. Pasi angga sira apa sira damangarata seja sora to danawaika i mPue Allah komi. Etu semo katuwu to singkasaenya. Wali ewa wetu lengko to masipato danuika ngkomi resi indo nu anamu, see tare to damangantalas pokai-kai ngkomi.


Wali ane tau balu to mangurawa, aku rani sira marongo pei riana pasi mampasilonga palaong ri banuanya. Apa ane ewa see naika nsira, sira taa damangika palaong to damangawaika bali ngkita jaya manganto’o maja’a kita.


Pei nempo ewa see, ojo kagananya pitu mbengi kami nja’u nja’u ria, kami polas wo’u. Tempo kami polas etu, samparia tau to mangaya pasi indo nu ananya pasi ananya yau mangantambo kami lo’u wii ntasi ri sambali ngkota. Tempo la’u la’u wii ntasi etu kami mambokotu panewa makai-kai sindara-ndara pei sira, panewa roo see kami masimang resi sira.


Wali i Kornelius meka kojo mangalo’aka resi pomakau etu, pei ia manganto’o, “Bara re’e kesaa, Pue?” Wali pomakau etu manganto’oka ia, “Pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.


I Kornelius etu ia tau to singkonong pei i Pue Allah, pasi ia mampalaika i Pue Allah saba manga’angga Ia. Pasi ewa see seja samparia tau to maroo ri banuanya. Ia boros mangansawang to Yahudi to masiasi, pasi ia sangkani makai-kai resi i Pue Allah.


Ojo karoonya ia makai-kai etu ia mambokotu yau panewa maroso loonya kaboo mampokaika tau to mangantasoka ia watu etu, ia manganto’o, “O Pue, ne’e mangkitanaka dosa nsira si’i.” Wali ojo karoonya ia manganto’o gombo etu ia puramo nosanya.


Pei kamonsonya ane ewa pamporani to si aku, samparia tau ojo layo sewaju pei aku. Pei taa samparia tau to nakoto mangika ewa wetu, apa sora to nawaika i mPue Allah kita taa sewaju. I Pue Allah mangansoraka kita sora wungka yusa samba’a pei samba’a.


Wali tau etu manganto’oka aku, to’onya, ‘Kornelius, pakai-kaimu nadonge kojo i mPue Allah pasi Ia re’e mangkita ewa wimba nuika ngkorom mangansawang tau to masiasi. Wali Ia taa mangkalingan korom.


Wali i Yesu manganto’o, “Indo, aya gombongKu si’i. Apa darata temponya si’a tongku si’i pasi si’a seja Yerusalem tampa napampue ntau mampakabae i Pue Allah, Pa’a. Apa i Pue Allah, Ia nosa semo, wali Ia si’a ojo santolo nakare’e. Wali see naka kamonsonya ratamo temponya tau to monso pu’u mampue mampakabae i Pue Allah, Pa’a, tau etu nempo imbare sira, pei sira maya mampue mampakabae Ia. Apa sira mampue mampakabae Ia ri kamonso-monsonya pasi i Nosa Mapasing semo to mangansawang sira mangika palaong to etu. Wali i Pue Allah, Pa’a, Ia mangaliwu tau to ewa wetu inikanya mampue mampakabae Ia. Wali ane komi to Samaria, komi mampue mampakabae i Pue Allah, pei komi taa mangansani ewa wimba kamonsonya Ia. Pei kami to Yahudi, kami mangansani Ia to napue mami etu. Apa Ia roomo mampaponsanika kami to Yahudi yako resi kami semo dama’i to Pansompo to damangampalaes to lino.”


Wali tempo i Yesu re’e ri kaju pasape etu, Ia manganto’oka i Pue Allah, “O Pa’angKu, lapa sala ntau si’i, apa sira taa mangansani batuanginya palaong to naika nsira si’i.” Ewa wetu nato’o i Yesu. Panewa tau to mangampaku Ia etu mampobata’aka yau pakenya.


Wali i Yesu mangansono, Ia manganto’o, “Aku manganto’oka komi, kamonsonya komi maya seja mangika palaong to ewa wetu ane komi monso pu’u mangaya pei taa bata-bata rayamu. Pasi si’a ojo palaong to mawali ri kaju ara etu to maya nuika ngkomi. Apa ane komi monso pu’u mangaya pei taa bata-bata raya, nempo komi manganto’oka tongku, ‘Palimba pei kapuka lo’u raya ntasi,’ palaong etu damawali seja.


Pei Aku manganto’oka komi, porayang seja balimu, pei matao raika magombo resi tau to mampoja’a komi. Pasi ika matao resi tau to maja’a nakita komi, pasi pokai-kaika tau to mampakasala pasi to mangansesai komi.


Pasi lapa sala mami sewaju ewa naika mami mangalapa sala nsa’e


Wali kami dua mangantulis sura si’i resi komi to nja’u kota Korintus to mangaya i Pue pasi to i Pue Allah Puenya. Wali komi napilis seja i mPue Allah mawali tauNya apa saba palaong to naika i ngKerisitu Yesu. Ia mangampilis komi sindara-ndara pei samparia tau to makai-kai resi Pue ngkita i Yesu Kerisitu ri sambawo lino. Ia semo Pue nsira pasi Pue ngkita.


Pei nempo taa lindo rayangku seore, aku tiroo manganto’oka i Pue Allah tarima matao. Apa Ia sangkani mangansawang kami naka pei bali mami nangi. Naka pei Ia mangansawang kami apa saba kami samba’a pei i Kerisitu. Pasi Ia mangampake kami damampakarebaka resi tau ri ponto ponto lipu kareba mangkonong i Kerisitu. Wali kareba etu raporapaka ewa anu to magaya kojo waunya.


Wali a’i-a’i, aku rani mampaponsanika komi mangkonong palaong to matao to mawali saba yako kasusa to aku mangarata. Apa yako kasusa to kurata etu, kanjo’u-njo’u tiduga-dugang kareba matao natikareba resi tau.


Naka pei komi mawali tondong, apa yako resi komi semo see naka kareba mangkonong i Pue natikareba-reba, si’a ojo ri lipu ngkomi, etu semo propinsi Makedonia pasi propinsi Akhaya. Pei samparia lipu-lipu to yusa tau mangansani mangkonong pangaya ngkomi resi i Pue Allah. Wali tamore batuanginya kami manganto’oka tau ri lipu-lipu etu.


Swiv nou:

Piblisite


Piblisite