1 Timotius 2:5 - Tuntu i mPue ri Basa Taa

⁵ Apa ojo samba’aja i Pue Allah pasi ojo samba’aja to mamponsaruka kita to lino resi i Pue Allah. To mamponsaruka kita etu to lino seja, etu semo i Kerisitu Yesu.

Sura Magali Nuntu Ngkatuwu

⁵ Maka podo sambaʼa-mbaʼa Pue Ala, pai podo sambaʼaja to porioyoti ri oyo mPue Ala pai tolino, inceʼemo i Kerisitu Yesu.

1 Timotius 2:5 Referans Kwoze

Galatia 3:20

Pei tempo i Pue Allah mangika parajanjiNya resi i Abraham, tempo etu Ia semo to mampogomboka i Abraham. Tare to mamponsaruka wo’u tempo etu apa to mangika parajanji pasi to mangabanang parajanji etu paka i Pue Allah semo.

1 Korintus 8:6

Pei nempo ewa see, ane resi kita samba’aja i Pue Allah, Pa’a. Ia semo pu’unya samparia anu to re’e. Pasi naka pei kita tuwu see kita damawali Ia Puenya. Pasi samba’aja seja i Pue, etu semo i Yesu Kerisitu. Wali Ia semo to nawaika i mPue Allah mampapowali samparia anu to re’e, pasi yako resi Ia semo naka pei kita re’e katuwunta.

Ibrani 9:15

Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

Ibrani 7:25

Wali see naka Ia nakurang mangampalaes samparia kita to mangampago i Pue Allah apa saba pansarumakanta resi Ia. Ia nakurang mangampalaes kita rataka ri singkasaenya apa Ia tuwu singkasaenya damamponsaruka kita ri tango i mPue Allah.

Ibrani 12:24

Wali kita roomo seja simparata pei i Yesu, to mamponsaruka kita pasi to mampasilonga parajanji to bou. Pasi kita roomo mampotango raa to rapedasaka ndate saruga, raa etu mampakanasa mangkonong ewa wimba kita ralapa yako ri dosa. Wali kareba etu to tao-tao pei anu to napakanasa nu raa i Habel tempo owi, apa to etu mampakanasa tau rahuku.

Yohanes 1:14

Wali Ia to rato’oka i Tuntu, Ia nawali seja to lino pasi Ia re’e maroo ri oyo ngkita. Tempo Ia maroo ri oyo ngkita etu Ia bae kojo kanotoNya resi tau pasi samparia to to’oNya paka monso pu’u. Pasi tempo Ia maroo ri oyo ngkita etu, kita re’e mangkita Ia bae kojo kuasaNya. Wali bae kojo kuasaNya etu apa Ia Ana i mPue Allah to samba’aja, to ma’i napokau mPa’aNya etu.

Roma 10:12

Wali gombo etu kono kita samparia apa tare pasisalanya to Yahudi pasi tau to si’a to Yahudi. Kita to lino samparia paka samba’aja Pue ngkita. Pasi Ia bae kanotoNya resi samparia tau to makai-kai resi Ia marapi rasawang.

Yohanes 17:3

Wali batuanginya katuwu to singkasaenya, batuanginya etu semo tau maya mangansani Komi. Apa Komi semo i Pue Allah to monso pasi to samba’aja. Pasi katuwu to singkasaenya etu, batuanginya seja sira maya mangansani i sema kamonsonya Aku. Apa Aku semo i Yesu Kerisitu, to nupokau ngKomi.

Ibrani 8:6

Pei palaong to nasarumakaka i mPue Allah resi i Yesu, palaong etu to bae-bae batuanginya pei palaong nto pampue to tempo ruyu. Apa jaya to bou to naparajanjika i mPue Allah see kita maya rapalaes, jaya etu to tao-tao pei jaya to masae. Apa lo’a, anu to naparajanjika i mPue Allah si’i-si’i, anu etu to tao-tao pei anu to naparajanjika tempo ruyu. Wali ewa parajanji to bou semo to tao-tao pei parajanji to ruyu, ewa see seja palaong to bou semo to tao-tao pei palaong to masae.

Epesus 4:6

Pasi samba’aja seja i Pue Allah, Pa’a ngkita samparia. Ia mangkuasang kita samparia, pasi Ia mangampake kita samparia mangika songkaNya, pasi Ia maroo ri raya ngkita samparia.

1 Korintus 8:4

Wali ane mangkonong nae to roomo rapampueka resi tau-tau etu, wimba, kita bara matao mangkoni? Kita mangansani tau-tau tare batuanginya ri lino si’i, pasi i Pue Allah Ia samba’aja, tare pue kasimbalinya yako Ia.

Matius 1:23

Gombo i mPue etu manganto’o, “Padongeka kojo gombongKu si’i. Dare’e samba’a tau we’a to tawa re’e nepenya to langkai. Tau we’a etu damayu’u pasi damampoanaka ana langkai. Panewa ana etu darato’oka ‘Imanuel’.” (Yesaya 7:14) (Wali batuanginya Imanuel etu semo i Pue Allah re’e siwaka pei kita.)

Pangkita 1:13

Pasi ri oyo ntinja weyawa etu aku mangkita seja samba’a anu to ewa wiyaa nto lino ta’anya. Ia mampake baju to rata la’u witiNya pasi re’e seja so’o ri dadaNya to yako weyawa.

Matius 1:1

Ri raya buku si’i ratulis mangkonong potapi mbiyaa i Yesu Kerisitu. Ia wiyaa nu bue ngkita i Makole Daud pasi wiyaa i Abraham seja.

Palaong mPomakau i mPue Yesu 4:12

Wali tare tau to yusa to maya mampalaes kita kasimbalinya yako i Yesu etu. Apa ri sambawo lino tare kasimbalinya wo’u to nawaika i mPue Allah kita to lino, ojo patanya i Yesu, Ia semo to mampalaes kita.” Wali etu semo gombo i mPetrus.

Roma 1:3

Wali kareba matao to natulis nsira etu kareba mangkonong Ana i mPue Allah, etu semo i Yesu Kerisitu, Pue ngkita. Wali i Yesu rapoanaka mawali to lino yako ri wiyaa i Daud. Pei i Yesu etu Ia seja Ana i mPue Allah, pasi Ia mapasing seja sewaju pei i Pue Allah. Manasa kojo Ia Ana i mPue Allah, apa yako kuasaNya i Pue Allah mangawangu muni Ia yako ri kapateNya. Wali ewa wetu naika i mPue Allah mampakanasaka kita i Yesu semo AnaNya.

1 Timotius 6:13

Wali i Pue Allah pasi i Kerisitu Yesu, sira maya mawali matamanasa mangkonong paposia to dakuto’oka korom. I Pue Allah semo to mangawaika katuwu resi samparia anu to re’e. Pasi i Kerisitu Yesu Ia semo to mawali matamanasa mangkonong anu to monso tempo Ia nangampotango i Pontius Pilatus seore. Wali paposiangku resi korom, etu semo, lulu kojo porenta to room rapakanasaka resi korom etu. Lulu kojo see tare pasi sangkodi porenta etu to taa raluluka, apa ane ewa see tare tau to maya manganto’o maja’a porenta etu. Wali lulu kojo sampe rata temponya kama’i muni i Yesu Kerisitu, Pue ngkita.

1 Yohanes 2:1

Wali ngana-nganangku, naka pei aku mangantulisika komi gombo si'i see komi taa damangika dosa. Pei ane bara re'e kita to mangika dosa, re'e tau to mamponsaruka kita ri tango i mPue Allah, Pa'a. To mamponsaruka kita etu, etu semo i Yesu Kerisitu to tare dosaNya.

Lukas 14:22

“Wali to papolaonginya yau mangika ewa nato’oka ntau pue banua ia. Pei rata muni ia manganto’o, ‘Pa’a, aku roomo mangika ewa nuto’o ngkomi, pei re’ewa tampa to soa.’