1 Timotius 2:1 - Tuntu i mPue ri Basa Taa

¹ Wali uyu-uyunya aku mamporapika kojo see tau to mangaya makai-kai resi i Pue Allah mampokaika samparia tau. Tempo makai-kai etu, matao ane mamporapi anu to raparluu, mamporapika see i Pue Allah mangansawang sa’e, pasi manganto’oka Ia tarima matao.

Sura Magali Nuntu Ngkatuwu

¹ Kaʼisa-isanya, kuperapi kojo ri kamonconya da naka perapi, pekakai, merapi puru pai montarima kase da ndiparata ri Pue Ala, tila ntau pura-pura;

1 Timotius 2:1 Referans Kwoze

2 Tesalonika 1:3

Wali a’i-a’i masipato kami manganto’oka i Pue Allah tarima matao apa saba komi. Masipato kami manganto’oka Ia tarima matao apa kanjo’u-njo’u karoso-roso pangaya ngkomi. Pasi kanjo’u-njo’u karoso-roso komi samparia masiporayang.

Yakobus 5:16

Wali see naka pongakung dosa ngkomi samba’a pei samba’a, pasi masipokaika see komi maya rapakatao muni ane komi masaki. Apa pokai-kai ntau to lengkonya singkonong pei i Pue Allah, pokai-kai etu bae kojo kuasanya pasi bae seja batuanginya.

Epesus 5:20

Pasi nempo kesaa to mawali resi komi, ne’e mandoo manganto’oka i Pue Allah, Pa’a, tarima matao apa saba i Yesu Kerisitu, Pue ngkita.

2 Timotius 2:24

Pasi kita to papolaong i mPue, kita seja taa masipato ane batingka. Kasimbalinya yako etu, masipato kita mangika lengko to matao resi samparia tau. Pasi kita taa maya taa takoto mampotundeka tau, pasi pakabae sabaranta.

1 Timotius 2:4

Apa Ia rani samparia tau darapalaes pasi damangansani anu to monso mangkonong Ia.

Pilipi 1:3

Wali ponto ngkani aku mampobuuka komi, aku manganto’oka i Pue Allahngku tarima matao.

Ibrani 6:11

Wali komi madota kojo samba’a pei samba’a mangika palaong to etu, wali ewa wimba kabaenya kadota ngkomi etu, ane ewa pamporani mami, ewa see seja kadota ngkomi rataka ri tempo ngkapate ngkomi, see komi damangarata anu to rasarumaka i Pue damangawaika komi.

Titus 3:2

To’oka seja sira taa matao manto’o maja’a sa’e, pasi taa seja matao ane batingka bara makasar magombo resi sa’e. Ika to manoto pasi to matao resi tau samparia.

Titus 2:11

Apa i Pue Allah re’e mampaponsanika kita to lino kanotoNya see samparia kita maya rapalaes.

1 Timotius 5:5

Pei ane tau balu to taa kojo re’e tau to mampiara ia, tau balu etu jamo mansarumaka kojo i Pue Allah. Pasi ia madota kojo wuri eo makai-kai resi i Pue Allah marapi sawang resi Ia.

1 Korintus 15:3

Apa aku namporata resi komi kareba to aku room mangantima pasi to bae kojo batuanginya. Etu semo i Kerisitu mate apa saba dosa ngkita, singkonong ewa to ratulis yami ri raya ntuntu i mPue Allah.

Palaong mPomakau i mPue Yesu 17:30

Tempo ruyu, tempo to lino tawa mangansani pamporani i mPue Allah, tempo etu i Pue Allah ojo mangansabaraka sala to naika ntau etu. Pei ri tempo si’i Ia mamporentang samparia tau ri sambawo lino, to’oNya, ‘Pajeamo!’

1 Tesalonika 3:12

Pasi kami makai-kai mamporapika resi i Pue see Ia damangansawang komi see kanjo’u-njo’u tiduga-dugang komi masiporayang pasi mamporayang seja samparia tau, see tuwu-tuwuja bae kojo pamporayang ngkomi etu sewaju ewa pamporayang mami resi komi.

Roma 6:17

Tempo ruyu, tempo komi tawa mangaya, tempo etu komi mawali to papolaong nu dosa. Pei aku manganto’oka i Pue Allah tarima matao apa si’i-si’i buya raya ngkomi mampalaika anu to rapatundeka to raporata resi komi.

Roma 1:8

Wali uyu-uyunya aku makai-kai manganto’oka i Pue Allah, Puengku, tarima matao kojo, pasi tempo aku makai-kai etu i Yesu Kerisitu semo to mangamporata gombongku etu resi i Pue Allah. Naka pei aku manganto’oka i Pue Allah tarima matao apa ri sambawo lino tau mampakarebaka resi sa’e mangkonong pangaya ngkomi resi i Pue.

2 Korintus 8:6

Wali kami rani komi seja mawali ewa sira, see naka kami mamporapika resi i Titus see ia yau muni resi komi see ia maya mangansawang komi mampakaroo palaong to ipomulakanya resi komi seore. Etu semo mampasiromunaka sora to komi rani seja mangawai damangansawang pua’i ngkita to samba’a pangaya nja’u propinsi Yudea.

Epesus 3:13

Wali see naka aku mamporapika resi komi ne’e mayu’u raya ngkomi mampobuuka kasesa to aku mangarata apa saba palaong to inikangku resi komi. (Aku buya rayangku mangarata kasesa etu apa aku manga’angga komi. Wali see naka tau to yusa mangangkita komi masipato ra’angga.)

Epesus 6:18

Wali tempo komi mangampake anu to nawaika i mPue Allah kita etu, ne’e mandoo makai-kai marapi sawang resi i Pue Allah. Pasi samparia pokai-kai ngkomi pasi pamporapika ngkomi etu, ika singkonong pei anu to nato’oka i Nosa Mapasing ri raya ngkomi. Wali ne’e ewa tau bayore pei pakayoaka mampokai-kaika samparia tau to i Pue Allah Puenya.

Pilipi 4:6

Wali ne’e moru-moru raya ngkomi mampobuuka bara kesaa. Pei nempo bara kesaa to mawali, pokai-kai resi i Pue Allah mamporapika resi Ia anu to nuporani ngkomi. Pasi ri raya mpokai-kai ngkomi etu, ne’e rakalingan manganto’oka i Pue Allah tarima matao.