1 Timotius 1:5 - Tuntu i mPue ri Basa Taa

⁵ Wali naka pei aku manganto’oka korom porenta etu see kita to mangaya masiporayang. Apa ane raya ngkita napakayongo i mPue Allah, pasi ane raya ngkita taa mangepe sala ri tango i mPue Allah mangkonong lengko ngkita, pasi ane kita mangaya kojo i Kerisitu, ane ewa see kita maya masiporayang.

Sura Magali Nuntu Ngkatuwu

⁵ Tinako ndaya mpatujuku da naka nakoto ntau mamporewu kabuya ndaya pai paepe ndaya anu magali pai peaya ndaya anu monco-monco kojo ri Pue, ane ewanceʼe nepa da nakoto ntau seʼe mampotowe kasitaunya.

1 Timotius 1:5 Referans Kwoze

1 Timotius 1:19

Pasi tempo korom mampoewaka anu to matao etu, kongko kojo pangayamu resi i Pue, pasi ika lengko to matao see raya ngkorom taa damangepe sala ri tango i mPue Allah. Apa re’e tau to ri rayanya mangepe sala pei sira tiroo mangika, wali tau etu maja’a yau pangayanya.

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

2 Timotius 2:22

Wali ne’e mangalulu pamporani ndaya to biasa resi tau to mangurawa. Pei pakadota mangika lengko to singkonong pei i Pue Allah. Pakaroso pangayamu, porayang sa’e, pasi tuwu masingkatao pei samparia tau to makai-kai resi i Pue yako ri kabuya ndayanya.

2 Timotius 1:5

Apa aku mangendo korom monso pu’u mangaya i Pue. Pangaya etu to uyunya re’e resi buemu to we’a, i Lois, pasi resi indomu, i Eunike, apa sira dua semo to uyunya mangaya i Kerisitu panewa roo see korom mangaya seja. Wali si’i-si’i kuaya kojo pangaya to re’e resi korom sewaju pei pangaya nsira dua.

2 Timotius 1:3

Wali aku manganto’oka i Pue Allah tarima matao. Aku mampue mampakabae Ia ewa naika nu bue-buengku tempo owi. Pasi tempo aku mampue mampakabae Ia etu, rayangku tare seja mangepe sala ri tangoNya. Wali wuri eo, ponto ngkani aku makai-kai resi Ia aku taa mangkalingan korom pasi naka pei aku manganto’oka Ia tarima matao apa saba pangaya ngkorom semo.

1 Petrus 3:21

Wali sira rapalaes yako ri samal ue apa sira masua ri bangka etu. Wali palaong etu mawali tondong resi kita, apa kita seja rapalaes yako ri kapate to singkasaenya saba pangaya ngkita resi i Kerisitu. Apa kita mangaya i Kerisitu rawangu muni yako ri kapateNya, see naka kita rapalaes seja yako kapate to singkasaenya. Wali tempo kita rabaptis si’a mamposo’i yau anu to makarika to re’e ri koro ngkita. Si’a! Naka pei kita rabaptis see mampaponsanika resi sa’e manasa kojo resi kita dosa ngkita roomo ralapa apa i Yesu nambangu munimo yako ri kapateNya.

1 Petrus 3:16

Pasi jagai kojo lengko ngkomi see raya ngkomi taa damangepe sala ri tango i mPue Allah. Apa re’e tau to manganto’o maja’a komi pei mampakasala lengko to matao to nuika ngkomi apa saba komi samba’a pei i Kerisitu. Pei ane komi mangajagai lengko ngkomi, tau to manganto’o gombo to maja’a etu damawali mea.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

2 Petrus 1:7

Pasi ri rayanya komi mangika lengko to mampakasanang i Pue Allah etu, dugangika wo’u pamporayang ngkomi resi pua’i to samba’a pangaya. Pasi ri rayanya mangamporayang pua’i to samba’a pangaya, dugangika wo’u pamporayang ngkomi resi samparia tau.

Roma 10:4

Pei taa mawali tau rato’o tare dosanya ane yako mangalulu porenta i Musa. Apa yako to naika i ngKerisitu see naka tamore batuanginya mangalulu porenta etu. Wali si’i-si’i samparia tau to mangaya i Kerisitu maya rato’o tare dosanya.

Titus 1:15

Kamonsonya ane tau to roomo napakayongongika i mPue Allah rayanya, ane tau etu tare bara kesaa to maya mampakarikasika rayanya. Pei ane tau to taa napakayongongika i mPue Allah rayanya, etu semo tau to taa mangaya, ane tau to etu samparia paka makarika resi ia apa pampobuukanya pasi rayanya makarika.

1 Timotius 3:9

Sira mangkongko anu to napaponsanika i mPue Allah mangkonong pangayanya, pasi raya nsira taa mangepe sala ri tango i mPue Allah.

2 Korintus 1:12

Wali kami mangansani komi tiroowa re’e mampokai-kaika kami see i Pue Allah damangansawang kami apa kami matantu matao kojo lengko ngkatuwu mami ri oyo nto lino, taa manto’o ri oyo ngkomi seore. Apa kami mangika lengko ngkatuwu to masipato naika ntau to i Pue Allah Puenya, etu semo lengko to singkonong pei Ia pasi to taa manipu. Wali kami ndende kojo mampobuuka lengko mami etu pasi raya mami taa mangepe sala. Pei si’a yako kapande nto lino naka pei kami maya mangika lengko ngkatuwu to etu. Yako kanoto i mPue Allah semo.

1 Petrus 4:8

Pasi ri temponya komi tiroowa tuwu ri lino si’i, to bae kojo batuanginya komi masiporayang kojo. Apa ane komi mamporayang yunu ngkomi, see naka boros sala nu yunu ngkomi to taa danukitanaka ngkomi.

Yakobus 4:8

Pasi pakamosu resi i Pue Allah, apa ane komi mampakamosu resi i Pue Allah, Ia damampakamosu resi komi. Pasi komi to mangika palaong to madosa, pakayongo lengko ngkomi, ewa tau to makarika palenya matao ane mamue. Pasi komi to dua-dua rayamu mangkonong pangaya ngkomi, pakayongo raya ngkomi etu.

Palaong mPomakau i mPue Yesu 23:1

Wali ojo karata i mPaulus ri tango nto pobotus etu, ia mangalo’aka kojo resi sira panewa ia manganto’o, “A’i-a’ingku, yako tempo ruyu rataka seo si’i rayangku tare mangepe sala ri tango i mPue Allah mangkonong lengko ngkatuwungku.”

1 Yohanes 3:3

Wali i sema-sema tau to masanang mangampeas temponya ia damawali ewa i Kerisitu etu, tau etu mangajagai lengko ngkatuwunya see pasiwa tempo ia maroo ri lino si’i ia mapasing seja ewa i Kerisitu mapasing.

Ibrani 10:22

See naka anu kita mangampago i Pue Allah ri kabuya ndayanta. Apa kita mangansarumaka kojo i Pue Allah damangantima kita. Pasi raya ngkita raporapaka ewa roomo napedasaka i ngKerisitu raaNya to mampakayongo see rayanta tamo mangepe sala ri tango i mPue Allah. Pasi koro ngkita raporapaka ewa rariuka ue to mayongo.

1 Korintus 13:1

Wali aku nempo magombo ri raya basa-basa nto lino pasi basa mpomakau i mPue Allah yako saruga, pei taa mamporayang sa’e, tare batuanginya. Apa ane ewa see, gombongku ojo ewa nggongi to kanjengu-njengu pasi ewa bolong to matino apa taa kojo re’e batuanginya.

Roma 14:15

Wali ane kita mampakamawo raya mpua’i ngkita apa kita mangkoni pangkoni to ia mampobuuka mampakarikasika kita ri pangkita i mPue Allah, batuanginya kita tamo mamporayang ia. Pei i Kerisitu bae kojo pamporayangiNya resi ia, see naka Ia mangkapateka ia. Wali ne’e kita mampakaja’a yau pangaya ntau etu apa saba kita mangkoni anu to ia mampobuuka mampakarikasika kita ri pangkita i mPue Allah.

Roma 9:1

Wali a’i-a’i aku mawo kojo rayangku. Tare pandoonya kamawo ndayangku etu mampobuuka ja’ingku to Yahudi apa sira bo’onya mangaya i Yesu Kerisitu. Monso pu’u gombongku si’i apa aku samba’a pei i Kerisitu. Pasi rayangku pasi i Nosa Mapasing paka mampakanasaka aku taa mawuti.

Palaong mPomakau i mPue Yesu 24:16

Wali see naka aku sangkani mampakadota kojo mangika lengko to singkonong pei i Pue Allah see rayangku tare mangepe sala ri tangoNya pasi ri tango nto lino.

Palaong mPomakau i mPue Yesu 15:9

I Pue Allah taa mampasisala kita to Yahudi pasi sira to si’a to Yahudi. Ia room mampakayongo raya nsira apa sira mangaya i Yesu.

Matius 12:35

Wali tau to matao, ia mampobuuka anu to matao, see naka matao seja gombo ntau etu. Pei ane tau to maja’a, ia mampobuuka anu to maja’a, wali see naka maja’a seja gombo ntau etu.

Matius 5:8

Masanang tau to ojo pamporani i mPue Allah to napobuuka nsira, apa sira damangkita i Pue Allah.

1 Yohanes 3:23

Wali si’i semo porenta i mPue Allah resi kita: To uyunya, aya AnaNya, i Yesu Kerisitu, pasi yako etu, masiporayang ewa to roomo nato'oka i ngKerisitu kita.

Ibrani 13:18

Wali manasa kojo resi kami raya mami tare mangepe sala ri tango i mPue Allah. Apa kami sangkani rani mangika anu to masipato raika. Wali ne’e mangkalingan mampokaika kami.

Ibrani 9:14

Wali ane raa nu binatang mampakayongo koro ntau etu, bae wo’u batuanginya raa i ngKerisitu, apa raa etu mampakayongo raya ngkita. Apa yako kuasa i Nosa to tuwu singkasaenya, i Kerisitu mampampueka koroNya resi i Pue Allah ewa pampue to masilonga kojo. Wali raaNya mampakayongo raya ngkita yako palaong to tare batuanginya see kita maya mangika palaong to masipato raika mampue mampakabae i Allah to tuwu.

Galatia 5:6

Apa ane kita to samba’a pei i Yesu Kerisitu apa saba pangayanta, taa mawei nempo rasui mangalulu ada nto Yahudi, nempo taa. Apa si’a ada to etu to bae batuanginya. To bae batuanginya, etu semo pangayanta. Pasi pangayanta etu manasa saba yako pamporayanginta resi sa’e.

Roma 12:9

Wali ne’e dua-dua rayanta mamporayang sa’e. Anu kita mangandolika tangonta yako ri lengko to maja’a pei mangkongko kojo lengko to matao.

1 Timotius 1:18

Wali i Timotius, anangku, si’i paposia to kusarumakaka resi korom. Paposia si’i singkonong pei gombo to rato’o yami mangkonong pamporani i mPue Allah resi korom. Wali ne’e mangkalingan gombo etu, apa gombo etu maya mampakaroso rayamu see korom damampoewaka anu to matao.

1 Yohanes 3:10

Wali kita to mampopa’a i Pue Allah, yako ri pamulanya kita mangaya kita re’e mangandonge porenta to manganto’o to tao-tao kita masiporayang. Wali etu semo palaong to mampakanasaka kojo resi kita bara i sema kamonsonya pu’u nu lengko ngkita, bara i Pue Allah, Pa’a ngkita, bara i Kepala nto pantipu. Pei tau to ana i mPue Allah pei taa mamporayang a’inya to samba’a pangaya pasi mangika lengko to taa singkonong pei i Pue Allah, manasa tau to etu taa maroo masingkatao pei i Pue Allah. Wali lengko ntau etu manasa kojo i Kepala nto pantipu semo pu’unya.