1 Timotius 1:12 - Tuntu i mPue ri Basa Taa

¹² Wali aku manganto’o tarima matao resi i Kerisitu Yesu, Pue ngkita, to mangawaika aku karoso mampakarebaka kareba matao etu. Naka pei aku manganto’oka Ia tarima matao apa Ia mangkita aku masipato rasarumakaka see naka Ia mangawaika aku mangika palaongiNya.

Sura Magali Nuntu Ngkatuwu

¹² Kupasowa unde pai tarima kase ri Pueta i Yesu Kerisitu, Sira mawaimo ri yaku karoso da mamporiokoi Sira, pai anu mampasingkana yaku da mawianaka tetala setu.

1 Timotius 1:12 Referans Kwoze

Pilipi 4:13

Etu semo, aku kunsani samparia to pamporani i mPue Allah resi aku paka kukurang mangika saba yako pansawang i ngKerisitu to mampakaroso rayangku.

2 Timotius 4:17

Pei nempo tare tau to mampasimbalika aku, i Pue re’e ri awengku. Ia mampakaroso rayangku see aku gana karosongku mampakarebaka samparia kareba matao, see samparia tau to si’a to Yahudi maya mangandonge. Pasi Ia mangalapa aku yako ri kuasa ngkepala measa to raporapaka ewa singa.

Kolose 1:25

Wali aku mawali to papolaong to mangansawang tau to mangaya apa etu semo palaong to nasarumakaka i mPue Allah aku. Ia mampokau aku mampaponsanika komi samparia tuntuNya,

Pilipi 2:11

Pasi tare to taa damampatimonso i Yesu Kerisitu Ia semo i Pue. Wali yako palaong to etu i Pue Allah, Pa’a, darabarong.

2 Korintus 4:1

Wali yako pamporayang i mPue Allah, see naka Ia mansarumakaka kami mapalaong mampakarebaka kareba to bou. Wali see naka kami taa mawali mayu’u raya mami mangika palaong to etu.

1 Korintus 7:25

Wali ane mangkonong ngana we’a to tawa re’e nepenya to langkai, aku tare porenta yako resi i Pue Allah. Ojo pampobuuka to si aku semo to dakuto’oka komi. Pei gombongku masipato rasarumaka apa yako ri pamporayang i mPue Ia mangansawang aku magombo.

Palaong mPomakau i mPue Yesu 9:22

Pei i Saulus ia ojo kanjo’u-njo’u karoso-roso rayanya mampakarebaka resi tau mangkonong i Yesu. Ia mampakanasaka sira i Yesu Ia semo Kerisitu, Makole parajanji i mPue Allah. Wali to Yahudi to maroo ri Damsyik etu sira tamo nansani kesaa to danato’o nsira damangabanta gombo i nSaulus etu.

Palaong mPomakau i mPue Yesu 9:15

Pei i Pue manganto’oka wo’u i Ananias, to’oNya, “Inta, apa Aku roomo mangampilis ia damangika palaongingKu. Wali ia damampakarebaka mangkonong Aku resi to Israel pasi tau to si’a to Israel pasi makole-makolenya.

Palaong mPomakau i mPue Yesu 16:15

Wali yako etu i Lidia pasi tau to maroo ri banuanya sira rabaptis. Ojo karoonya sira rabaptis, i Lidia mangansale kami, to’onya, “Ane monso pu’u komi mampobuuka aku tau to mangaya i Pue, ane ewa see yau maroo ri banuangku, aku damampalinggona.” Wali ewa see to’onya mamporapika resi kami sampe kami yau mangalulu ia njo’u banuanya.

1 Timotius 1:11

Samparia si’i singkonong pei kareba matao to yako resi i Pue Allah anu bae kojo kayawaNya pasi to rabarong. Kareba matao etu nasarumakaka i mPue Allah aku mampakarebaka.

1 Korintus 15:10

Pei apa saba kanoto i mPue Allah, see naka aku mawali pomakau i mPue Yesu ri tempo si’i. Pasi kanoto i mPue Allah resi aku etu bae kojo batuanginya. Apa yako etu aku semo to roso-roso palaongingku pei samparia pomakau i mPue. Pei palaongingku etu si’a yako karoso ndaya to si aku naka pei mawali. Yako kanoto i mPue to re’e resi aku.

Yohanes 5:23

Naka pei Ia mangika ewa wetu see samparia tau damanga’angga Aku to AnaNya, ewa naika nsira manga’angga Ia to Pa’angKu. Wali tau to taa manga’angga Aku to AnaNya, tau etu taa seja manga’angga Pa’angKu to nampokau Aku etu.

1 Korintus 3:5

Wali sema kamonsonya i Apolos? Pasi sema kamonsonya aku, i Paulus? Kami dua ojo to papolaong i mPue Allah. Kami napake i mPue mampakarebaka komi kareba matao see komi mangaya. Wali kami ojo mangika palaong to nawaika i mPue Allah kami samba’a pei samba’a.

Galatia 3:26

Wali komi seja paka ana i mPue Allah apa saba pangaya ngkomi resi i Kerisitu Yesu.

Galatia 3:28

Wali apa saba komi samba’a pei i Kerisitu, batuanginya komi seja rapasimba’a. Wali ane ri pangkita i mPue Allah tare pasisalanya to Yahudi pasi tau to si’a to Yahudi. Pasi tare pasisalanya watua pasi tau to si’a watua. Pasi tare seja pasisalanya to langkai pasi to we’a.

1 Timotius 1:1

Sura si’i yako resi aku, i Paulus. Aku semo pomakau i ngKerisitu Yesu. Naka pei aku mawali pomakauNya apa mampolaika i Pue Allah, to Pansompo ngkita, pasi i Kerisitu Yesu, pu’u mpansarumaka ngkita. Sira manganto’oka aku mangika palaong to etu.

1 Timotius 1:2

Wali aku mangantulis sura si’i resi korom, i Timotius. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a ngkita, pasi i Kerisitu Yesu, Pue ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

1 Timotius 6:13

Wali i Pue Allah pasi i Kerisitu Yesu, sira maya mawali matamanasa mangkonong paposia to dakuto’oka korom. I Pue Allah semo to mangawaika katuwu resi samparia anu to re’e. Pasi i Kerisitu Yesu Ia semo to mawali matamanasa mangkonong anu to monso tempo Ia nangampotango i Pontius Pilatus seore. Wali paposiangku resi korom, etu semo, lulu kojo porenta to room rapakanasaka resi korom etu. Lulu kojo see tare pasi sangkodi porenta etu to taa raluluka, apa ane ewa see tare tau to maya manganto’o maja’a porenta etu. Wali lulu kojo sampe rata temponya kama’i muni i Yesu Kerisitu, Pue ngkita.

2 Timotius 2:2

Seore korom re’e seja mangandonge anu to aku mampotunde ri tangonya boros matamanasa. Wali anu to kupotunde etu, sarumakaka resi tau to maya rasarumaka pasi to nakurang mampotundeka wo’u tau to yusa.

Titus 1:4

Wali aku mangantulis sura si’i resi korom, i Titus. Aku mangepe korom ewa ana ngkorongku apa korom mangaya seja i Pue Allah sewaju pei aku. Wali aku makai-kai see i Pue Allah, Pa’a, pasi i Pue Yesu Kerisitu, to Pansompo ngkita, damampaponsanika korom kanotoNya pasi pamporayangiNya pasi mangawaika korom karodo ndaya.

Matius 20:4

Wali ia manganto’oka sira, ‘Intamo mapalaong nja’u nawungku panewa dakubayar komi saro to masipato komi mangarata.’ Wali sira yau mapalaong.