1 Samuel 16:5 - Tuntu i mPue ri Basa Taa

⁵ Wali i Samuel mangansono, ia manganto’o, “Iya, aku si’i ma’i ri kasanang ndaya. Aku naka nama’i damangika pampue mampakabae i Pue Yawe. Wali pakayongongika ruyu koro ngkomi mangalulu ada ngkita see mayongo komi ri pangkita i mPue Allah, panewa lulu aku see kita damangika pampue etu sindara-ndara.” Etu semo sono i nSamuel resi tau tu’a nto Betlehem etu. Roo see ia yau resi i Isai sira sana panewa i Samuel mangika ada to see sira seja mayongo ri pangkita i mPue Allah. Yako etu ia mangansale sira yau seja mangansabi pampue etu. Wali sira yau.

Sura Magali Nuntu Ngkatuwu

⁵ Mesono i Semueli, natoʼo, “Monco kojo, yaku rata maʼi mawianaka panyomba ri Pue. Mewali da ndipakagalimo koromi da naka maya mesua ri pawianaka panyomba seʼi.” Ewanceʼe Isai pai waʼa ananya napokau da naka napakagali koronya sambaʼa pai sambaʼa, maka tau seʼe napeboo da mesua ri pawianaka panyomba setu.

1 Samuel 16:5 Referans Kwoze

Posuwunya 19:10

Yako etu i Pue Yawe manganto’oka wo’u i Musa, to’oNya, “Pawolili muni resi yunumu to Israel etu pei to’oka sira ri rayanya dua eo si’i Aku dasimparata pei komi samparia. See naka sira taa maya taa damampasilonga koro nsira see sira damayongo ri pangkitangKu tempo simparata pei Aku. Wali sira damantatap pakenya

1 Korintus 11:28

Wali see naka to tao-tao kita mangamparesa kojo ri raya ngkita samba’a pei samba’a panewa mangkoni roti etu pasi manginu anu to re’e ri sangkir etu.

Pomulanya 35:2

Wali ojo karoonya i Pue Allah mampogomboka ia etu, i Yakub mampasiromunaka tau to maroo ri banuanya pasi samparia joanya to yusa, panewa ia manganto’oka sira, “Pakaroso ruyu apa kita damalimba muni njo’u Betel. Rata nja’u ria aku damangawangu palampa watu to kita damangampake mampue mampakabae i Pue Allah. Apa Ia semo to nangansawang aku seore tempo aku ri re’e raya ngkasusa. Pasi yako tempo etu, nempo bara imbanjo kukanjo’u, Ia sangkani mangararamaka aku. Wali taa masipato kita mampue pue to yusa, see naka taji yau samparia tau-tau to re’e resi komi. Roo see, yau pei pandiu panewa pasunsuka wo’u pake to mayongo.” Etu semo to nato’oka i Yakub joanya.