1 Samuel 16:1 - Tuntu i mPue ri Basa Taa

¹ Wali i Samuel ia mawo kojo rayanya mampobuuka i Saul tamo masipato mawali makole nto Israel. Pei re’e seo i Pue Yawe manganto’oka ia, to’oNya, “Aku roomo mangandolika tangongKu yako resi i Saul, see naka Aku tamo singkonong ia mawali makole. Wali ne’emo mampomawo ia. Kasimbalinya yako etu, oko tampa to raika yako tondu to rapamposaka minya pei banangika minya nsaitun. Roo see inta njo’u kota Betlehem pei pago ngkai to sanganya i Isai. I Isai etu, ia re’e bara sawei mba’a ananya to langkai. Wali naka pei Aku mampokau korom yau resi i Isai apa samba’a ananya etu, ia semo to ipilisingKu damawali makole.” Etu semo to nato’oka i mPue Yawe i Samuel.

Sura Magali Nuntu Ngkatuwu

¹ Ungkalairia ratamo nuntu i mPue ri Semueli, ndatoʼo, “Sangkuja ngkasae woʼu da kapari ndayamu manawa-nawa i Saulu? Ara banya siʼa bareʼemo ndaʼaku mewali mokole nto Isaraeli? Mewali seʼi-seʼi peokomo kenimo lana saitu njoʼumo ri Beteleme, ri tau sambaʼa Isai toʼonya, maka sambaʼa ungka ri oyo waʼa ananya anu Kupilisimo mewali mokole.”

1 Samuel 16:1 Referans Kwoze

Roma 15:12

Pasi re’e wo’u to natulis i Yesaya, to’onya, “Yako ri wiyaa i Isai damasuwu samba’a tau to damangkuasang tau to si’a to Yahudi. Ia semo to danasarumaka nsira.” (Yesaya 11:10) Etu semo gombo to ratulis tempo owi.

1 Samuel 9:16

Wali yako etu, re’e seo i Pue Yawe manganto’oka i Samuel, Ia manganto’o, “Aku re’e mangkita kasesa to narata ntaungKu to Israel. Pasi Aku re’e mangandonge pokai-kai nsira marapi sawang. Wali see naka nile, bara tempo ewa si’i semo, Aku damampokau samba’a tau yako ri suku Benyamin, to dama’i resi korom. Wali tempo ia rata resi korom etu, korom damampalasika minya nsaitun resi ia mangika tondong to mampakanasaka resi taungKu, to Israel, ia semo to damawali makole to damamporentang sira. Wali ia damampalaes sira yako resi to Pilistin to mangansesai sira.” Etu semo to nato’oka i mPue Yawe i Samuel.

1 Yohanes 5:16

Wali i sema-sema tau to mangkita a'inya to samba'a pangaya to mangika dosa, pei tawa sampe mate, ane ewa see to tao-tao ia makai-kai resi i Pue Allah mampokaikaika a'inya etu. Wali i Pue Allah semo damangansawang tau etu see ia taa damate. Pei re'e seja dosa to mate tau mangika, wali si'a palaong to etu to kuto'oka komi mangampokaikaika.

Yesaya 11:1

Wali paporenta i Makole Daud, ana i Isai, raporapaka ewa kaju to roomo ratowo yau, apa tamore makole ri tempo si’i. Pei darata wo’u samba’a Makole to wiyaa i Daud seja. Paporenta Makole etu raporapaka ewa wanse to bou yako ri tu’a ngkaju to ratowo yau etu.

Ibrani 11:32

Wali kamonsonya boros wo’u to aku maya manganto’o mangkonong tau to mangaya i Pue Allah. Pei aku taa yoa mangansarita mangkonong i Gideon, i Barak, i Simson, i Yepta, i Daud, i Samuel pasi to pantuntu tuntu i mPue Allah to yusa.