1 Samuel 13:14 - Tuntu i mPue ri Basa Taa

¹⁴ Pei komi taa mampolaika porentaNya etu, see naka yako tempo si’i si’amo wiyaa ngkomi to damawali makole, pei wiyaa ntau to yusa wo’u to damawali makole. Wali tau to naliwu i mPue Yawe, etu semo tau to pamporani ndayanya sewaju ewa pamporani ndaya to si Ia. Wali Ia re’e yami mangarata pasi mangampilis samba’a tau to ewa wetu damawali makole to damamporentang tauNya.

Sura Magali Nuntu Ngkatuwu

¹⁴ Paikanya seʼi-seʼi manotomo poparentamu Mokole bareʼe da masae. Maka komi bareʼe mampedongeka padika i mPue, painaka roomo ndapilisi i mPue tau ntaninya anu silulu pai pepokonoa anu da ndapatongko mewali Mokole waʼa ntaua.”

1 Samuel 13:14 Referans Kwoze

Palaong mPomakau i mPue Yesu 13:22

Roo see i Pue Allah mangoko muni kuasa i nSaul panewa Ia mangokotaka wo’u i Daud damawali makole mangabolos ia. Wali si’i gombo i mPue Allah mangkonong i Daud etu, ia manganto’o, ‘Aku kunsani i Daud, ana i Isai, ia tau to lengkonya singkonong kojo pei pamporaningKu. (Masmur 89:21; 1 Samuel 13:14) Wali kesaa to Kuporani ia mangika, ia damangika.’ Etu semo to nato’o i mPue Allah.

1 Samuel 16:1

Wali i Samuel ia mawo kojo rayanya mampobuuka i Saul tamo masipato mawali makole nto Israel. Pei re’e seo i Pue Yawe manganto’oka ia, to’oNya, “Aku roomo mangandolika tangongKu yako resi i Saul, see naka Aku tamo singkonong ia mawali makole. Wali ne’emo mampomawo ia. Kasimbalinya yako etu, oko tampa to raika yako tondu to rapamposaka minya pei banangika minya nsaitun. Roo see inta njo’u kota Betlehem pei pago ngkai to sanganya i Isai. I Isai etu, ia re’e bara sawei mba’a ananya to langkai. Wali naka pei Aku mampokau korom yau resi i Isai apa samba’a ananya etu, ia semo to ipilisingKu damawali makole.” Etu semo to nato’oka i mPue Yawe i Samuel.

Palaong mPomakau i mPue Yesu 7:46

I Daud etu mampakasanang raya i mPue Allah. Pasi ia mamporapika resi i Pue Allah see ia maya mangawanguka i Pue Allah banua to danapake ntau mampue mampakabae i Pue Allah, Allah to napakabae nu bue ngkita, i Yakub, tempo owi.

1 Samuel 16:12

Wali i Isai mampokau tau yau mangalo’a ananya etu, pei mangansale resi sira. Wali ana i Isai to ana lei etu, sanganya i Daud. Ia ngkai to damangurawa to maroro kojo ta’anya. Lionya mawaa pasi matanya magaya kojo. Wali i Pue Yawe manganto’oka i Samuel, to’oNya, “Si’i semo tau to ipilisingKu! Inta pei palasika ia minya nsaitun mangika tondong to mampakanasaka tau ia semo to damawali makole nsira.” Etu semo to nato’o i mPue Yawe. Wali i Samuel mangoko tampa to raika yako tondu to la’u minya nsaitun la’u rayanya panewa ia mampalasika minya etu ri wo’o i Daud ri tango mata ntukakanya. Wali tempo etu semo Nosa i mPue Yawe tudu resi i Daud pei mangkuasang ia, wali yako ri tempo etu Ia tamo mampiyaika i Daud. Wali yako etu, i Samuel mangika pampue mampakabae i Pue Yawe panewa roo see ia mampiyaika kota Betlehem pei yau muni njo’u kota Rama.

2 Samuel 5:2

Wali seore, tempo i Saul tiroowa mawali makole ngkita, tempo etu mandudu ngkani kita yau mamusu. Pei ponto ngkani tentara ngkita yau mamusu etu komi semo to mangkepalang sira. Apa i Pue Yawe roomo mamparajanjika komi seore, Ia manganto’o, ‘Korom semo to damangararamaka to Israel, taungKu, ewa naika nto pangkampang ndomba mangararamaka dombanya. Pasi korom semo to damamporentang sira.’ Etu semo parajanji i mPue Yawe resi komi seore.” Wali etu semo gombo ntau tu’a nto Israel mampatiendoka i Daud mangkonong songka i mPue Yawe resi ia.

1 Samuel 9:16

Wali yako etu, re’e seo i Pue Yawe manganto’oka i Samuel, Ia manganto’o, “Aku re’e mangkita kasesa to narata ntaungKu to Israel. Pasi Aku re’e mangandonge pokai-kai nsira marapi sawang. Wali see naka nile, bara tempo ewa si’i semo, Aku damampokau samba’a tau yako ri suku Benyamin, to dama’i resi korom. Wali tempo ia rata resi korom etu, korom damampalasika minya nsaitun resi ia mangika tondong to mampakanasaka resi taungKu, to Israel, ia semo to damawali makole to damamporentang sira. Wali ia damampalaes sira yako resi to Pilistin to mangansesai sira.” Etu semo to nato’oka i mPue Yawe i Samuel.

Ibrani 2:10

Wali songka i mPue Allah Ia rani boros tau mawali anaNya pasi Ia rani mangkeni sira damangarata seja kayawaNya. Apa i Pue Allah nampapowali samparia anu to re’e, see samparia anu to re’e etu damangabarong Ia. Pei wimba danaika i mPue Allah mangkeni to lino to madosamo see maya mangarata seja kayawaNya? Ewa si’i jaya to kono kojo to Ia mangarata. Ia mangawaika i Yesu mangarata kasesa sampe mate yau. Wali yako kasesa to narata i Yesu etu, i Pue Allah mampasilonga jaya see Ia maya mampalaes kita apa saba dosa ngkita roomo nasompo nu AnaNya. Wali i Yesu mawali Mata nJaya to mangkeni boros tau see darapalaes. See naka kita maya mawali seja ana i mPue Allah pasi mangarata seja kayawaNya singkonong pei songkaNya etu.