1 Petrus 3:9 - Tuntu i mPue ri Basa Taa

⁹ Ne’e mamponsawak ane re’e tau to mangika maja’a resi komi. Pasi ne’e seja mampoja’a tau to re’e mampoja’a komi. Kasimbalinya yako etu, matao ane komi makai-kai mamporapika resi i Pue Allah see Ia mangawaika tau to mampoja’a komi etu rasi. Wali ane komi mangika ewa wetu, komi danawaika seja i mPue Allah rasi, apa etu semo naka pei komi napokio i mPue Allah, see komi maya damangarata seja rasi to Ia damangawaika kita to anaNya.

Sura Magali Nuntu Ngkatuwu

⁹ Jaʼa neʼe ndisilika jaʼa, bara pepara-para ndisilika pepara-para; paikanya ndiperapika popadonco ungka ri Pue Ala. Maka komi ndapeboo i mPue Ala da naka mantarima popadonco-A.

1 Petrus 3:9 Referans Kwoze

Roma 12:17

Wali ane re’e tau to mangika anu to maja’a resi kita, ne’e kita mamponsawak. Anu kita madota kojo mangika to matao ri pangkita ntau boros.

Roma 12:14

Wali ane re’e tau to mangansesai kita, ne’e kita mangantanaa yau sira. Anu kita mampokaika sira see i Pue damangawaika sira rasi.

1 Tesalonika 5:15

Pasi jagai kojo see tare komi to mansawa ane re’e tau to mangika maja’a resi komi. Pei sangkani liwu jaya mangika anu to manoto ri oyo ngkomi pasi resi tau samparia.

Matius 5:44

Pei Aku manganto’oka komi, porayang seja balimu, pei matao raika magombo resi tau to mampoja’a komi. Pasi ika matao resi tau to maja’a nakita komi, pasi pokai-kaika tau to mampakasala pasi to mangansesai komi.

Epesus 4:32

Pei ika anu to manoto resi yunu ngkomi samba’a pei samba’a, pasi masiporayang. Pasi ewa naika i mPue Allah mangalapa sala ngkomi apa saba komi seja samba’a pei i Kerisitu, ewa wetu seja danuika ngkomi mangalapa sala nu yunu ngkomi samba’a pei samba’a.

Matius 5:39

Pei Aku manganto’oka komi ne’e mansawa ane re’e tau to mangika maja’a resi komi. Rapanya ane re’e tau to mangantoposaka panganamu to sambali, waika wo’u panganamu to sambali wo’u napontoposaka seja.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Roma 8:28

Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

Ibrani 6:14

Wali Ia manganto’o, “Monso pu’u Aku damangawaika korom rasi pei damangawaika korom malagi wiyaamu.” (Pomulanya 22:17)

Lukas 18:18

Wali yako etu re’e samba’a kepala nto Yahudi to mampotanaka resi i Yesu, ia manganto’o, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

Lukas 10:25

Wali yako etu re’e samba’a tau to pande kojo mangkonong porenta i Musa, ia rani mangakal i Yesu see Ia manganto’o gombo to sala. Wali see naka ngkai etu makore pei mampotanaka resi i Yesu, ia manganto’o, “Pa’a Guru, bara kesaa to dakuika see aku damangarata katuwu to singkasaenya?”

Matius 19:29

Wali re’e tau to roomo mampiyaika samparia saba rani mangalulu Aku. Anu to napiyaika nsira etu, etu semo banuanya, bara tukakanya pasi tua’inya, bara pa’anya, bara indonya, bara ananya, bara nawunya. Wali samparia tau to etu ane mampiyaika samparia to etu, ri raya ngkatuwu nsira to tempo si’i sira mangarata satu ngkani kaborosinya to sira mampiyaika etu. Pasi sira damangarata seja katuwu to singkasaenya.

Roma 8:30

Wali tau to napansongkaka yami i mPue Allah etu, tau etu Ia mampokio. Pasi tau to napokio etu Ia manganto’o tare dosanya. Pasi tau to Ia manganto’o tare dosanya etu Ia mangokotaka damangarata kayawaNya.

Markus 10:17

Wali ojo karoonya i Yesu mampogomboka ngana mayunu etu, Ia polas yako nja’u ria. Pei tempo Ia polas etu re’e samba’a tau maripo mampago Ia. Rata resi i Yesu ia mambokotu ri tangoNya manga’angga Ia. Pasi ia manganto’oka i Yesu, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

Pomulanya 42:25

Roo see i Yusup mamporentangika wo’u to papolaonginya, to’onya, “Banangika pangkoni karu nsira, panewa posaka muni seja doi nsira ri raya ngkaru nsira etu samba’a pei samba’a. Waika seja pangkoni to danakoni nsira ri jaya.” Etu semo to naporentangika i Yusup to papolaonginya. Wali sira mangika ewa wetu.

Galatia 3:14

Wali naka pei i Yesu Kerisitu mangika palaong to etu, see kasanang to naparajanjika i mPue Allah resi i Abraham maya narata seja ntau to si’a to Yahudi. Etu semo kita rawaika i Nosa Mapasing to naparajanjika i mPue Allah etu. Kita mangarata apa saba pangayanta.

Ibrani 12:17

Wali komi nunsani sarita etu. I Esau re’e mampobalu yau panta to masipato ia damangantima, pei roo see ia tiroo rani damangantima yako resi pa’anya, pei pa’anya tamo mangawaika ia. Nempo tumangi ia mamporapi panta etu, tamo re’e jaya to mangawali pampobuuka mpa’anya. Wali ne’e ewa i Esau to mampobuuka panta yako resi pa’anya taa bae batuanginya.