1 Petrus 3:8 - Tuntu i mPue ri Basa Taa

⁸ Wali ri lelenya ri kapuranya to si’i aku re’e to rani manganto’oka komi samparia. Etu semo, masipato komi samba’a pampobuuka ngkomi, pasi mangepe seja kandende ndaya pasi kamawo ndaya to naepe nu yunu ngkomi samba’a pei samba’a. Pasi masipato komi masiporayang ewa tau to moa’i. Pasi masipato seja komi ne’e mabae-bae rayamu. Pasi matao seja komi rani mangansawang tau to ri raya ngkasusa.

Sura Magali Nuntu Ngkatuwu

⁸ Kamonconya ewaseʼi: Komi pura-pura da siuju-uju pai da siwia raya. Komi da mombepokapuru sambaʼa pai sambaʼa da ewa tau sangkompo. Mbolimo komi da pande mporaya ri kalauka ndaya.

1 Petrus 3:8 Referans Kwoze

Roma 12:10

Anu kita mamporayang sa’e ewa taika mamporayang tua’i ngkoronta. Pasi anu kita pakadota mampobuuka sa’e to bae-bae angganya pei kita.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

Epesus 4:31

Wali posaka yau samparia palaong to mampakamawo i Nosa Mapasing. Palaong to etu ewamo makodi raya, mapoi raya, maja’a raya, matingka, pasi manto’o maja’a sa’e. Posaka yau palaong to etu sindara-ndara pei samparia ngaya nu lengko to maja’a.

Yakobus 3:17

Pei ane tau to re’e kapande to yako resi i Pue Allah ndate saruga, tau etu ewa si’i lengkonya, to uyunya, ia matao lengkonya panewa ia rani tuwu masingkatao pei sa’e, ia taa makasar, ia simpalai, ia rani kojo mangansawang sa’e, pasi boros palaong to matao to inikanya to raporapaka ewa wua ngkaju to matao. Pasi tau etu taa mampasisala tau pasi si’a ojo gombonya to manoto.

Epesus 4:2

Wali lengko to masipato, etu semo ne’e mabae-bae raya ngkomi pasi ne’e seja makasar resi sa’e. Pakabae sabara ngkomi resi sa’e, pasi porayang sa’e naka ne’e majoli masusa resi sira.

Kolose 3:12

Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.

1 Korintus 12:26

Wali ane samba’a saga ngkoro mangarata kasesa, samparia saga ngkoro etu paka mangepe seja kasesa etu. Pasi ane samba’a saga ngkoro rabarong, samparia saga ngkoro etu paka masanang seja.

Matius 18:33

See naka masipato korom mamporayang seja to papolaong to yunumu etu sewaju ewa aku mamporayang korom.’

1 Yohanes 3:14

Tau etu taa mangansani mangkonong katuwu ngkita pei kita semo mangansani kita yako ri raya ngkapate ralimba nja’u raya ngkatuwu. Wali yako pamporayang ngkita resi pua’inta to samba'a pangaya, see naka kita tansani kita roomo malimba, wali tamo tuwu ewa tau to ri raya ngkapate. Pei tau to taa mamporayang pua'inya, tau etu lengkonya ewa lengko ntau to tiroowa re’e ri raya ngkapate.

1 Korintus 1:10

Wali a’i-a’i, i Yesu Kerisitu, Pue ngkita, Ia roomo mangawaika aku kuasa. Wali apa saba kuasa etu see naka aku mamporapika resi komi see komi mawali samba’a pampobuuka naka ne’e komi masimpayu raya. Wali pasimba’a pampobuuka ngkomi pasi songka ngkomi.

Palaong mPomakau i mPue Yesu 4:32

Wali songonya tau to mangaya i Yesu etu, sira samba’a pampobuukanya pasi samba’a raya. Tare pasi samba’a sira to manganto’o, “Ngaya-ngaya to si’i akuja puenya.” Wali samparia to re’e resi sira, paka sira samparia puenya.

1 Petrus 5:5

Wali re’e seja to aku damanganto’oka resi komi to damangurawa. Etu semo, luluka songka ntau to tu’amo. Pasi ne’e mabae-bae raya ngkomi, pei mawali ewa to papolaong nu yunu ngkomi samba’a pei samba’a. Apa ewa si’i ratulis ri raya ntuntu i mPue Allah, to’onya, “I Pue Allah mangewa tau to mangei, pei Ia mangawaika kanotoNya resi tau to taa mabae-bae rayanya.” (Amsal 3:34) Ewa wetu ratulis ri raya ntuntu i mPue Allah.

Ibrani 13:1

Wali ne’e mandoo masiporayang ewa to masipato naika ntau to pua’i to samba’a pangaya.

2 Petrus 1:7

Pasi ri rayanya komi mangika lengko to mampakasanang i Pue Allah etu, dugangika wo’u pamporayang ngkomi resi pua’i to samba’a pangaya. Pasi ri rayanya mangamporayang pua’i to samba’a pangaya, dugangika wo’u pamporayang ngkomi resi samparia tau.

1 Petrus 2:17

Wali see naka angga samparia tau, porayang pua’i ngkita to samba’a pangaya, palaika i Pue Allah saba manga’angga Ia, pasi angga i Makole.

Yakobus 5:11

Pobuuka! Apa kami manganto’o, “Masanang tau to mangansabaraka kasesa.” Wali pobuuka seja i Ayub, apa komi re’e seja mangandonge mangkonong kasabara to si ia. Pasi komi mangansani seja ewa wimba naika i mPue mampakasanang i Ayub tempo ia roomo rasoba. Wali naka pei i Pue mangika ewa wetu apa Ia bae kojo kanotoNya pasi pamporayangiNya. Wali masipato kita mangansabaraka tempo mangarata kasesa.

Yakobus 2:13

Apa i sema-sema tau to taa mamporayang sa’e, tau etu taa seja daraporayang ane ratamo temponya darapangabotus. Tau etu darahuku. Pei tau to mamporayang sa’e, nempo masipato rahuku ia taa darahuku. Wali ane ewa see, pamporayang i mPue Allah resi tau etu damanganangi huku to masipato ia mangarata. See naka matao kojo ane kita taa mampasisala tau.

Pilipi 3:16

Pei tempo si’i anu kita mangangkongko pasi mangaluluka anu to roomo napakanasaka i mPue Allah kita. Pasi anu kita mawali samba’a pampobuukanta.

Roma 15:5

Wali aku makai-kai resi i Pue Allah anu to mangawaika kita sabara pasi karoso ndayanta. Aku mamporapika resi Ia see Ia mangansawang komi see komi datuwu masingkatao samba’a pei samba’a mangalulu ewa wimba to naika i ngKerisitu Yesu.

Palaong mPomakau i mPue Yesu 28:7

Wali taa longko yako ri lipu etu re’e tana to puenya i Publius. I Publius etu ia kepala ntau nja’u pulo etu. Wali i Publius mangansale kami yau njo’u banuanya panewa ia mampalinggona kami togo eo kasaenya.

Palaong mPomakau i mPue Yesu 27:3

Wali yako etu, eo rao wo’u kami dongka nja’u kota Sidon. Tempo etu i Yulius ia manoto kojo lengkonya resi i Paulus, apa ia mangabiaka i Paulus mana’u yako ri bangka nja’u ria. Naka pei ia mangabiaka i Paulus yau see ia maya mayunu resi yununya to nja’u kota etu, see sira maya mangawaika ia anu to danapake.

Palaong mPomakau i mPue Yesu 2:1

Wali yako etu ratamo temponya roa to rato’oka roa Pentakosta. Tempo etu samparia tau to mangaya i Yesu siromu ri samba’a banua ri kota Yerusalem.

Lukas 10:33

Pei yako etu rata seja tau Samaria to malinja seja liu jaya nakare’e ngkai etu. Tempo tau Samaria etu mangkita ngkai to mosu mate etu, ia mamporayang ngkai etu.

Epesus 4:32

Pei ika anu to manoto resi yunu ngkomi samba’a pei samba’a, pasi masiporayang. Pasi ewa naika i mPue Allah mangalapa sala ngkomi apa saba komi seja samba’a pei i Kerisitu, ewa wetu seja danuika ngkomi mangalapa sala nu yunu ngkomi samba’a pei samba’a.

Pilipi 2:3

Wali ane re’e bara kesaa to danuika ngkomi, ne’e mangika ane ojo rani mampakabae angga ngkomi. Pasi ne’e mangika ane ojo rani tabaro. To tao-tao kita mampobuuka koro ngkita kodi angganya pasi mampobuuka yunu ngkita semo to bae-bae angganya pei kita.