1 Petrus 3:5 - Tuntu i mPue ri Basa Taa

⁵ Wali ewa wetu semo kagaya ntau we’a tempo owi to i Pue Allah Puenya pasi to mansarumaka Ia. Sira mangaluluka songka ndongo nsira samba’a pei samba’a.

Sura Magali Nuntu Ngkatuwu

⁵ Ewanceʼemo poʼengko waʼa mbeʼa ipiamo anu mepoʼinaya ri Pue Ala, mampakadolidi koronya anu tongawa ri pedongenya ri langkai ntau seʼe.

1 Petrus 3:5 Referans Kwoze

1 Timotius 5:5

Pei ane tau balu to taa kojo re’e tau to mampiara ia, tau balu etu jamo mansarumaka kojo i Pue Allah. Pasi ia madota kojo wuri eo makai-kai resi i Pue Allah marapi sawang resi Ia.

1 Timotius 5:10

Pasi tau to napiara ntau i mPue Allah etu, ia tau to ane ri pangkita ntau boros ia madota mangika palaong to matao. Etu semo ia madota mampiara ananya tempo seore, ia madota mampalinggona tau to rata, ia madota mangansawang tau to i Pue Allah Puenya, rapanya mamposo’i yau awu ntana yako ri witi nsira, pasi ia madota seja mangansawang tau to mangarata kasusa. Pasi samparia ngaya mpalaong to matao ia madota mangika. Wali tau balu to ewa wetu lengkonya, tau etu masipato napiara ntau i mPue Allah.

1 Timotius 2:15

Pei to we’a darapalaes seja tempo sira moana ane sira tare pandoonya mangaya i Kerisitu, pasi mamporayang sa’e, pasi mangika palaong to singkonong pei i Pue Allah, pasi ane sira manta’amaka pamporani ndayanya to maja’a.

Palaong mPomakau i mPue Yesu 9:36

Wali tempo etu, nja’u kota Yope re’e samba’a tau we’a ia anaguru i mPue Yesu seja. Tau etu sanganya i Tabita. (Sanganya etu ane ri basa Yunani rato’oka i Dorkas, Dorkas etu batuanginya “lago”.) Wali i Dorkas etu sangkani mangika palaong to matao pasi ia sangkani mangansawang tau to masiasi.

Lukas 2:37

Roo see mate yau rongonya etu, panewa roo see ia tau balu rataka ri temponya ia wayu mpuyu pei opo nto’u. Wali ia jamo maroo-roo ri raya banua i mPue Allah, tamo mampiyaika banua etu. Pasi wuri-eo ia mampue mampakabae i Pue Allah. Pasi ri rayanya ia mampue mampakabae i Pue Allah etu ia mandudu mangorop pasi makai-kai.

Ibrani 11:11

Wali indo nu ana i Abraham, i Sara, mangaya seja i Pue Allah. Pasi apa saba pangayanya etu see naka ia nawaika i mPue Allah karoso see damangkayu’uka pei mampoanaka ana nempo ia tu’a kojomo pasi liumo temponya. Palaong etu mawali apa i Sara mampobuuka ane i Pue Allah to mangika parajanji, Ia damawai kojo, apa Ia masipato rasarumaka.

Palaong mPomakau i mPue Yesu 1:14

Sira to sampuyu pei samba’a etu samba’a-mba’amo pampobuukanya, wali sira siromu damakai-kai. Pasi re’e seja sawei mba’a to we’a to siromu sindara-ndara pei sira. Pasi re’e seja indo i Yesu, etu semo i Maria, pasi re’e wo’u sawei mba’a tua’i i Yesu.

Epesus 5:33

Pei gombo etu mangkonong komi to marongom seja. Wali samparia komi to langkai taa maya taa mamporayang rongo ngkomi samba’a pei samba’a ewa nuika ngkomi mamporayang koromu ngkalio. Pasi to we’a to marongom taa maya taa manga’angga rongonya.

1 Petrus 1:3

Wali anu kita mangabarong i Pue Allah. Ia semo Allah to napue i Yesu Kerisitu, Pue ngkita, pasi Ia Pa’aNya seja. Wali barong Ia apa bae kojo kanotoNya resi kita. Pasi yako kanotoNya etu see naka kita raporapaka ewa rapoanaka wo’u apa Ia mangawaika kita katuwu to bou. Wali palaong to etu mawali apa saba i Pue Allah roomo mangawangu muni i Yesu Kerisitu yako ri kapateNya. Wali see naka kita re’e pansarumakanta to maroso kojo.