1 Petrus 3:4 - Tuntu i mPue ri Basa Taa

⁴ To tao-tao raya ngkomi to taa nakita nsa’e, etu semo pu’u ngkaroro ngkomi. Wali batuanginya, yako ri raya ngkomi etu see naka komi simpalai pasi taa makasar. Apa lengko to ewa wetu tare kapuranya karoronya, pasi bae kojo batuanginya ri pangkita i mPue Allah.

Sura Magali Nuntu Ngkatuwu

⁴ Paikanya mbolimo kadolidi ndayami anu tongawa ri poʼengkomi anu maʼalusu pai maruna; inceʼemo kadolidi anu monco pai moyowe silulu pai pepokono i mPue Ala.

1 Petrus 3:4 Referans Kwoze

Kolose 3:12

Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.

Roma 2:29

Pei tau to monso pu’u i Pue Allah puenya, etu semo tau to rayanya mangalulu kojo Ia pasi to rasui ri rayanya. Batuanginya rasui ri rayanya etu semo i Nosa Mapasing mangantondong rayanya. Wali yako ri palaong i Nosa Mapasing etu, si’a yako ri porenta to ratulis naka pei tau mawali i Pue Allah puenya. Wali tau to ewa wetu, ia si’a nabarong nto lino, pei ia nabarong i mPue Allah.

Matius 11:29

Lulu anu to Aku mampotundeka komi pei powali anagurungKu, apa Aku taa makasar pasi taa bae-bae rayangKu. Wali ane komi ma’i resi Aku, komi damangarata kalindo ndaya.

Titus 3:2

To’oka seja sira taa matao manto’o maja’a sa’e, pasi taa seja matao ane batingka bara makasar magombo resi sa’e. Ika to manoto pasi to matao resi tau samparia.

Matius 23:26

Gete komi to aliran Parisi, komi ewa tau buta! Pakayongongika ruyu anu to raposaka ri raya nsangkir pasi pingga, panewa wotonya pasi bengonya maya rapakayongongika seja.

Roma 7:22

Ane ri rayangku aku masanang kojo mampobuuka porenta i mPue Allah.

2 Korintus 4:16

Wali see naka kami taa mosa raya mami mangika palaong to etu. Apa nempo koro mami si’i kanjo’u-njo’u kayu’u-yu’u, pei raya mami ponto-ponto eo rapakaroso.

1 Tesalonika 4:11

Pasi kami mamporapika seja see komi ne’e marotai katuwu ngkomi, pasi ne’e sangkani rani manganto’oka sa’e ewa wimba daraika palaong to si sira. Pei ika palaong ngkomija samba’a pei samba’a see damangarata anu to danupake ngkomi ewa to kami roomo mampaposiaka komi seore.

Epesus 4:2

Wali lengko to masipato, etu semo ne’e mabae-bae raya ngkomi pasi ne’e seja makasar resi sa’e. Pakabae sabara ngkomi resi sa’e, pasi porayang sa’e naka ne’e majoli masusa resi sira.

1 Petrus 3:15

Pei angga i Pue Allah ri raya ngkomi, pasi pongakung Ia semo Pue ngkomi. Pasi pakaroso ri rayamu damangansono samparia tau to mampotanaka resi komi mangkonong pansarumaka to re’e resi komi. Pei tempo komi mangansono, pakatao kojo raika mangansono gombo ntau pasi ne’e mangei raya ngkomi.

1 Timotius 2:2

Pasi ewa see seja pokai-kaika makole-makole pasi samparia tau to bose pangkanya, see kita datuwu masanang pasi taa marotai. Pasi anu kita mangika lengko to singkonong pei i Pue Allah pasi to masipato na’angga nsa’e.

Lukas 11:40

O komi to madoyo! I Pue Allah to nangika koro ntau, Ia nangika seja raya ntau.

Yakobus 1:21

Wali see naka posaka yau songonya lengko to makarika pasi samparia lengko to maja’a to malagi kojo. Ne’e mabae-bae rayamu pei padongeka tuntu i mPue Allah to raporapaka ewa rapomuya ri raya ngkomi. Apa tuntuNya etu re’e kuasa mampalaes komi.

2 Timotius 2:25

Pasi ane re’e tau to mangewa kita, ne’e kita makasar mampotundeka sira. Anu kita matao raika mampotundeka sira see tuwu-tuwuja i Pue Allah damangawaika sira temponya majea pasi mangansani anu to monso.

2 Tesalonika 3:12

Wali yako kuasa to nawaika i Yesu Kerisitu, Pue ngkita, resi kami, see naka kami mampaposiaka pasi mampatiendoka tau etu. Kami manganto’oka sira ewa si’i, “Ne’e mangarotai raya nsa’e pei pakadota mangika palaong to si komi see danurata pangkoni to danukoni ngkomi.” Wali etu semo paposia mami resi tau etu.

Matius 5:5

Masanang tau to taa mabae-bae rayanya apa lino si’i damawali sira puenya.

Roma 6:6

Wali kita tansani tau to masae ngkita mate yau seja rapaku ri kaju pasape sindara-ndara pei i Kerisitu. Naka pei mate yau tau to masae ngkita etu see dosa to mangkuasang koronta si’i rapakaja’a yau kuasanya. Wali dosa etu tamo re’e kuasanya mamporentang wo’u kita.

Lukas 16:15

Wali i Yesu manganto’oka sira, “Komi semo tau to mangika lengko to singkonong pei i Pue Allah ane ri pangkita ntau boros. Pei i Pue Allah mangansani raya ngkomi kamonsonya taa singkonong pei Ia. Apa anu to napobuuka nto lino bae kojo batuanginya, anu to etu maja’a nakita i mPue Allah.

1 Petrus 1:23

Apa komi raporapaka ewa rapoanaka wo’u apa komi seja roomo rawaika katuwu to bou. Wali pu’u ngkatuwu to bou to nurata ngkomi etu, pu’unya etu taa dapura yau apa pu’unya semo tuntu i mPue Allah anu to tuwu pasi to re’e singkasaenya.

Galatia 5:23

Pasi sira taa makasar resi sa’e pasi nakurang manganta’amaka pamporani ndayanya. Wali lengko to ewa wetu, tare porenta to manganto’o ne’e raika ewa wetu.

2 Korintus 10:1

Wali re’e to yusa to aku rani manganto’oka komi. Apa aku rani kojo mampaposiaka komi si’i-si’i. Ane ewa panto’o ntau, ane aku siwaka pei komi aku meka-meka rayangku, pei ane longko yako resi komi aku makoje rayangku magombo. Ewa see nato’o ntau. Pei si’a ewa see, apa i Kerisitu Ia taa mabae-bae rayanya pasi taa makasar resi sa’e. Wali ewa wimba lengko i ngKerisitu etu, ewa see seja aku damangika mampaposiaka komi apa aku taa seja damakasar resi komi.

Roma 1:23

Wali sira taa mangabarong i Pue Allah anu to tuwu singkasaenya. Sira mangabolosika yau tau-tau to ta’anya ewa to lino to taa tuwu singkasaenya, pasi to ta’anya ewa tonsi, ewa binatang pasi ewa ule.