1 Petrus 2:8 - Tuntu i mPue ri Basa Taa8 Pasi sira mangabanang seja gombo to ratulis yami to manganto’o, “Etu semo watu to nakatisumpul ntau, pasi watu to bae to nakatirombi nsira etu naka pei sira tisiba yau.” Wali etu semo gombo to nabanang ntau to taa mangaya. Sira taa mampalaika tuntu i mPue Allah, see naka sira rato’oka tisumpul. Apa etu semo songka to naika yami i mPue Allah resi sira to taa mangaya. Gade chapit laSura Magali Nuntu Ngkatuwu8 Pai “Inceʼemo watu da katosube ntau, watu da katerompo ntau seʼe!” Tau seʼe tosube ua bareʼe meaya ri nuntu i mPue Ala. Ewanceʼemo anu roo ndapakanoto i mPue Ala kono tau seʼe. Gade chapit la |
Wali ane resi kita to mangaya, watu etu bae kojo batuanginya. Pei ane tau to taa mangaya Ia, sira ewa tau to taa mangampake watu to bae batuanginya etu wali sira mangabanang gombo to ratulis yami ri raya ntuntu i mPue Allah. Gombo etu manganto’o, “Watu to taa napake ntau to mangawangu banua, watu etu nawalimo watu to bae kojo batuanginya.” (Masmur 118:22)
Wali ewa see seja i Pue Allah. Masipato Ia mangika ewa wimba pamporaniNya resi kita to lino apa Ia semo to nampapowali kita. Kamonsonya i Pue Allah rani mangahuku tau to maja’a pasi mampaponsanika tau kuasaNya. Pei nempo ewa wetu pamporaniNya pei Ia tiroo mansabaraka kojo tau maja’a to masipato mangarata huku etu pasi to masipato darapakaja’a yau.
Wali poewaka pangayanta etu apa re’emo bara sawei mba’a tau to bali i mPue Allah to room masua ri oyo ngkomi tempo komi taa mangajagai kojo. Tau etu rani mangawali yau kareba mangkonong kanoto i mPue Allah. Sira manganto’oka tau taa mawei nempo mangika lengko to masipato rapokea apa i Pue Allah manoto. Pasi sira mamposapuka i Yesu Kerisitu, Makole pasi Pue ngkita anu samba’aja etu. Wali huku to danarata ntau etu room ratulis yami ri raya ntuntu i mPue Allah tempo owi.
Wali tau to mampotunde anu to taa monso etu, sira rani kojo sugi. See naka sira damanganto’o gombo to mawuti damangamomis komi see komi damangawaika sira doi. Pei tamo masae sira darahuku. Apa masaemo i Pue Allah, to Pobotus nsira, Ia mangansani sala nsira etu pasi Ia mangansani seja ewa wimba Ia mangangika damangahuku sira. Wali huku to etu tamo masae dakonomo sira.
Roo see i Simeon mampokaika sira mamporapika resi i Pue Allah see Ia mangawaika sira rasi. Panewa ia manganto’oka i Maria, indo nu Ana kodi etu, ia manganto’o, “Lo’aja Ana si’i, Ia napilis i mPue Allah, wali apa saba Ia see naka boros kita to Israel to darapalaes. Pei boros seja to darapakaja’aka yau apa sira bo’onya mampalaika Ia. Wali Ia ewa tondong to mangansuduka tau jaya darata resi i Pue Allah, pei boros tau to bo’onya mangalulu jaya etu, see naka sira damanganto’o maja’a Ia.
Wali a’i-a’i, ane ewa pampobuuka ngkomi, maka pei aku tiroo nasesai nto Yahudi? Ane aku bara mangampotundeka tau manganto’o kita to mangaya tiroowa parluu rasui mangalulu ada nto Yahudi, ane ewa see tare to Yahudi to masusa resi aku. Sira ojo masanang resi aku. Pei sira maja’a kojo rayanya resi aku apa aku mampakarebaka mangkonong kapate i Yesu Kerisitu ri kaju pasape, aku manganto’o kapateNya etu gana kojo. Tamo daradugang wo’u.
Pasi kita mangansani monso pu’u ewa wetu, apa re’e gombo i mPue Allah to ratulis yami ri raya ntuntuNya. Gombo etu ligi mangkonong palaong i Yesu to ewa watu to bae kojo batuanginya, Ia manganto’o, “Lo’a! Aku roomo mangampilis watu to bae batuanginya. Pasi watu etu Kuposaka nda’a kota Sion damawali watu tundasinya to uyunya raposaka. Wali i sema-sema tau to mangaya Ia, tau etu taa damangarata soso ndaya saba yako pangayanya resi Ia etu.” (Yesaya 28:16; Epesus 2:20) Etu semo gombo i mPue Allah to ratulis tempo owi.