1 Petrus 1:6 - Tuntu i mPue ri Basa Taa

⁶ Wali apa saba pansarumakanta etu, see naka komi maya ndende kojo raya ngkomi. Kamonsonya tempo si’i komi bara taa maya taa mangarata soba mpangaya-ngaya to mampakamawo raya ngkomi nempo sangkodija temponya. Pei nempo ewa see, komi tiroo maya ndende raya ngkomi mampobuuka palaong to danaika i mPue Allah etu.

Sura Magali Nuntu Ngkatuwu

⁶ Inceʼe painaka da ndipakawongko rayami, mau ri tempo seʼi da masusa rayami maka komi mampomberataka mpengaya-ngaya pompebutuka.

1 Petrus 1:6 Referans Kwoze

Yakobus 1:2

Wali a’i-a’ingku, ane komi mangarata soba mpangaya-ngaya, to tao-tao komi mampobuuka soba etu ewa palaong to ojo mampakandende kojo raya ngkomi.

1 Petrus 5:10

Pei kasesa to nurata ngkomi etu taa damasae. Panewa roo see i Pue Allah semo damampasilonga komi pasi Ia damampakainti, mampakaroso pasi mampakarodo seja komi. Wali Ia damangika ewa wetu apa samparia anu to manoto i Pue Allah semo pu’unya. Pasi Ia semo to roomo mampokio kita damangarata seja santila yako kayawaNya to singkasaenya. Wali matantu kita damangarata keyawa etu apa kita samba’a pei i Kerisitu Yesu.

Roma 12:12

Anu kita masanang kojo mampobuuka samparia anu to danawaika i mPue Allah kita. Pasi anu kita mampakabae sabaranta ri raya ngkasesa, pasi pakadota makai-kai resi i Pue Allah.

Roma 5:2

Kita mangaya Ia, wali see naka Ia mangika jaya see kita mangarata kanoto i mPue Allah. KanotoNya etu re’emo resi kita si’i-si’i. Wali kita ndende rayanta apa kita mansarumaka kojo kita datuwu sindara-ndara pei i Pue Allah ri raya ngkayawaNya.

Matius 5:12

Apa ewa see seja nawali resi to pantuntu tuntu i mPue Allah tempo owi. Sira seja nasesai ntau. Wali nempo komi rasesai seja, pakasanang. Masipato komi ndende kojo raya ngkomi, apa bae kojo ntanapa to danawaika i mPue Allah komi ndate saruga.”

Yohanes 16:33

Naka pei Aku manganto’oka komi mangkonong samparia to etu see komi damangarata karodo ndaya apa saba komi samba’a pei Aku. Ane ri lino si’i, komi danapakasusa ntau to mangewa i Pue Allah, pei pakasanang raya ngkomi, apa Aku roomo manganangi i Kepala nto pantipu to mangkuasang tau to mampakasusa komi etu. Wali see naka komi maya seja manganangi joa i ngKepala nto pantipu etu.”

Yohanes 16:22

Wali ewa see seja komi. Apa tempo si’i komi mangarata kasusa, pei Aku damangkita wo’u komi tempo Aku mambangu muni yako ri kapatengKu see naka komi dandende kojo raya ngkomi. Pasi kandende ndaya ngkomi etu, tare tau to maya mangoko yau yako resi komi.

Matius 11:28

“Wali samparia komi to manganga pasi to re’e kasusa to mabeu, mai resi Aku, panewa Aku damangawaika komi kalindo ndaya.

Roma 5:11

Pei si’a ojo etu. Kita ndende kojo rayanta mampobuuka i Pue Allah apa saba to naika i Yesu Kerisitu, Pue ngkita. Saba yako to naika i Yesu Kerisitu see naka kita masingkatao pei i Pue Allah.

Palaong mPomakau i mPue Yesu 14:22

Wali samparia lipu to kaliu nsira dua etu, sira mampakaroso raya ntau to anaguru i mPue Yesu. Pasi sira manganto’oka tau etu, “Ne’e kojo pandooka mangalulu i Pue pei pakaroso pangaya ngkomi. Kita damangarata boros kasesa ri tempo si’i. Taa maya kita taa datarata kasesa etu, apa ojo karoonya kita mangarata kasesa panewa kita maya mangarata anu to matao to rawaika resi tau to Makolenya i Pue Allah.” Ewa see gombo nsira dua.

Lukas 10:20

Pei nempo measa mampalaika komi, si’a etu to masipato mawali pu’u ngkandende ndaya ngkomi. Kasimbalinya yako etu, pakandende raya ngkomi apa saba sanga ngkomi roomo ratulis ndate saruga.”

1 Petrus 4:7

Wali samparia anu to mawali ri lino si’i mosumo temponya daroo. Wali see naka to tao-tao komi masilonga pampobuuka ngkomi pasi ta’amaka rayamu see komi makoro makai-kai resi i Pue Allah.

Yakobus 4:9

To tao-tao komi masusa kojo raya ngkomi mampobuuka dosa ngkomi. Pakamawo raya ngkomi pasi tumangi. Pandooka magele pei to tao-tao ane ojo tumangi. Pasi biakamo kandende ndaya ngkomi mawali yau kamawo ndaya.

2 Korintus 4:17

Apa kasusa to kami mangarata taa mabeu ane rapasewajuka pei kayawa to kami damangarata ri tempo to darata. Kayawa etu semo to bae-bae pei kasusa to kami mangarata tempo si’i. Kasusa etu taa masae pei kayawa etu singkasaenya.

Yakobus 1:9

Wali a’i-a’i anu kita mangampake kapande yako resi i Pue Allah etu ri raya ngkatuwu ngkita. Ane komi to masiasi katuwumu ri lino si’i, pake kapande etu mampakasanang rayamu. Naka pei matao masanang rayamu apa komi roomo rapakabae anggamu.

Pilipi 3:3

Wali jagai kojo tau to ewa wetu apa si’a sira to nato’o i mPue Allah tauNya to rasui. Kamonsonya kita to mangaya, kita semo to nato’o i mPue Allah tauNya to rasui, apa kita semo to mampue mampakabae i Pue Allah yako ri pansawang NosaNya. Pasi kita ndende rayanta apa saba palaong to naika i ngKerisitu Yesu resi kita, pasi kita taa mansarumaka palaong to naika nto lino.

2 Korintus 6:10

Wali kami mangarata kasusa, pei tare pandoonya ndende raya mami. Kami masiasi, pei yako palaong mami see naka boros tau to mangarata kasugi to monso. Pasi ane ri pangkita ntau kami tare kesaa to re’e resi kami, pei kamonsonya samparia rasi ndate saruga paka kami puenya. Wali manasa kami to papolaong i mPue Allah semo! Pasi ane manasa kami to papolaong i mPue Allah, ane ewa see manasa seja masipato komi mangaya kareba matao to napakarebaka mami resi komi.

1 Tesalonika 1:6

Wali manasa komi mangaluluka lengko mami etu pasi lengko i mPue, apa nempo bae kasesa to nurata ngkomi apa saba mangaya kareba to napakareba mami resi komi etu, pei komi tiroo ndende raya ngkomi mangaya kareba etu. Naka pei ndende raya ngkomi apa saba kandende ndaya to nawaika i Nosa Mapasing komi.

Pilipi 4:4

Wali ne’e pura yau kandende ndaya ngkomi apa saba komi seja samba’a pei i Pue. Pasi kuto’oka wo’u komi pakandende raya!

Galatia 5:22

Pei lengko to naika ntau to mangalulu pamporani i Nosa Mapasing, lengko etu raporapaka ewa wua ngkaju to matao. Wali lengko etu semo sira mamporayang sa’e, ndende rayanya pasi rodo rayanya. Sira bae sabaranya, matao resi sa’e, manoto resi sa’e pasi masipato rasarumaka.

Pilipi 2:26

Apa ia mawongko kojo rayanya resi komi samparia, pasi ia moru rayanya apa komi re’e mangandonge kareba to manganto’o ia masaki seore.

Lukas 2:10

Pei pomakau i mPue etu manganto’oka sira, “Ne’e meka! Apa aku rata mangangkenika komi kareba matao to damampakandende raya ntau samparia.

Lukas 1:47

pasi ndende kojo toniingku apa saba i Pue Allah, to pansompongku.

Matius 26:37

Roo see Ia yau, pei tempo Ia yau etu Ia mangansale i Petrus pasi dua mba’a ana i nSebedeus yau mangalulu Ia. Roo see i Yesu mawali mawo pasi masusa kojo seja rayaNya.

1 Petrus 3:17

Wali jagai lengko ngkomi. Apa ane pamporani i mPue Allah komi mangarata kasesa, to tao-tao komi mangarata kasesa etu apa saba mangika palaong to matao sakowa mangarata kasesa apa saba mangika palaong to maja’a.