1 Petrus 1:4 - Tuntu i mPue ri Basa Taa

⁴ Pasi apa saba kita re’e katuwu to bou etu, see naka re’e tila to naparajanjika i mPue Allah kita to anaNya damangantima. Tilanta etu taa maya rapakaja’aka yau pasi taa daboo yau pasi taa seja dapaya yau kayawanya. Wali tilanta etu nakalisoka i mPue Allah kita ndate saruga.

Sura Magali Nuntu Ngkatuwu

⁴ Kita mampomata-mata da mampotumpu waʼa mpopadonco anu ndapatoka i mPue Ala tila waʼa ntaua, inceʼemo waʼa mpopadonco anu ndapatoka ri suruga, painaka bareʼe da majaʼa, bara da magero bara tebalisaka.

1 Petrus 1:4 Referans Kwoze

Pangkita 21:27

Pei ri kota etu tare anu to makarika to maya masua ri rayanya. Pasi tau to mangika palaong to maja’a bara tau to mawuti, tau etu taa seja maya masua ri raya ngkota etu. Ojo tau to re’e sanganya ratulis ri raya buku ngkatuwu to Ana nu Domba puenya, ojo patanya tau etu sira maya masua njo’u raya ngkota etu.

Ibrani 9:15

Wali tempo to lino tiroowa ri ara mporenta to uyunya, tempo etu sira re’e mangika dosa. See naka i Kerisitu mate mangansompo dosa etu see to lino maya ralapa yako ri huku nu dosa etu. Wali Ia semo to mampasilonga kita resi i Pue Allah. Pasi Ia mangabanang parajanji to bou see i sema tau to napokio i mPue Allah mawali tauNya, tau etu damangarata rasi to singkasaenya to naparajanjika i mPue Allah.

1 Petrus 5:4

Apa ane komi mangika ewa wetu, ane ratamo temponya danakama’i nto Pangkampang to bae kojo anggaNya, tempo etu komi damangarata kayawa to taa dapaya yau, to raporapaka ewa dale to meyawa kojo to narata ntau to manang.

2 Timotius 4:8

Wali si’i-si’i re’e dalengku to mangampeas aku ndate saruga. Dale etu raporapaka ewa so’o mbo’o to meyawa to darawaika tau to singkonong pei i Pue Allah. Wali dale to etu danawaika i mPue aku ri temponya darapangabotus. I Pue Ia to pobotus to sangkani mangika ewa to Ia room manganto’o, pasi Ia semo to damangawaika aku dale etu. Pei si’a ojo aku to damangarata dale etu, samparia tau to mawongko rayanya mangampeas kama’i i mPue paka damangarata seja dale etu.

Kolose 1:5

Wali naka pei komi mangaya pasi mamporayang ewa wetu, apa saba anu to nusarumaka ngkomi to rapasigenaka komi ndate saruga. Anu to rapasigenaka komi etu rapakanasaka seja resi komi seore tempo tau mampakarebaka komi anu to monso, etu semo kareba matao.

Matius 25:34

“Yako etu Aku, i Makole, damanganto’oka tau to re’e ri sambalingKu tondo ngkana, Aku damanganto’o, ‘Maimo. Komi semo tau to Makolemu i Pue Allah. Wali mai apa danawaika mPa’angKu rasi. Apa rasi to rawaika resi komi etu, rasi etu rapasigenaka yami komi yako ri temponya lino si’i rapapowali, pasi maya raporapaka ewa panta to nawaika mpa’a resi ananya.

Epesus 1:18

Ewa wetu pokai-kaingku see i Pue Allah damampakanasaka ri raya ngkomi see komi nukurang mangansani anu to nasarumaka ngkita kita damangarata apa saba Ia room mampokio kita. Pasi aku mamporapika see komi mangansani tila to danarata ntau to i Pue Allah Puenya, tilanya etu bae kojo kayawanya.

Epesus 1:14

Pasi i Nosa Mapasing maroo ri raya ngkita samparia to mangaya. I Nosa Mapasing etu nawaika ruyu i mPue Allah kita damawali tondong to mampakanasaka resi kita matantu kojo kita damangarata seja samparia to yusa to naparajanjika i mPue Allah tau to Ia Puenya. Wali i Nosa Mapasing damampakatantuka kita mangkonong anu to danawaika i mPue Allah kita etu rataka ri temponya kita, to naoli i mPue Allah mawali Ia Puenya, daralapa yako ri lino si’i. Wali samparia palaong to naika i mPue Allah etu Ia mangika see kita mangabarong kayawaNya.

Epesus 1:11

Wali samparia palaong to mawali, paka yako songka i mPue Allah naka pei mawali, mangalulu ewa wimba pamporani to si Ia. Pasi yako songka i mPue Allah to Ia mangansongka yami mangkonong kita, see naka Ia mangampilis kita mawali tau to Ia puenya apa saba kita samba’a pei i Kerisitu.

Roma 8:17

Pasi ane kita anaNya, kita seja damangarata tila to danawaika i mPue Allah anaNya. Wali kita damangarata tila etu sindara-ndara pei i Kerisitu. Apa ane kita mangarata kasesa ri lino si’i to ewa kasesa to narata i ngKerisitu, ane ewa see kita damangarata seja kayawa sewaju pei Ia.

Palaong mPomakau i mPue Yesu 26:18

Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.

Palaong mPomakau i mPue Yesu 20:32

Wali a’i-a’i, si’i-si’i aku makai-kai mansarumakaka komi resi i Pue Allah see Ia semo damangangkampang. Pasi aku mampokaika komi see komi damangkongko kojo kareba mangkonong kanoto i mPue Allah. Apa Ia nakurang mampakaroso raya ngkomi pasi mangawaika komi tila to room napakatantuka i mPue samparia tau to Ia puenya.

Yakobus 1:11

Apa tempo eo owo lanto ane malanganimo mapoi kojo, tempo etu kaya mawali malau yau pasi sesenya maranta yau, wali kagayanya roomo maja’a yau. Pasi ewa see seja tau sugi, apa ri rayanya ia mampasilonga kasuginya, kodi majoli ia damate yau.

Kolose 1:12

Pasi kami mamporapika resi i Pue Allah, Pa’a ngkita, see komi damanganto'oka Ia tarima matao apa Ia mangika see komi masipato mangarata seja anu to Ia damangawaika tau to maroo ri raya ngkareme, etu semo samparia tau to Ia Puenya.

Galatia 3:18

Apa ane yako mangalulu porenta i Musa semo naka pei kita mangarata tila to napakatantuka i mPue Allah kita, ane ewa see tamore batuanginya parajanji i mPue Allah. Pei si’a ewa wetu. Rapanya ewa to mawali resi i Abraham tempo owi. I Pue Allah buya rayaNya mangawaika i Abraham tila to Ia room mampakatantuka ia. Naka pei buya rayaNya mangawaika ia, saba mangabanang parajanjiNya, si’a apa i Abraham mampalaika Ia. Wali manasa resi kita, naka pei kita mangarata tilanta etu saba yako parajanji i mPue Allah semo.

1 Korintus 9:25

Wali ane tau to damatilumba etu, sira madota kojo maripo-ripo yami pasi manta’amaka samparia pamporani ndaya to damangantalas sira naka pei taa magasi pariponya. Naka pei sira mangangika palaong etu apa sira rani mangarata dale, etu semo so’o mbo’o to magaya to raika yako ira ngkaju to rawaika resi tau to manang. So’o mbo’o etu taa masae damaja’a. Pei kita manta’amaka pamporani ndaya ngkita pasi mangaluluka songka i mPue Allah, see damangarata dale to tare kapuranya.

1 Petrus 3:9

Ne’e mamponsawak ane re’e tau to mangika maja’a resi komi. Pasi ne’e seja mampoja’a tau to re’e mampoja’a komi. Kasimbalinya yako etu, matao ane komi makai-kai mamporapika resi i Pue Allah see Ia mangawaika tau to mampoja’a komi etu rasi. Wali ane komi mangika ewa wetu, komi danawaika seja i mPue Allah rasi, apa etu semo naka pei komi napokio i mPue Allah, see komi maya damangarata seja rasi to Ia damangawaika kita to anaNya.

Markus 10:17

Wali ojo karoonya i Yesu mampogomboka ngana mayunu etu, Ia polas yako nja’u ria. Pei tempo Ia polas etu re’e samba’a tau maripo mampago Ia. Rata resi i Yesu ia mambokotu ri tangoNya manga’angga Ia. Pasi ia manganto’oka i Yesu, “Pa’a Guru, Komi to matao, bara kesaa palaong to dakuika see aku damangarata katuwu to singkasaenya?”

Kolose 3:24

Apa komi mangansani i Pue Allah semo damangawaika komi ntanapa, wali komi damangarata seja anu to Ia roomo mamparajanjika tauNya. Apa kamonsonya i Pue Kerisitu semo Pue ngkomi, wali komi mangika palaong to si Ia.

Ibrani 10:34

Raya ngkomi bae pamporayang ngkomi mampobuuka yunu ngkomi to ratarungku apa saba sira mangalulu i Pue Yesu. Pasi tempo ngaya-ngaya ngkomi naoko yau ntau, komi ojo mangabiaka pasi ndende raya ngkomi. Naka pei ndende raya ngkomi apa komi mangansani anu to komi puenya to ndate saruga, anu to etu to tao-tao pei ngaya-ngaya to ri lino si’i, pasi anu to ndate saruga etu tare kapuranya.