1 Petrus 1:3 - Tuntu i mPue ri Basa Taa

³ Wali anu kita mangabarong i Pue Allah. Ia semo Allah to napue i Yesu Kerisitu, Pue ngkita, pasi Ia Pa’aNya seja. Wali barong Ia apa bae kojo kanotoNya resi kita. Pasi yako kanotoNya etu see naka kita raporapaka ewa rapoanaka wo’u apa Ia mangawaika kita katuwu to bou. Wali palaong to etu mawali apa saba i Pue Allah roomo mangawangu muni i Yesu Kerisitu yako ri kapateNya. Wali see naka kita re’e pansarumakanta to maroso kojo.

Sura Magali Nuntu Ngkatuwu

³ Maʼimo kita mangaunde i Pue Ala, Papa mPueta i Yesu Kerisitu! Ua maʼai kojo ndapampomawo kita painaka ndawaika kita katuwu anu dawoʼu, inceʼe mampoliu pampatuwu muni i Yesu Kerisitu ungka ri kapate. Inceʼe anu mawai ri kita pampomata – mata anu tuwu.

1 Petrus 1:3 Referans Kwoze

1 Petrus 1:23

Apa komi raporapaka ewa rapoanaka wo’u apa komi seja roomo rawaika katuwu to bou. Wali pu’u ngkatuwu to bou to nurata ngkomi etu, pu’unya etu taa dapura yau apa pu’unya semo tuntu i mPue Allah anu to tuwu pasi to re’e singkasaenya.

1 Yohanes 5:4

Wali kamonsonya boros anu to maja’a ri lino si’i to rani mangantalas kita see kita taa mampalaika i Pue Allah. Pei ne’e mangkalingan, kita ngana i mPue Allah. Kita tau to mangaya i Yesu Ia Ana i mPue Allah! Wali apa saba pangayanta etu, see naka kita re’e kuasa manganangi anu to maja’a to re’e ri lino etu. See naka kita tiroowa maya mampolaika i Pue Allah. Wali matao kita mampalaika porenta i mPue Allah see mampakanasa pamporayanginta resi Ia pasi resi yununta to nganaNya.

Roma 15:13

Wali aku makai-kai resi i Pue Allah anu mangawaika kita pansarumakanta. Aku mamporapika resi Ia see Ia damangawaika komi kasanang pasi karodo ndaya to bae kojo apa saba komi mangaya Ia. Pasi aku makai-kai see kanjo’u-njo’u tidugang wo’u pansarumaka ngkomi naika ngkuasa i Nosa Mapasing. Mangkonong Palaong to Nawaika i mPue Allah i Paulus

Epesus 1:7

Apa AnaNya, i Yesu Kerisitu, roomo mangoli yau kita see kita tamo damangarata huku nu dosa. Pasi raaNya tempo Ia mate ri kaju pasape, raaNya etu semo to Ia mangampake mangoli yau kita. Wali see naka dosa ngkita tamo nakitanaka i mPue Allah. Wali yako palaong etu miyala bae kojo kanoto i mPue Allah resi kita.

2 Korintus 1:3

Wali anu kita mangabarong i Pue Allah, Pa’a mPue ngkita, i Yesu Kerisitu. Ia semo Pa’a to sangkani mamporayang kita, pasi Ia semo i Allah to sangkani mampakaroso rayanta.

1 Yohanes 3:3

Wali i sema-sema tau to masanang mangampeas temponya ia damawali ewa i Kerisitu etu, tau etu mangajagai lengko ngkatuwunya see pasiwa tempo ia maroo ri lino si’i ia mapasing seja ewa i Kerisitu mapasing.

Roma 12:12

Anu kita masanang kojo mampobuuka samparia anu to danawaika i mPue Allah kita. Pasi anu kita mampakabae sabaranta ri raya ngkasesa, pasi pakadota makai-kai resi i Pue Allah.

1 Yohanes 2:29

Wali kita mangansani i Kerisitu Ia sangkani mangika lengko to singkonong pei i Pue Allah. See naka kita mangansani seja i sema-sema tau to mangika lengko to singkonong pei i Pue Allah, tau etu ana i mPue Allah. Wali anu kita maroo masingkatao pei Ia.

Epesus 1:3

Wali anu kita mangabarong i Pue Allah, etu semo Allah pasi Pa’a i Yesu Kerisitu, Pue ngkita. Apa Ia mangawaika tonii ngkita rasi. Ia mangawaika kita songonya samparia ngaya nu rasi yako ri raya nsaruga, saba kamonsonya kita tau nsaruga apa kita samba’a pei i Kerisitu.

Epesus 3:20

Wali bae kojo kuasa i mPue Allah to mapalaong ri raya ngkatuwu ngkita. Yako ri kuasaNya etu Ia nakurang mangika mayabi yako samparia anu to kita mampobuuka, taa manto’o to kita mamporapika resi Ia. Tare to Ia taa nakurang mangika.

Epesus 1:17

Aku makai-kai resi Pa’a ngkita anu masipato rabarong apa saba kuasaNya pasi kayawaNya, etu semo Allah i Yesu Kerisitu, Pue ngkita. Wali aku mamporapika resi Ia see yako kuasa i Nosa Mapasing Ia mangawaika komi kapande pasi mampakanasaka komi mangkonong Ia see komi mangansani kojo Ia.

1 Petrus 3:21

Wali sira rapalaes yako ri samal ue apa sira masua ri bangka etu. Wali palaong etu mawali tondong resi kita, apa kita seja rapalaes yako ri kapate to singkasaenya saba pangaya ngkita resi i Kerisitu. Apa kita mangaya i Kerisitu rawangu muni yako ri kapateNya, see naka kita rapalaes seja yako kapate to singkasaenya. Wali tempo kita rabaptis si’a mamposo’i yau anu to makarika to re’e ri koro ngkita. Si’a! Naka pei kita rabaptis see mampaponsanika resi sa’e manasa kojo resi kita dosa ngkita roomo ralapa apa i Yesu nambangu munimo yako ri kapateNya.

1 Timotius 1:14

Palaongingku etu maja’a, pei kanoto i mPuenta bae kojo resi aku, pasi bae seja pangaya pasi pamporayang to nawaika i ngKerisitu Yesu aku.

Epesus 2:4

Pei i Pue Allah bae kojo kanotoNya resi kita pasi Ia mamporayang kojo kita.

Yakobus 1:18

Pasi yako pamporani to si Ia see naka Ia mampapowali kita mawali anaNya. Ia mangika palaong etu mangampake kareba to monso. Naka pei i Pue Allah nampapowali kita mawali anaNya see kita semo mawali to bae-bae angganya pei samparia anu to Ia nampapowali. Apa kita raporapaka ewa pae to uyunya rapota to rapampueka resi i Pue Allah, to mawali Ia Puenya. Wali matao kojo sora i mPue Allah resi kita etu.

Titus 2:13

Wali anu kita mangika palaong to etu ri tempo si’i, tempo kita masanang mangampeas eonya to kita mampobuu-buuka etu. Etu semo kama’i i Yesu Kerisitu. Ia Allah anu makuasa pasi to Pansompo ngkita. Tempo Ia dama’i etu miyala kojo kayawaNya.

1 Korintus 15:20

Pei monso pu’u i Kerisitu rawangu muni yako ri kapateNya. Ia raporapaka ewa so’o mpae to uyunya rapota apa Ia semo to uyunya rawangu muni see tamo damate wo’u. Wali see naka samparia tau to mangaya Ia to namate yau, to raporapaka ewa tau to yore, tau etu darawangu muni seja sewaju pei Ia.

1 Korintus 13:13

Wali si’i-si’i togo ngaya lengko to taa dapura yau. Etu semo pangaya pasi pansarumaka pasi pamporayang. Pei lengko to togo etu, to bae kojo batuanginya, etu semo pamporayang.

1 Yohanes 3:9

Wali i sema-sema tau to nawaika i mPue Allah katuwu to bou, pasi to maroo masingkatao pei Ia, tau etu taa mangika dosa. Apa tau to maroo masingkatao pei Pa’anya, to pu’u ngkatuwu to bou etu, tau etu taa mangika dosa.

1 Petrus 2:2

Apa komi roomo mangepe pasi mangansani i Pue Ia manoto kojo resi kita. Wali aku mamporapaka komi ewa ana kodi to owo rapoanaka. Pasi aku mamporapaka tuntu i mPue Allah ewa ue nsusu to monso. Wali ewa wimba naika nu ana kodi to owo rapoanaka etu sangkani rani mansusu, to tao-tao ewa wetu seja danuika ngkomi sangkani rani mampodongeka tuntu i mPue Allah. Apa ane ewa see, kanjo’u-njo’u karoso-roso pangaya ngkomi, wali ewa see lengko ntau to roomo rapalaes.

1 Tesalonika 1:3

Naka pei kami manganto’oka i Pue Allah, Pa’a ngkita, tarima matao, apa tempo kami makai-kai resi Ia kami sangkani mampobuuka lengko to nuika ngkomi mangampolengkoka pangaya ngkomi. Pasi kami mampobuuka palaong to nuika ngkomi apa saba komi mamporayang i Pue. Pasi kami mampobuuka seja kasabara ngkomi ri raya ngkasusa. Komi bae sabara apa mansarumaka i Yesu Kerisitu, Pue ngkita.

Kolose 1:27

Pasiwa tau to si’a to Yahudi, mangansani seja songka i mPue Allah etu. Songka etu meyawa kojo ewa kasugi to bae kojo batuanginya. Pasi songka etu mangkonong komi to si'a to Yahudi. Wali songka etu semo i Kerisitu re'e ri raya ngkita, wali kita damangarata santila kayawa i mPue Allah.

Roma 8:24

Wali tempo si’i kita roomo rapalaes, pei kita tawa mangarata samparia anu to danawaika i mPue Allah kita. Tempo si’i kita owo mangansarumaka damangarata. Wali ane kita owo mansarumaka damangarata, batuanginya kita tawa mangarata, apa tare tau to mansarumaka damangarata anu to re’emo resi ia.

Roma 8:11

Tempo owi i Pue Allah nangawangu muni i Yesu yako ri kapateNya. Ia mangika palaong etu yako ri kuasa i Nosa Mapasing, pasi i Nosa Mapasing etu semo to maroo ri raya ngkita. Wali nempo damate yau koro ngkita, i Pue Allah damangawangu muni seja kita yako ri kapatenta yako ri kuasa i Nosa Mapasing to maroo ri raya ngkita etu.

Yohanes 1:13

Wali tau to mawali ana i mPue Allah etu, sira mawali anaNya si’a ewa pangampoana nto lino. Apa tau tempo rapoanaka ri lino, sira rapoanaka yako pamporani ndaya ntau tu’anya pasi yako songka mpa’anya. Pei tau mawali ana i mPue Allah yako kuasa i mPue Allah semo.

1 Yohanes 5:18

Wali kita tansani i sema-sema tau to nawaika i mPue Allah katuwu to bou pasi to maroo masingkatao pei Ia, tau etu taa mangika dosa. Pasi tau etu, katuwunya nararamaka kojo i Yesu, Ana i mPue Allah, see naka tare to maya danaika i ngKepala nto pantipu resi ia.

1 Yohanes 5:1

Wali bara sema tau to mangaya i Yesu Ia semo Kerisitu, Makole Parajanji i mPue Allah, tau etu roomo mawali ana i mPue Allah. Wali ane tau to roomo mawali ana i mPue Allah, tau etu mamporayang i Pue Allah, Pa'a. Pasi ane ia mamporayang i Pue Allah, matantu ia damamporayang seja yununya to ngana i mPue Allah.

Kolose 1:23

Ewa wetu damawali resi komi ane komi tare pandoonya mangaya i Pue see raya ngkomi mawali maroso pasi rodo. Pasi ne'e bata-bata raya ngkomi mansarumaka anu to nato'o ngkareba matao to nudonge ngkomi seore. Masipato komi mansarumaka kareba matao, apa kareba matao etu, etu semo kareba matao to roomo rapakarebaka resi samparia tau ri sambawo lino. Pasi naka pei aku mawali to papolaong see damampakarebaka kareba matao etu. Wali masipato kojo komi mansarumaka kareba etu.

Roma 5:10

Pasi matantu tempo ruyu kita bali i mPue Allah, pei apa saba kapate nu AnaNya see naka kita rawali see maya masingkatao pei Ia. Wali ane kita roomo masingkatao pei i Pue Allah, wali matantu wo’u saba yako katuwu nu AnaNya see naka kita darapalaes see tamo danahuku i mPue Allah.

Roma 4:25

I Yesu etu naposora yau i mPue Allah mangkapateka dosa ngkita, panewa roo see Ia nawangu muni i mPue Allah see kita to mangaya maya rato’o tare dosanta.

1 Yohanes 4:7

Wali ngana-ngana to kuporayang, anu kita masiporayang, apa pamporayang pu’unya i Pue Allah semo. Wali samparia tau to mamporayang sa'e, tau etu ana i mPue Allah. Pasi sira mangansani kojo i Pue Allah, apa i Pue Allah semo pu’u mpamporayang.

1 Tesalonika 4:13

Wali a’i-a’i, kami rani komi manasa kojo mangkonong palaong to mawali resi tau to mangaya to namatemo, to raporapaka ewa tau to yore. Naka pei kami rani komi manasa see kamawo ndaya ngkomi taa dasewaju pei kamawo ndaya ntau to tare pansarumakanya.

Galatia 6:16

Wali aku mampokaikaika samparia tau to mangaluluka porenta to kupotundeka ri raya nsura si’i. Pasi aku mampokaikaika seja to Yahudi to i Pue Allah Puenya. Aku mamporapika resi i Pue Allah see Ia mangawaika samparia tau etu karodo ndaya pasi mampaponsanika sira pamporayangiNya.

2 Tesalonika 2:16

Wali kami makai-kai resi i Yesu Kerisitu, Pue ngkita, pasi resi i Pue Allah, Pa’a ngkita. Ia mamporayang kita pasi yako kanotoNya Ia roomo mangawaika kita karoso ndaya to singkasaenya pasi Ia mangawaika seja kita pansarumaka to matao.

1 Petrus 1:13

Wali apa saba kanoto i mPue Allah, see naka pasaka yau samparia pampobuuka to mangarotai pansarumaka ngkomi, pei ta’amaka raya ngkomi. Pasi kongko kojo pansarumakamu resi kanoto i mPue Allah to etu. Ne’e mansarumaka anu to yusa. Apa tempo i Yesu Kerisitu darapapokitaka resi to lino, tempo etu komi damanasa wo’u mangkonong kanoto i mPue Allah.

1 Petrus 1:21

Pasi apa saba i Kerisitu, see naka komi mangaya seja i Pue Allah. Apa i Pue Allah semo to nangawangu muni Ia yako ri kapateNya pasi to nangawaika Ia kayawaNya. Wali see naka ojo i Pue Allah semo to nuaya ngkomi pasi to nusarumaka ngkomi. Pasi see naka masipato komi mangika lengko ngkatuwu to tare dosanya sewaju ewa i Pue Allah, Pa’a ngkomi to nusarumaka ngkomi, Ia tare dosaNya.

1 Petrus 3:5

Wali ewa wetu semo kagaya ntau we’a tempo owi to i Pue Allah Puenya pasi to mansarumaka Ia. Sira mangaluluka songka ndongo nsira samba’a pei samba’a.

1 Petrus 3:15

Pei angga i Pue Allah ri raya ngkomi, pasi pongakung Ia semo Pue ngkomi. Pasi pakaroso ri rayamu damangansono samparia tau to mampotanaka resi komi mangkonong pansarumaka to re’e resi komi. Pei tempo komi mangansono, pakatao kojo raika mangansono gombo ntau pasi ne’e mangei raya ngkomi.