1 Petrus 1:2 - Tuntu i mPue ri Basa Taa

² Wali aku mangantulisika komi to napilis seja i mPue Allah, Pa’a. Komi napilis i mPue Allah singkonong pei songka to Ia nangika yami tempo owi. Wali yako palaong i Nosa Mapasing see naka komi mawali seja i Pue Allah puenya. Naka pei Ia mangampilis komi see komi maya mampolaika i Yesu Kerisitu, pasi see komi maya rapakayongongika raya ngkomi apa saba raa i Yesu Kerisitu tempo Ia mangkapateka kita. Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya pasi mangawaika komi karodo ndaya.

1 Petrus 1:2 Referans Kwoze

2 Tesalonika 2:13

Pei a’i-a’i anu naporayang i mPue, masipato kami sangkani manganto’oka i Pue Allah tarima matao apa saba komi. Apa yako ri pamulanya i Pue Allah mangampilis yami komi darapalaes yako ri huku to danarata ntau ri tempo etu. Pasi kareba matao to kami mampakarebaka resi komi seore, etu semo jaya to napake i mPue Allah mampokio komi. Roo see, apa saba komi mangaya anu to monso, i Pue Allah mampalaes komi mangampake kuasa i Nosa Mapasing to mangawali komi see komi mawali i Pue Allah Puenya. Naka pei i Pue Allah mangika samparia palaong to etu apa Ia rani komi mangarata seja kayawa to re’e resi i Yesu Kerisitu, Pue ngkita. Wali masipato kojo kita manganto’oka Ia tarima matao.

1 Petrus 1:22

Wali si’i-si’i Nosa i mPue Allah mangansawang komi mangampolaika anu to monso, see naka katuwu ngkomi roomo rapakayongongika. Wali etu semo sabanya naka pei komi nukoto mamporayang pua’i ngkita to samba’a pangaya ri kamonso-monsonya. Wali to tao-tao komi masiporayang kojo yako ri kabuya ndaya ngkomi.

Ibrani 12:24

Wali kita roomo seja simparata pei i Yesu, to mamponsaruka kita pasi to mampasilonga parajanji to bou. Pasi kita roomo mampotango raa to rapedasaka ndate saruga, raa etu mampakanasa mangkonong ewa wimba kita ralapa yako ri dosa. Wali kareba etu to tao-tao pei anu to napakanasa nu raa i Habel tempo owi, apa to etu mampakanasa tau rahuku.

Roma 11:2

I Pue Allah Ia tare mangantaji yau tau to Ia mangansani pasi mamporayang yami yako pamulanya. Wimba, komi bara taa mangansani sarita i Elia to ratulis ri raya ntuntu i mPue Allah tempo owi? Tempo etu i Elia makai-kai resi i Pue Allah magagangika Ia sala ntau Israel. Ia manganto’o,

2 Petrus 1:2

Wali aku makai-kai resi i Pue Allah see kanjo’u-njo’u tiduga-dugang Ia mampaponsanika komi kanotoNya. Pasi aku makai-kai see Ia mangawaika komi karodo ndaya apa saba komi masinsani pei Ia, pasi masinsani seja pei i Yesu, Pue ngkita.

Palaong mPomakau i mPue Yesu 2:23

Wali i Yesu etu Ia roomo raposora yau resi komi, pasi tempo Ia raposora yau etu komi mampopate yau Ia apa komi mangawaika tau maja’a mampaku Ia ri kaju pasape. Pei i Pue Allah nansani yami palaong etu damawali, apa palaong etu mangalulu songka to si Ia.

Roma 16:26

Pei tempo si’i songkaNya etu room rapaponsanika pasi rapakarebaka resi tau samparia bansa yako tuntu i mPue Allah to natulis nto pantuntu tuntuNya tempo owi. Palaong etu mawali apa etu semo porenta i mPue Allah anu to tuwu singkasaenya, see samparia bansa tau damangaya pasi mampolaika Ia.

2 Timotius 2:10

Wali see naka aku buya rayangku mansabaraka samparia kasesa to aku mangarata see maya mangansawang samparia tau to mangaya, tau to napilis i mPue Allah darapalaes yako ri kuasa nu dosa apa saba sira mawali samba’a pei i Kerisitu Yesu. Pasi sira maya mangarata katuwu to bae kayawanya rataka ri singkasaenya.

1 Korintus 6:11

Wali seore re’e sangga’a komi to ewa wetu lengko ngkomi. Pei raya ngkomi room napakayongo i mPue Allah yako ri dosa. Pasi Ia room mangika komi mawali Ia Puenya pasi Ia room manganto’o tare dosa ngkomi. Naka pei Ia mangika palaong etu apa saba palaong to roomo naika i mPue Yesu Kerisitu pasi to roomo naika i Nosa Mapasing resi komi.

Markus 13:27

Tempo etu Aku damampokau pomakaungKu yako ndate saruga yau damampasiromunaka tau to Aku room mampilis. Sira damampasiromunaka tau etu yako ponto lipu ri sambawo lino. Bara imba-imbare lipu ntau to Kupilis etu, yako nja’u ria sira darapasiromunaka.”

Markus 13:20

Pei nempo mapari kojo kasesa etu, pei i Pue Allah damamporayang tau to Ia roomo mangampilis. See naka Ia damanganto’o, ‘Aku taa damangabiaka tau etu masae kojo mangarata kasesa. Wali Aku damampakapodo tempo ngkasesa etu.’ Wali etu semo to danaika i mPue Allah. Apa ane Ia taa mangika ewa wetu, tare to lino to darapalaes yako ri kasesa etu. Wali i Pue Allah mampakapodo tempo ngkasesa etu apa Ia mamporayang tau to Ia room mangampilis.

Ibrani 10:22

See naka anu kita mangampago i Pue Allah ri kabuya ndayanta. Apa kita mangansarumaka kojo i Pue Allah damangantima kita. Pasi raya ngkita raporapaka ewa roomo napedasaka i ngKerisitu raaNya to mampakayongo see rayanta tamo mangepe sala ri tango i mPue Allah. Pasi koro ngkita raporapaka ewa rariuka ue to mayongo.

Roma 16:19

Pei ane mangkonong komi, aku masanang kojo rayangku, apa nansani ntau boros komi mampalaika kojo i Pue. Pei tiroowa re’e pamporaningku resi komi. Etu semo, ane mangkonong anu to matao, aku rani see komi mawali pande kojo mangaluluka. Pei ane anu to maja’a, ne’e komi mawali pande mangaluluka. Etu semo pamporaningku.

Roma 8:33

Wali i sema to maya manganto’o kita to napilis i mPue Allah sala? Kamonsonya tare to maya apa i Pue Allah semo to manganto’o kita tare dosanta.

Lukas 18:7

Wali ane to pobotus to maja’a etu pei mangansawang tau, taa manto’o i Pue Allah. Ia mansaka damangansawang tau to Ia roomo mangampilis to wuri eo makai-kai marapi sawang resi Ia. Ia taa damangampeas mampasimbalika sira.

Matius 24:24

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Matius 24:22

Pei nempo mapari kojo kasesa etu, pei i Pue Allah damamporayang tau, see naka Ia damanganto’o, ‘Aku taa damangabiaka tau etu masae kojo mangarata kasesa. Wali Aku damampakapodo tempo ngkasesa etu.’ Wali etu semo to danaika i mPue Allah. Apa ane Ia taa mangika ewa wetu, tare to lino to darapalaes yako ri kasesa etu. Wali i Pue Allah mampakapodo tempo ngkasesa etu apa Ia mamporayang tau to Ia roomo mangampilis.

1 Petrus 2:9

Pei kita tau to roomo napilis i mPue Allah damawali tauNya. Pasi kita semo to pampue to mangika palaong Makole ngkita. Pasi kita semo bansa to i Pue Allah Puenya pasi to tare yusa puenya. Naka pei kita napilis i mPue Allah, see kita damampakarebaka resi sa’e palaong to inikaNya to masipato rabarong. Apa Ia semo to nampokio kita damasuwu yako ri kawuri pei masua wo’u ri raya ngkaremeNya to bae kojo kayawanya.

Ibrani 11:28

Pasi yako pangayanya, see naka ia mangika Roa Paskah pasi manganto’oka to Israel mampedasaka raa ri wombo banua nsira. Ia mangika ewa wetu see pomakau i mPue Allah to mampopate yau ana to tu’angi ntau, taa damampopate yau seja ana to tu’angi nto Israel.

Roma 15:16

Ia nangampilis aku mawali to papolaong i ngKerisitu Yesu. Wali aku napokau i ngKerisitu yau resi tau to si’a to Yahudi. Pasi palaongingku etu maya raporapaka ewa palaong nto pampue, apa aku mampakarebaka kareba matao to yako resi i Pue Allah. Aku mampakarebaka tau to si’a to Yahudi kareba matao see sira damangaya seja i Pue Yesu. Pasi sira to mangaya mawali ewa pampue to napampueka nto pampue etu resi i Pue Allah. Wali i Pue Allah maya mangantima sira apa sira mawali Ia Puenya naika mpalaong i Nosa Mapasing.

Roma 8:13

Apa ane kita sangkani mangaluluka pampobuuka ngkita to masae etu, kita matantu damangarata kapate. Pei ane kita mangampake kuasa i Nosa Mapasing mangampobuuka kita ewa tau to matem to roomo raga’a yako ri lengko ngkoronya to maja’a, ane ewa see pampobuuka ngkita, kita datuwu.

Roma 1:7

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.

Roma 1:5

Wali yako i Yesu Kerisitu see naka kami mangarata kanoto i mPue Allah pasi yako resi Ia naka pei kami mawali pomakauNya damampotundeka tau to si’a to Yahudi see sira damangaya seja pasi mampalaika seja i Pue Yesu. Kami mangika palaong etu see i Pue Yesu darabarong.

Palaong mPomakau i mPue Yesu 15:18

Wali etu semo gombo i mPue to Ia nanganto’o yami tempo owi mampakanasa mangkonong palaong to mawali ri tempo si’i.” (Amos 9:11,12)

I Yudas 1:2

Wali aku mamporapika resi i Pue Allah see kanjo’u-njo’u tiduga-dugang Ia mampaponsanika komi pansawangiNya, pamporayangiNya pasi mangawaika komi karodo ndaya.

Ibrani 5:9

Wali apa saba i Yesu mangarata kasesa ewa wetu, see naka Ia masipato kojomo mawali to pampue to bae anggaNya. Apa Ia roomo mangepe to naepe nto lino. Wali Ia nato’oka i mPue Allah to pampue to bae angganya sewaju ewa i Melkisedek tempo owi. Pasi Ia semo to mangika jaya see samparia tau to mampolaika Ia maya rapalaes rataka ri singkasaenya.

Kolose 3:12

Wali komi naporayang seja i mPue Allah pasi Ia mangampilis seja komi damawali tau to Ia Puenya. Wali see naka matao komi mampolengkoka lengko to matao ewamo rani mangansawang sa'e, mangika to manoto resi sa'e, ne'e mangei, ne'e makasar resi sa'e, pasi pakabae sabara ngkomi resi sa'e.

2 Korintus 13:14

Pasi aku makai-kai see kanoto i mPue Yesu Kerisitu, pasi pamporayang i mPue Allah, pasi kasingkatao to nawai i Nosa Mapasing dare’e resi komi samparia. Ungkanyamo ruyu gombongku si’i.

2 Korintus 10:5

Wali apa saba mangampake parewa i mPue Allah etu, see naka kami manganangi gombo ntau to mangabanta anu to monso. Pasi see naka kami manganangi pampobuuka to mangei to raporapaka ewa bente to malangan apa pampobuuka to mangei etu mangaba’a tau see sira taa damangansani i Pue Allah. Pasi samparia pampobuuka nto lino to mangewa i Pue Allah, pampobuuka to etu raporapaka ewa bali to nata’amaka mami pasi to nawali yau mami see damampolaika wo’u songka i ngKerisitu. Wali samparia palaong to etu naika mami mangampake parewa i mPue Allah.

Roma 11:28

Wali to Yahudi ri tempo si’i sira bo’onya mangaya kareba matao wali sira mawali bali i mPue Allah. Yako etu komi to si’a to Yahudi mangarata kareba matao. Pei nempo ewa see, to Yahudi etu tiroo naporayang i mPue Allah, apa Ia room mangampilis sira yako tempo owi pasi Ia taa mangkalingan parajanjiNya resi bue nsira tempo owi.

Palaong mPomakau i mPue Yesu 20:32

Wali a’i-a’i, si’i-si’i aku makai-kai mansarumakaka komi resi i Pue Allah see Ia semo damangangkampang. Pasi aku mampokaika komi see komi damangkongko kojo kareba mangkonong kanoto i mPue Allah. Apa Ia nakurang mampakaroso raya ngkomi pasi mangawaika komi tila to room napakatantuka i mPue samparia tau to Ia puenya.

Titus 1:1

Sura si’i yako resi aku, i Paulus. Aku semo to papolaong i mPue Allah pasi pomakau i Yesu Kerisitu. Wali palaong to nawaika i mPue Allah aku etu semo mampakaroso pangaya ntau to napilis i mPue Allah, pasi mampotundeka tau see sira manasanya mangkonong anu to monso. Apa yako anu to monso etu see naka sira damangansani ewa wimba raika mampolengkoka lengko to singkonong pei i Pue Allah.

1 Korintus 1:30

Apa ojo yako palaong to naika i mPue Allah see naka kita mawali samba’a pei i Kerisitu Yesu. Wali apa saba kita samba’a pei i Kerisitu, see naka kita mangansani kapande i mPue Allah. Ia semo to manganto’o kita tare dosanta. Pasi Ia mangika see kita mawali Ia Puenya. Pasi Ia room mangalapa kita yako ri kuasa nu dosa.

Markus 13:22

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Matius 24:31

Tempo etu loo ntarompet to maroso kojo daradonge, pasi tempo etu semo Aku damampokau pomakaungKu yako ndate saruga yau damampasiromunaka tau to Aku room mampilis. Sira damampasiromunaka tau etu yako ponto lipu ri sambawo lino. Bara imba-imbare lipu ntau to Kupilis etu, yako nja’u ria sira darapasiromunaka.”

2 Yohanes 1:13

Wali ngana ntua’i i Indo to we'a to napilis seja i mPue Allah, sira manganto'o sira taa mangkalingan komi. Wali ungkanyamo ruyu gombongku si'i. Amin.

2 Yohanes 1:1

Sura si'i yako resi aku, tau tu'a ntau to mangaya. Wali aku mangantulis sura si'i resi Indo to napilis i mPue Allah, pasi resi nganamu. Aku mamporayang kojo komi samparia. Pei si'a ojo aku to mamporayang komi, samparia tau to manasamo mangkonong anu to monso paka mamporayang seja komi.

1 Petrus 1:14

Wali komi seja ana i mPue Allah, see naka masipato komi mangampolaika songka to si Ia. Pasi ne’e mangalulu pamporani ndaya to maja’a to nululu ngkomi tempo komi tawa mangansani kareba matao.

1 Petrus 1:19

Pei anu to nabayarika i ngKerisitu see mangalapa kita yako ri ara ngkuasa nu ada etu, etu semo raaNya to bae kojo batuanginya. RaaNya etu raporapaka ewa raa nu ana domba to masilonga pasi tare to maya rato’o maja’a.

1 Petrus 1:20

Wali ri tempo owi, tempo lino si’i tawa rapapowali, tempo etu i Pue Allah room yami mangampilis i Kerisitu damangalapa kita. Pei tempo etu i Kerisitu tawa ma’i ri lino. Pei mosumo rata kapuranya temponya to si’i, wali tempo si’i semo Ia rapapokitaka resi to lino see Ia maya mangansawang kita.