1 Petrus 1:11 - Tuntu i mPue ri Basa Taa

¹¹ Sira mangansani yami i Pue Allah damangansawang to lino apa Nosa i ngKerisitu re’e ri raya nto pantuntu tuntu i mPue Allah tempo owi etu, pasi Ia manganto’oka yami sira mangkonong kasesa to danarata i Makole parajanji i mPue Allah. Pasi Ia manganto’oka seja sira mangkonong kayawa to Ia damangarata ri temponya Ia roomo rasesai etu. Pei re’e anu to tawa manasa resi sira pasi sira rani kojo mangansani mangkonong to etu. Wali to naporani kojo nsira mangansani, etu semo bara tau to imba damangarata kasesa pasi kayawa etu, pasi bara mpia temponya napowali mpalaong etu.

Sura Magali Nuntu Ngkatuwu

¹¹ Naparesa ntau seʼe kono kaʼewambeʼinya pai kaʼimpianya da pewalinya setu, anu ndatinako ndaya Inosa i ngKerisitu anu lau ri raya ntau seʼe. Inosaa anu mampapaincanika tau seʼe ri tempo setu kono waʼa ngkapari anu ndapomberataka i ngKerisitu pai kono peawa anu bangke, da mepatongawa ri karoonya ndaepe pura-pura waʼa ngkapari setu.

1 Petrus 1:11 Referans Kwoze

2 Petrus 1:21

Apa gombo to nato’o nto pantuntu tuntu i mPue Allah tempo owi etu, si’a yako ri pamporani nsira naka pei rato’o. Pei tau etu i Pue Allah Puenya pasi sira nawaika i Nosa Mapasing pampobuuka, see naka sira mamporata gombo i mPue Allah etu. Wali see naka masipato kojo kita mangangkongko anu to nato’o nsira.

Roma 8:9

Pei a’i-a’i, komi tamo samba’a pei pampobuukamu to masae, apa Nosa i mPue Allah re’emo maroo-roo ri raya ngkomi. Wali komi samba’a pei Nosa i mPue Allah etu. Pei i sema tau to tare Nosa i ngKerisitu maroo ri rayanya, tau etu si’a i Kerisitu Puenya.

Pomulanya 49:10

“O Yehuda, korom pasi wiyaamu semo to damamporentang bansa Israel. Wali kuasa ngkomi sambiyaa etu taa daraoko yau rataka ri singkasaenya. Wali yako wiyaa ngkorom etu, re’e samba’a to darata, Ia semo to masipato rato’oka Makole to monso. Wali Makole etu danapalaika ntau yako samparia bansa.

Pomulanya 3:15

Pasi yako tempo si’i Aku damangika see korom tamo masingkatao pei tau we’a. Kasimbalinya yako etu komi dua damawali yau masibali. Pasi ewa see seja wiyaamu pei wiyaa to si ia. Wali korom damangantungku tompo ntodu mbiyaa ntau we’a si’i, pei wiyaanya etu damangabusak wo’omu.” Wali etu semo gombo i mPue Yawe mangahuku ule etu.

Pangkita 19:10

Wali yako etu aku madungku yau ri tana ri tango mbiti mpomakau etu damampue mampakabae ia. Pei ia manganto’oka aku, “Ne’e mampue mampakabae aku, pampue resi i Pue Allah. Apa aku seja to papolaong i mPue sewaju ewa korom pasi ewa a’i-a’imu to mangangkongko seja anu to napotundeka i Yesu. Apa anu to napotundeka i Yesu, etu semo anu to nato’oka i Nosa Mapasing to pantuntu tuntu i mPue Allah tempo owi.

Galatia 4:6

Wali apa saba komi roomo mawali ngana i mPue Allah, see naka Ia mampokau Nosa nu AnaNya ma’i maroo ri raya ngkomi see manasa kojo komi anaNya. Pasi yako Nosa nu AnaNya etu see naka komi mangansani manganto’oka i Pue Allah, “O Baba, Komi semo Pa’angku.”

Yohanes 12:41

Wali naka pei i Yesaya mangantulis gombo etu apa ia roomo rapapokitaka yami kayawa i Yesu, wali ia mangantulis mangkonong i Yesu semo.

Lukas 24:44

Roo see Ia manganto’oka sira, “Komi mangkita monso pu’u Aku si’i roomo mambangu muni yako ri kapatengKu, wali si’i semo to Aku manganto’oka yami komi tempo Aku tiroowa re’e resi komi seore. Tempo etu Aku manganto’oka komi taa maya taa tibanang samparia to ratulis yami mangkonong Aku ri porenta i Musa pasi ri buku-buku to natulis nto pantuntu tuntu i mPue Allah tempo owi, pasi ri buku Masmur.”

Matius 26:24

Aku, Wiyaa nto Lino, Aku damate ewa to roomo rapakanasa yami ri raya ntuntu i mPue Allah. Pei tau to damamposora yau Aku, ia damasesa kojo. Wali to tao-tao ane ia taa ipoanaka.”

Palaong mPomakau i mPue Yesu 16:7

Ri raya mpalinjanya etu, sira rata nja’u ungka mpropinsi Misia panewa sira rani polas wo’u njo’u propinsi Bitinia, pei sira taa seja nawaika i Nosa mPue Yesu yau njo’u ria.