Biblia Todo Logo
Bib sou entènèt

- Piblisite -




1 Korintus 1:2 - Tuntu i mPue ri Basa Taa

2 Wali kami dua mangantulis sura si’i resi komi to nja’u kota Korintus to mangaya i Pue pasi to i Pue Allah Puenya. Wali komi napilis seja i mPue Allah mawali tauNya apa saba palaong to naika i ngKerisitu Yesu. Ia mangampilis komi sindara-ndara pei samparia tau to makai-kai resi Pue ngkita i Yesu Kerisitu ri sambawo lino. Ia semo Pue nsira pasi Pue ngkita.

Gade chapit la Kopi




1 Korintus 1:2
45 Referans Kwoze  

Wali aku mangantulis sura si’i resi samparia komi to mangaya i Pue ri kota Roma. Komi naporayang kojo seja i mPue Allah pasi Ia room mangika jaya see komi mawali seja tauNya. Wali aku makai-kai see i Pue Allah, Pa’a ngkita, pasi i Pue Yesu Kerisitu, damampaponsanika komi kanotoNya pasi mangawaika komi karodo ndaya.


Apa ojo yako palaong to naika i mPue Allah see naka kita mawali samba’a pei i Kerisitu Yesu. Wali apa saba kita samba’a pei i Kerisitu, see naka kita mangansani kapande i mPue Allah. Ia semo to manganto’o kita tare dosanta. Pasi Ia mangika see kita mawali Ia Puenya. Pasi Ia room mangalapa kita yako ri kuasa nu dosa.


Naka pei Aku damampokau korom dayau resi sira see korom damampotundeka sira mangkonong Aku. Apa ane sira mangandonge mangkonong Aku, panewa sira damangansani damangandolika tangonya resi Aku. Pasi ane ewa see sira damawali ewa tau to tempo ruyu tuwu ri raya mburi pei tempo si’i ralepa matanya see maya mangkita reme. Pasi sira daralapa yako ri ara ngkuasa i ngKepala Measa pei damangandolika tangonya resi i Pue Allah. Apa ane ewa see sira tamo danakitanaka i mPue Allah dosanya pasi sira damawali seja tau to Aku puenya apa saba sira mangaya Aku.’ Wali etu semo to nato’oka i mPue aku seore.


Pasi ewa see seja pampue to nakeni i Yesu mangansompo dosa nto lino. Apa koro i Yesu rasesai ri sambali ngkota see Ia maya mangampake raaNya damangika see tau maya mawali i Pue Allah Puenya.


Apa i Pue Allah taa mampokio kita damangika lengko to maja’a. Naka pei Ia mampokio kita see kita damangika lengko ngkatuwu to masipato naika ntau to Ia Puenya.


Wali i Yesu Kerisitu mampolaika pamporani i mPue Allah, pasi mampampueka koroNya resi Ia. Wali yako palaong to i Yesu Kerisitu sangkanija mangika etu, see naka kita mawali i Pue Allah Puenya. Pasi palaong etu tamo parluu raika wo’u kadua ngkaninya.


Wali etu semo sabanya naka pei sira taa mangaya kareba to ipakarebaka mami etu, si’a saba kareba etu taa matao. Apa anu to ipakarebaka mami resi tau, si’a mangkonong koro mami. Kami mampakarebaka resi tau mangkonong anu to monso, etu semo i Kerisitu Yesu, Ia semo Pue. Pei to kami manganto’o mangkonong kami tempo mampakareba kareba etu ojo si’i, kami rapokau resi komi damawali to papolaong ngkomi apa saba palaong to naika i Yesu. Wali ewa wetu gombo mami.


Pasi si’i-si’i ia narata wo’u rire, ia nawaika ngkepala-kepala nto pampue kuasa damangansoko samparia tau to makai-kai resi Komi.”


Wali ri bajuNya pasi ri pa’aNya re’e seja sanga ratulis re’e ria, sanga etu semo: MAKOLE TO MANGKUASANG SAMPARIA MAKOLE PASI PUE TO MANGKUASANG SAMPARIA PUE.


Sura si’i yako resi aku, i Yudas. Aku semo to papolaong i Yesu Kerisitu pasi tua’i i Yakobus. Wali aku mangantulis sura si’i resi komi to napokio seja mPue Allah, to naporayang i mPue Allah, Pa’a, pasi to nararamaka i Yesu Kerisitu.


Wali i Yesu mangika see tau mawali i Pue Allah Puenya. Wali Ia to mangika palaong etu pasi kita to inikaNya mawali i Pue Allah Puenya etu, kita paka samba’aja Pa’anta. Wali see naka Ia taa mea manganto’oka kita pua’iNya.


Apa Ia semo to room mangampalaes kita. Pasi Ia room mampokio kita mawali tau to Ia Puenya, to mangika palaongiNya. Si’a yako palaong ngkita to matao naka pei Ia mangampalaes pasi mampokio kita. Naka pei Ia mangika palaong etu apa saba kanotoNya pasi apa singkonong pei songka to si Ia. Apa yako tempo owi, tempo lino si’i tawa rapapowali, i Pue Allah mansongka damampaponsanika kita kanotoNya apa saba kita samba’a pei i Kerisitu Yesu.


see ane re’e to mangantalas aku, korom nunsani yami ewa wimba lengko ngkatuwu to masipato napolengkoka ntau to Pa’anya i Pue Allah. Wali kita to mangaya, kita semo tau i mPue Allah anu to tuwu. Pasi kita semo to mampotundeka pasi mampoewaka anu to monso mangkonong i Pue Allah ewa nika ntinja pasi tundasi mangkongko pasi mampakaroso banua.


Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a ngkita pasi i Pue Yesu Kerisitu.


Sura si’i yako resi aku, i Paulus, pasi yako i Silas pasi i Timotius. Sura si’i kami mangantulisika komi to mangaya i Pue Yesu to siromu nja’u kota Tesalonika. Komi seja samba’a pei i Pue Allah, Pa’a pasi i Pue Yesu Kerisitu. Wali kami makai-kai see i Pue Allah, Pa’a ngkita pasi i Pue Yesu Kerisitu, damampaponsanika komi kanotoNya pasi damangawaika komi karodo ndaya.


Naka pei Ia mangkapateka kita see kita damawali i Pue Allah puenya. Pasi ia mampakayongongika raya ngkita yako dosanta. Anu to Ia mangampake mampakayongongika raya ngkita, etu semo tuntuNya anu raporapaka ewa ue to rapake mangariu tau.


Sura si’i yako resi aku, i Paulus. Aku samba’a pomakau i Yesu Kerisitu apa etu semo pamporani i mPue Allah resi aku. Pasi sura si’i yako resi i Timotius, a’i ngkita to samba’a pangaya. Wali kami dua mangantulis sura si’i resi komi to i Pue Allah Puenya to siromu nja’u kota Korintus. Pasi kami mangantulisika seja samparia tau to i Pue Allah Puenya ri juku propinsi Akhaya.


Pei nempo ewa see, ane resi kita samba’aja i Pue Allah, Pa’a. Ia semo pu’unya samparia anu to re’e. Pasi naka pei kita tuwu see kita damawali Ia Puenya. Pasi samba’aja seja i Pue, etu semo i Yesu Kerisitu. Wali Ia semo to nawaika i mPue Allah mampapowali samparia anu to re’e, pasi yako resi Ia semo naka pei kita re’e katuwunta.


Wali gombo etu kono kita samparia apa tare pasisalanya to Yahudi pasi tau to si’a to Yahudi. Kita to lino samparia paka samba’aja Pue ngkita. Pasi Ia bae kanotoNya resi samparia tau to makai-kai resi Ia marapi rasawang.


Wali jaya etu semo samparia tau to mangaya i Yesu Kerisitu, tau etu danato’o i mPue tare dosanya. Ia taa mampasisala tau.


Wali kesaa wo’u to nupeas ngkorom? Pambangu pei rabaptis. Porapika resi i Pue see korom daralapas yako ri dosamu.’ Ewa see gombo i Ananias resi aku seore.


Wali yako etu i Paulus mayoko yako kota Atena yau wo’u njo’u kota Korintus.


I Pue Allah taa mampasisala kita to Yahudi pasi sira to si’a to Yahudi. Ia room mampakayongo raya nsira apa sira mangaya i Yesu.


Wali komi bara roomo mangandonge mangkonong kareba matao to napakarebaka i mPue Allah resi to Yahudi. Etu semo kareba to manganto’o tau maya masingkatao pei i Pue Allah apa saba palaong to naika i Yesu Kerisitu, Pue nto lino samparia. Pasi komi mangansani seja mangkonong palaong to mawali mula ri propinsi Galilea rataka sambawo propinsi Yudea. Palaong etu namula ri tempo i Yohanes to Pombaptis roomo mampakarebaka resi tau manganto’o, ‘Pojeamo pei rabaptis.’


Wali tempo tau mangandonge i Saulus magombo ewa see, sira samparia ipu kojo rayanya. Sira manganto’o, “Gete! Ngkai si’i semo to mampoja’a tau to makai-kai resi i Yesu ri Yerusalem. Pasi naka pei nama’i rire damangansoko wo’u tau to mangaya i Yesu panewa ia damangkenika kepala-kepala nto pampue.” Ewa see to nato’o ntau to mangandonge gombo i nSaulus etu.


Wali yako etu i Abram pasi yununya mayoko wo'u yako nja’u More damangampago wo’u lipu to boros pantana. Lipu etu ri sambali ngkota Betel ri tondo mata nu eo. Rata nja’u ria sira mangawangu tendanya ri oyonya kota Betel pasi kota Ai. Wali sira nja’u tondo mata nu eo yako kota Betel pasi sira nja’u tondo kasoyo nu eo yako kota Ai. Wali ojo karoonya i Abram mangawangu tendanya nja’u ria panewa ia mangawangu wo’u palampa watu pei mampue mampakabae i Pue Yawe.


Wali yako etu i Set mawali baemo panewa ia re’emo seja ananya. Wali ananya etu ana langkai to isangakanya i Enos. Wali ri raya ngkatuwu i Enos etu, tempo etu tau mamulamo mampake sanga i mPue Yawe tempo sira mampue mampakabae Ia.


Wali ne’e mangalulu pamporani ndaya to biasa resi tau to mangurawa. Pei pakadota mangika lengko to singkonong pei i Pue Allah. Pakaroso pangayamu, porayang sa’e, pasi tuwu masingkatao pei samparia tau to makai-kai resi i Pue yako ri kabuya ndayanya.


Wali aku mangantulis sura si’i resi samparia komi to mangaya i Pue to siromu ri lipu-lipu nja’u propinsi Galatia. Pasi samparia pua’i ngkita to samba’a pangaya to sindara-ndara pei aku rire, sira taa mangkalingan komi.


Wali i Ananias mangansono gombo i mPue, ia manganto’o, “Pue, boros sarita ntau to aku room mangandonge mangkonong i Saulus etu. Ia mapari kojo naika mangansesai tau to Komi puenya to nda’a Yerusalem.


Wali i Pue Allah room mampokio kita singkonong pei songkaNya pasi kita mamporayang Ia. Wali see naka nempo kesaa to mawali resi kita i Pue Allah mangansawang see palaong etu mawali bae batuanginya resi kita.


Wali anu kita mangika lengko ngkatuwu to taa mampakasusa tau to yusa, nempo to Yahudi, bara to si’a to Yahudi pasi samparia tau to mangaya i Pue pasi to i Pue Allah Puenya.


Wali komi seja room mawali koro i ngKerisitu. Pasi komi samparia mawali saga ngkoro etu samba’a pei samba’a.


Wali si’i pamporaningku ane mangkonong tempo tau to mangaya siromu bara imbare damakai-kai. Tempo etu to langkai semo to mangokotaka palenya pei makai-kai, pei ojo to langkai to lengkonya singkonong pei i Pue Allah. Taa matao sira makai-kai ane tongo ngkaja’a ndayanya pasi matingka.


Pei nempo ewa see, i Yesu Kerisitu tare pombaliNya. Ia raporapaka ewa pondasi to naika i mPue Allah maroso kojo. Wali pondasi etu mawali tondong to manganto’o, “I Pue mangansani tau to Ia Puenya.” Pasi tondong etu manganto’o seja, “I sema-sema tau to mampongakung mampue mampakabae i Pue, tau etu taa masipato ane mangika palaong to maja’a.”


Swiv nou:

Piblisite


Piblisite