Pas Polda Rom Nana Aminde Matayamukut San 7:12 - Wantoat

¹² Unzingge ninda anzing natapnim. Mama wamu sanga wai dua. Aho. Mama wamu take siknga. Ita Anututane kepi nomana siknga aknga ayeutnimunggak.

Pas Polda Rom Nana Aminde Matayamukut San 7:12 Referans Kwoze

1 Timoti 1:8

Siwan ninda Mosesdane mama wamde natake wai aminda ie akgwauke waiakngana teningge apbut ngang natakengu ninda mama wamu waakngae natapna sanga take siknga siwik.

Lotutane Kap Taknga 119:137

Buyambam tapa, ga noman sikngaapa. Siwan gatane mama wambaaya kuupbam noman gan siknga.

Pas Polda Rom Nana Aminde Matayamukut San 7:14

Siwan ninda atnataamang. Mama wamu Anututane sanga nomana aknga ngang nataamang. Ngana ninda musia enayaaknga tawake tasiwatna waiakngata nin panggaganukgak.

Lotutane Kap Taknga 119:172

Nata kau takngatu mama wambae taiwit. Dasingge, gatane mama wamba noman gan siknga.

Pas Polda Rom Nana Aminde Matayamukut San 3:31

Siwan ginda anzing ma natapam. Ninda Jesue natapna kekekawanu mama wamde masa take imuke yaitapakusinim ngangu ma natapam. Aho. Mama wam takngatane buya aawan ninda Jesue natapna kekekawik.

Lotutane Kap Taknga 119:140

Gata wamba yawi kekekakuu siakan siknga. Siwan nata gwa tasiwa sikut. Unzingge na, puya amin tapakata, wamu waaknga yawi kekekakutde take siknga nataat.

Lotutane Kap Taknga 119:127

Na gatane mama wambae take siknga nataat. Sike na golmani ngang yanikaingge take dua nataat. Siakan. Gol kundu noman siknga ngana ie take siknga dua nataat. Aho. Na gatane wamba akngae siknga nataat.

Lotutane Kap Taknga 119:38

Na gikane puya amin tapaka gae akgwaukgatde wamu gika naniwi kekekakut taknga saak tasiyo.

Pas Polda Rom Nana Aminde Matayamukut San 12:2

Siwan ginda sanga aminu Jesue masa imukaing aminda wai takngatu takngatu pasikaing kaknga ma tawake tasiwam. Wena. Anututa musipza papan nomatawa ginda Anutue banip tawake sanga nomana siknga aknga Anututa kawan take singgak kakngakan tawake tasinong.

Pas Polda Rom Nana Aminde Matayamukut San 7:16

Siwan nata sanga atasinggat takngae natake sanga wa wai ngang natakengu nata mama wamda sanga waakngae yake nomana yandaknganggak ngang natapit.

Lotutane Kap Taknga 119:86

Gatane mama wamba kuupbam wa sanga ninda ie banip sinanga taknganin. Siwan ngana aminu kunduta nae kem wam moo siknga yake tasiwan mainggat. Unzingge gata gatangamuyo.