Pas Polda Rom Nana Aminde Matayamukut San 3:13 - Wantoat

¹³ Aminu kuupbamda wamu kapanga aknga asinggan yake aminda bukatake kapanga akoke aminbam pasiwan maikaing binga tasikaing. Aminu kuupbamda kem wamu asinggan yake gomokga amin yasiwan maikaing binga tasikaing.

Pas Polda Rom Nana Aminde Matayamukut San 3:13 Referans Kwoze

Lotutane Kap Taknga 5:9

Sike iwana waakwakga siakan wamu takngatusimu dua siknga genane yakaing. Dua yake aminu kundu pasiwa maining gekan nataaing. Siwan kem wamu atdopan yuke yakaing. Yake tanzit wam yanike tasiwa maikaing.

Lotutane Kap Taknga 140:3

Waamindane wamna gomokgane gena paanga siknga binga. Sike wamu amin pasiwan mainanga waamindane genaatang doke yuak. Unzing marasinu gomou waiakngatane genane yuak kaknga binga.

Lotutane Kap Taknga 57:4

Na aminu kundu kaap zongu laion ngang yanikaingge banakan binga pekgat. Sike waaminda amin yasinangge tandakngakaing. Sike waaminda gena paanga siknga, unzing gwawaya ba sakut binga. Sike yembina bainatdane gena toknga aknga kaamang binga.

Lotutane Kap Taknga 52:2

Ga kem amin, gatane genda daka resa toknga siknga daka binga. Tapdukbamu gata aminu kundu tanzit pasiwi mainingge nataayak.

Pas Polda Rom Nana Aminde Matayamukut San 3:4

Wena siknga. Anututa siakan wamu asinggan yanggak ngana aminda kem tasikaing. Unzing wamu takngatu Anututane wam yanikapsa aminu tapatuta tupa siknga anzing matakut, “Aminda gatane wamu kuupbam usanzike natapa siakan siwik. Gata wamba yawi usanzike natapa wamba wena siwik,” ngang matakut.

Lotutane Kap Taknga 36:3

Asinggan siknga aminu waapa waiaknga tasinangge yayuuk aminu kundu kem wam yaninggak. Itane natdetdet naatangu noman taknga tasinanggengu wena.

Pas Polda Rom Nana Aminde Matayamukut San 3:12

Aminu kuupbamda Anututane kepi gwa teking. Aminu kuupbamda songa sikaing. Aminu sanga takeaknga tasinggau tapatu wena. Tapatu wena siknga.