Pas Polda Rom Nana Aminde Matayamukut San 2:19 - Wantoat

^19-20 Ginda mama wamu waakngae natake ita yeutniman kepi gutonga aknga gatu kepi nomana aknga anggaman kaamang. Kake ninda aminu keu komduine nana aminu sanga waiaknga tawake tasikaing amin gatayamuke ninda wa amindane musia pana nomataning. Ninda aminu natdetdetna wena amin yanindamutnim ngang ba yakaing.

Pas Polda Rom Nana Aminde Matayamukut San 2:19 Referans Kwoze

1 Korin 4:10

Siwan ninda Kraisdane wam take yanikapmakamangge aminbamda ninde natapa katum amin singgak. Siwan ginda gisae natake ninu Kraisdane aminabam dakngake yuamangu natdetdetninu buyambam pake yuamang ngang nataaing. Ngan. Aminda nin nindupa aminu kekekngana wena amin singgak. Siwan ngana ginda gisae natake ninu kekeknga yuamang ngang nataaing. Siwan gindane umanza aminda yapangenakaing ngana nindane umaninu ayaipapaakusikaing.

Wamu Takeaknga Jonda Matakut Taknga 9:34

Yaniwan yake anzing inisapduking, “Ga minggata waiaknga tasike tangaiwan aakuyak ngana gata kepi noman ninindamutnangge yanggayak,” ngang iniking. Inikenga aminu waapa inikwasiwa epu kepman kukut.

Matyu 15:14

Ginu kapewa yutnong. Aminu kai kusiya amin tapata kai kusiyae kepi yeukngamunangge tasiwanu kuut tapaatda gapmaatang pimatzan,” ngang ninikut.

Matyu 6:23

Sike kaikata wai siwanu zikaa dakaatang wasiyawake yuya. Unzingge kakaa akngaatangu yuwiyau waaknga apbinga zikaawanu zikaa waakngata zikaa siknga singgamik,” ngang yakut.

Matyu 5:14

“Siwan gunziu waengata kuwan kepna kepna nana aminda kakaa akngane yuaing. Sike gikaya ina unzakan. Ginda pasiwa keune nana aminda kakaa akngane yutning.

Filipai 2:15

Ginda unzing tasikengu ginu nomana yuwa waiakngasa wena siwik. Siwan ginda aminu kepi nomana akngane dua sukuke sanga waiaknga asinggan pasikaing aminde banakan yuke ginda nomana yuke Anututane waaknga aminu waiakngasa wena amin dakngake yutnong. Dakngake yuke ginda wamu ginde sanga kayuk yutnanga aknga atdamunggak kaknga gitna take yanikapnong. Unzing aakatap gatapan kakaa aknganata isikakaanggak binga ginda wamu waaknga yanikapa natapnong. Unzingge tapduknga Kraisda gatuna apik gwene nata anzing natapit. Na puya moo siknga dua tasike wamu takeaknga nata yumdekan tapa kekekakut. Aho. Puya atasikum taknga buya asaakut ngang natake apbakngawit.

1 Korin 3:18

Siwan aminu gikat nana tapatuta sanga musia enayaaknga tawake tasinggak kakngae natake nata natdetdetna kayaapa dakngake tasinggat ngang kem natapsak. Ngana ita unzing natakengu natdetdeu waaknga ateyok. Ateke ita natdetdetna kayaapa binga dakngawik.

Aposel 26:18

Na ganitewa kuku aminu kepman nana zikaa atang yuke pasikaing aminu yanikapi natake zikaa aknga teke kakaa akngane apning. Apuke Anutuekan yuke Setendane kekeknga akngae apbotake tening. Teke nae natapa kekeknga siwan kake Anututa waiakngana apme sandeyamik. Sandeyaman aminu tupa Anututa papan aminabam dakngake yuaing amikat unekan gatake yutning,’ ngang unzing nanikut.”

Wamu Takeaknga Lukga Matakut Taknga 1:79

gata kuku tasike aminu akumnanga aknga gepbiatang yuya aminde kakaa yeuyamuya. Siwan kepdakane yuwatna musip kwikwikge kepi yeutnimi kanim,” ngang Sekaraiata waaknga Jonde natake unzing yakapbut.

Wamu Takeaknga Makga Matakut Taknga 10:15

“Nata siakande siknga daninggat. Aminu tapatuta Anututa amin panangge tasinggak kakngae gepbiatang kopnangge ngana waatdaka binga dua dakngakengu ita undangu kopnanga dua. Wena siknga,” ngang yanikut.

Matyu 4:16

Wa aminda kakaa buyambam taknga gwa kaaing. Sike aminbam zikaa akumnangaatang yukingge waenga sike kakaa yamukut,” ngang Aisaiata yakapbut taknga buya unin aakut.

Pas Polda Rom Nana Aminde Matayamukut San 2:18

Aminu kunduta danindamuwawa ginda Mosesdane mama wamu kuupbam gwa nataing. Natake ginda Anutue baniu atnataaing. Natake ginda sanga kuupbam usanzike natapa takngatu take singgak kakngaekan apbakngakaing.