Pas Polda Rom Nana Aminde Matayamukut San 16:7 - Wantoat

⁷ Gatu aminu tapaaya umana Andronaikas gatu Junias ngang yanikamang. Naat waapaakatdane bapuninu buya kundukan. Siwan sipdune aminu Jesue iwana dakngake yuaing aminda naat waapaakat panggaganuke kaautde nipmaba yukumang. Aminu Jesutane aposel amin dakngake yuaing aminda waapaatdane umana atnataaing. Sike nata Jesue masa imuwawa waapaatda Jesue amina dakngake yuwawat na masana Jesue amina dakngakum. Ginda waapaatde kuut natane gaak wama yamunong.

Pas Polda Rom Nana Aminde Matayamukut San 16:7 Referans Kwoze

Pas Polda Rom Nana Aminde Matayamukut San 16:21

Natane puya amin notna umana Timoti ngang inikamang. Gatu aminu kundu umana Lusias gatu Jeson gatu Sosipata ngang yanikamangu naat waakwakat bapuninu buya kundukan. Wa aminda gaak wamna ginde yatewa kunggak.

Pas Polda Rom Nana Aminde Matayamukut San 16:11

Gatu aminu tapatu umana Herodion ngang inikamang. Naat iat bapuninu buya kundukan. Waapae kuut ginda gaak wama imunong. Gatu aminu Nasisaskat gatake Buyambam tapanindane aminabam dakngake itane yotnane yuaing aminde natane gaak wama yamunong.

Filimon 1:23

Siwan puya amin notna tapatu nata kaautde yuwawa gatanamunggak kapa umana Epafras ngang inikamang. Ita gaak wamu gae yatewan kunggak.

Kolosi 4:10

Siwan notna tapatu umana Aristakas ngang inikamang. Ita natane kaaut notna tapatu. Sike ita gaak wamu ginde daninggak. Siwan gatu notninu tapatu umana Mak ngang inikamangu waapa Banabasdane namaknga. Itaaya kuut ginde gaak wam daninggak. Waapae natake nata wamu ita ginde apundopan kakengu ginda ie apbakngake initakopningge ginde gwa tewa kukut.

Efesas 2:10

Anututa ina nin pasiwan ninda Kraisde kuke iat gatake yuamang. Ngan. Ita nin pasiwan ninda nisane musipmin tana tekwamban Jesue kuke natdetdeu kayuk kaknga take kepi nomana akngane sukunimde natake tasinimukut. Sike tupa ita kepi nomana waakngane sukunimde natake yawan yukut.

Galasia 1:22

Kuke yuwawa aminu Judia kep komune nana Kraisdane amina dakngake yukingga natane noma dua nandupbing.

2 Korin 5:17

Siakan. Aminu tapatuta Kraisde kuwan iat musia takngatukan natapzanu Anututa waapa tasiwan natdetdeu kayuk kaknga pake aminu inata kundu dakngawik. Dakngawan natdetdeu wai tupa natapbut taknga Anututa kaiwan kungaman natdetdeu kayuk kaknga musiaatang tamuban yuwik.

Wamu Jonda Mia Kake Matakut San 1:9

Na Jon. Na ginu Jesue aminabamdane notza tapatu yuat. Nata Jesutane umana yakapmake tasiwawa aminda enake meya takngatu takngatu nae nama panggat. Siwan gikaya kuut meya wa binga apakaing. Sike gikat naat Anututa ninduyuwawan ninda ie gepbiatang koyuke ninu kuupbamda kekeknga yuamang. Ngan. Nata Anututane wam yanikapmake Jesutane umana yakapmake tasiwawa iwanata enake na nanikwasike keu yangga banakan yuak komu umana Patmos ngang inikaingu apmanu yuak komune napmaba yuat.

1 Jon 5:20

Siwan gatu ninu atnataamang. Anututane waakngata apuke natdetdeu ninde nimukut. Niman ninda Anutu siakan tapae atnataamang. Natake ninda Anutu siknga apaat gatu inane waaknga sikngaapa Jesu Kraiskat musipminu takngatukan natake unekan binga gatake yuamang. Siwan Anutu waapa Anutu siknga. Siwan kayuk asinggan yutnanga akngae toiknga unin.

1 Jon 4:13

Siwan Anututa inane Waunga niman Waungu waapata nindane musipmin pangenawan ninda natake ninu Anutuat musipminu takngatukan natake unekan binga gatake yuamang ngang natapna kekekanggak.

Galasia 6:15

Sike na atnataat. Aminda gupna matawa kake Anututa natapan sanga moo singgak. Siwan aminda gupna dua matakingu Anututa wa aminde dua bitanggak. Ngana Waung Kapata tasiwan ninu musipmin tana tekwamban aminu inata kundu dakngake yuamang kakngata gataniman ninda Anutue nomune gitna yutnim.

Galasia 5:6

Dasingge? Aminu Jesu Kraiskat gatake yukengu sanga wa Mosesde mama wam tawake gupna matakaing kakngae natapa sanga moo siwik. Siwan sanga aminda mama wamde masa imuke gupna dua matawiu wa kuut sanga moo siwik. Siwan ngana aminda Jesue natapa kekekawan notnae butaya natayamukaing kaknga buya siknga unin.

Galasia 2:6

Kekekake yuwatna aminu umana kaya akwakga wamu takngatusimu nata ninane wapat ngwakngake gin daniwitde dua naniking. Sike Anututa sanga ninda tasike aminu kundutane umana yapangenakamang kakngae natapan moo binga singgak. Ina unzakan nata aminu wa umana kaya akwakge natake ie dua gwaukum.

2 Korin 11:23

Sike wa aminda yake ninu Kraisdane puya amina dakngake tasikamang ngang yakaing. Siwan nata aminu natdetdetna wenaapa binga dakngake wamu takngatuat daniwa natapnong. Nakaya kuut Kraisdane puya amina dakngake nata wa aminu ayapbike puya buyambam tasikum. Ngan. Nata puya kwatan siknga tasike wa aminu ayapbikum. Sike iwanata enake sipdu sipdune na kaautde napmake tewa buyambam sikut. Siwan sipdu sipdune na kayata ipmapa nuwawa buyambam sikut. Siwan sipdu sipdune nata akumnangge dapaknga sikum.

2 Korin 5:21

Siwan Jesu waiakngana wena. Ita kepi nomana siknga akngane sukuwawan kake Anututa ninde natake ita Jesu tewan ita waiaknganin pake ninde tangge kungwanimik kapa dakngakut. Dakngake nin gataniman ninda ie kuke iat gatake yuke Anutue nomune amin noman dakngake yutnim.

1 Korin 1:30

Siwan ngana Anututa Jesu Krais tapan ita ninde tangge kungwanimukut. Ita kungwanimukut takngane ita Anututane natdetdetna buyambamu ninde yeutnimukut. Yeutniman kake ninu anzing nataamang. Jesuta gataniman ninda Anutue nomune amin noman dakngake yutnimde Anututa i tapan tasinimunggak ngang nataamang. Sike Jesuta nindane musipmin papan nomatawa kepi nomana sukunimde natake Anututa i tapan tasinimunggak ngang nataamang. Sike Jesuta ninu waiakngatane kekeknga akngane sandewikge natake Anututa i tapan tasinimunggak ngang nataamang. Natake ginda Jesuat gatake yuwawa Anututa danduke ginda kayuk asinggan yutningge tasindaman yuaing. Yuke ginda gisae umanza yapangenatnanga dua. Wena.

Pas Polda Rom Nana Aminde Matayamukut San 8:1

Unzingge ninda Jesu Kraiskat gatake yuamangu Anututa nindane waiaknganinde toknga yake dua nimik.

Wamu Takeaknga Jonda Matakut Taknga 14:20

Siwan tapduknga Waung Kapata ginde apik gwekatang ginu nae atnatdetning. Naat Nanaatda buyakan taknga yuamak ngang anggaman siwan ginda kaning. Kake naat gikat gatake unekan sukukamang ngang natdetning.

Wamu Takeaknga Jonda Matakut Taknga 6:56

Aminu natane gupma nake gatu natane daknga tangopiu nata iatang gatake yuwa unekan sukusim.

Galasia 2:2

Anututa naniwan natake nata koke wamu wa keu komduine nana aminde kuke nata yaninggat taknga yakapbum. Aminu Jesue amina dakngakinggane tupan amin takwakge yakapbum. Nata wa aminde natake puya tupa tasikupat gatu apman tasinggakat kuut wa aminda ie bitake yawa pimapsak ngang natake yanikapbum.

Pas Polda Rom Nana Aminde Matayamukut San 8:11

Ngan. Anututa Jesu akumbut katangga gatu tangenakut tapatane Waung Kapata gin papanu Anutu waapata yawan inane Waung Kapa gin pakut tapata tasike ginda akupa kwaining ngana ita gindane gupzasanu gatu pangenawan ginda kayuu gatu yutning.

Pas Polda Rom Nana Aminde Matayamukut San 9:3

Ngan. Sike kepi kaya gamu nata Anutu iniwa ita na nanikwasiwan kuke nata Kraiskat dua gatake yuwawa natane notnabamu Isrel nana aminda Anutue nomune nae tangge yutning.

Pas Polda Rom Nana Aminde Matayamukut San 16:3

Siwan wawi tapatu umana Akwila siwan gatu itane maatna umana Prisila ngang yanikamang. Waapaatda tupa naat gatake yuke ninda Jesu Kraisdane puya tasitakuwatna waapaatda aminda nit nisipnang ngang dua natake na gatangamunangge tasikumayak. Unzingge nata ninatakan dua waapaatde yanimbaknganggat. Aho. Aminu keu komduine nana Anututane aminabam dakngake yuaingu kuupbamu kuutda waapaaatde ayanimbakngakamang. Siwan ginda natane gaak wama aminu waapaatde yamunong.

Pas Polda Rom Nana Aminde Matayamukut San 16:6

Siwan maya tapatu umana Maria ngang inikamang. Ita puya kwatan siknga gin gatandamunangge tasikut. Ginda maya waapaaya kuut natane gaak wama imunong.

Pas Polda Rom Nana Aminde Matayamukut San 16:8

Gatu aminu tapatu umana Amplietas ngang inikamang. Ita Jesutane amina dakngake yuakge nata ie musip gwaang siknga natangamunggat. Ginda waapae kuut natane gaak wama imunong.

Pas Polda Rom Nana Aminde Matayamukut San 16:9

Gatu gaak wama ginda aminu tapatu umana Eban ngang inikamang kapa kuut imunong. Waapata puya amin notnin dakngake Kraisdane puyana pasinggak. Siwan aminu tapatu umana Stekis ngang inikamang. Nata ie musip gwaang siknga natangamunggat. Siwan ginda natane gaak wama waapae kuut imunong.

Pas Polda Rom Nana Aminde Matayamukut San 16:10

Gatu aminu tapatu umana Apelis ngang inikamang. Iwanata natdetdetna tasiwa maiwikge natake tasiwawa ngana ita kekekake Kraisdekan natanggamatake yuak. Ginda natane gaak wamu waapae kuut imunong. Gatu gaak wama aminu Aristobyulaskat gatake itane yotnane yuaing aminde ginda yamunong.

2 Korin 12:2

Tupa nata aminu Jesuat nana tapatue natapbum. Natake nakanu katau kuut musaat kautdu gweaat gweaat ngang yuwawa wena sikut. Siwan aminu waapa Anututa enandang takopbut. Siwan wa takopbut taknga ita mia kawawan uyunga takopbut ba kayuk yuwawan gupna buyak siakan siknga takopbut ba dasing? Na ie katak dua nataat. Anututakan ie atnataak.