Pas Polda Rom Nana Aminde Matayamukut San 15:3 - Wantoat

³ Ninu atnataamang. Kraisda inane banip dua tawakut. Aho. Ita dua tawakut takngae natake ayanikapsa aminu tapatuta tupa siknga wamu takngatu Anutue wapatang anzing matakut, “Wa aminda sapdut wamu ga ganisapdukaing aminda naatde kuut nanisapdukaing,” ngang matakut.

Pas Polda Rom Nana Aminde Matayamukut San 15:3 Referans Kwoze

Lotutane Kap Taknga 69:9

Dasingge? Nata yotdae take siknga nataat. Unzingge nata puya kekeknga tasiwa yotda wagwenu take yuwikge tasinggat. Siwan aminda gae ganisapduwa sapdut wamu waaknga naanganu apimanggak.

Filipai 2:8

Ita nisa gup dakngake inane umana yatangenatnangge dua natake Anutue gen gwaamukut. Gwaamuke tasisika kumbut. Ngan. Amin saamdakane aminu wai amin zipa kungwakaing binga tanguwa kumbut.

Wamu Takeaknga Jonda Matakut Taknga 4:34

Yana Jesuta tuwang wamu takngatu anzing ninikut, “Na atnanitewan apbum tapae banip tawanggat takngata nanam napa gupmasan tapan kekekangamunggak binga singamunggak. Singaman nata itane puya tasiwa puyuwik,” ngang ninikut.

Wamu Takeaknga Jonda Matakut Taknga 6:38

Na enandang teke epuke ninae banip tawanangge dua epbum. Wena. Na epuke aminu atnanitewan epbum tapae banip tawanangge epbum.

Wamu Takeaknga Jonda Matakut Taknga 5:30

“Nata sanga takngatu ninae banipda siwan tasinanga dua. Aminu na nanitewan apbum tapae banip tawake nata aminbam usanziwa noman gan siwik.

2 Korin 8:9

Ginu atnataaing. Buyambam tapaninu Jesu Kraisda ginde musip kwikwik natandamuke tasikut. Ita sangabamdane toiknga ngana ginde butaya natake nisa gup dakngakut. Dakngake aminu sangana wena apa binga dakngake ninde banakan yukut. Sike ita gin pasiwan ginda Anututane sanga kekeknga asinggan yuwik kaknga kwaapzang pake yuaing.

Wamu Takeaknga Jonda Matakut Taknga 8:29

Nanda na atnanitewan apbum tapata naat gatake yuamak. Ita na dua napmamban nata ninatakan dua yuat. Wena. Sike asinggan asinggan nata Nanda take nataak kakngakan tasinggat,” ngang yanikut.

Matyu 26:42

Yanikenga gatu kuke tumuk wamu anzing yakut, “Nana. Meya wa kawit taknga napbitnanga dua siwanu nata akawit. Gikae banipban tawamso,” ngang yake

Matyu 10:25

Sike waatdaka asinindamukgak kapa binga dakngawanu take siwik. Siwan puya aminda kuyanae yuak kapa binga dakngawanu iaya take siwik. Sike dongu takngatutane tupan tapae umana Bielsebul waung waiakwakgane tupan tapa ngang nanisapdukengu ginu naat nanatane umanza yake kumzang siknga danisapdutning,” ngang ninikut.

Lotutane Kap Taknga 69:20

Wamu wai wa nanikaingga natdetdetna atasiwan mainggak. Siwan musipmaatangu meyambam natake na kekekngana wena singgak. Na aminu kunduta butaya apme ba natangamuning ngang natapbum ngana tapatuta dua gatangamukut. Gatu aminu kunduta musipma tapan kekekawikge wamu take takngatu apme ba nanining ngang natapbum ngana wena.

Wamu Takeaknga Jonda Matakut Taknga 15:24

Sike puya inata inata tupa aminu kunduta dua tasiking kaknga nata dua tasiwa nandupbing gamu wa aminu waiakngana wena. Ngana apmanu wa aminu duya takngatu takngatu pasikumu gwa kaking. Kake ngana naat Nanaatde semna natanimukaing.

Wamu Takeaknga Jonda Matakut Taknga 15:10

Sike nata Nanae gena asinggan gwaamuba ita nae musip gwaang natangamunggak. Siwan ginda ina unzakan natane gena gwaamubanu nata ginde musip gwaang asinggan natandamit.

Matyu 26:39

Yanikenga kundusim kuke nomda pimake tumuk wamu anzing yakut, “O Nana! Take siwanu meya wa kawit taknga sandekngamuyo. Ngana gata nae banip ma tawambim. Aho. Gata gikae banip tawamso,” ngang yakut.

Matyu 27:44

Yawa aminu zipmake sangana kukae panangge tasikumayak kapaau Jesuat wesim zipbing tapaatdaaya kuut sapdut wamu waakngakan yakumayak.

Filipai 2:5

Sike ginu natdetdeu Jesu Kraisda natake tasikut takngakan gindane musipzaatang natapnong: