Wamu Jonda Mia Kake Matakut San 6:17 - Wantoat

¹⁷ Dasingge? Tapduu waapaatda toknga nin nisipnangge yawat yukut gwenda gwa apuk. Siwan maminda toknga wa yapbimbik? Wena siknga. Ninu kuupbamda toknga wa apanim,” ngang yanggamatawa natapbum.

Wamu Jonda Mia Kake Matakut San 6:17 Referans Kwoze

Lotutane Kap Taknga 76:7

Siwan ngana Anutu, aminu gae asiknga gwaukaing. Unzingge gata kaanga yaniwinu mamin amin tapata gae kaikane dandamake yuwik? Aminu tapatuta yutnanga dua.

Wamu Jonda Mia Kake Matakut San 16:14

Sike waungu waakwau kawa Setendane puya amina sikut. Siwan waakwakga duya inata inata kundu pasike kepna kepna kuwa sandekut. Kepna kepna kuke aminu kepdakane nana kuupbamdane tupan tapaapa yanipakapa unekan apuke amau buyambam siknga tasiningge yaniking. Sike tapduu Anutu kekeknga siknga yuak kapata aminbam usizitnangge yawan yukut komune wa aminu kuupbamda amau atasining.

Pas Polda Rom Nana Aminde Matayamukut San 2:5

Undanga ngang natake gata yamandet sike musipba tapi tekwamban waiakngakae masa imunangge dua nataayak. Unzingge tapduknga Anututa aminbamu nomana siknga usanzike toknga yake waiaknganae yamik gwene gata toknga siknga papsa.

Wamu Jonda Mia Kake Matakut San 11:18

Ngan. Katum aminu kepna kepna nana kuupbamda yamandet sike gae semna siknga natanggamuke yuking. Ngana tapduknga gata toknga wa aminde yamiyak gwenda gwa apunggak. Sike apmanu akupsa aminda wamna yawa natake gata wa amindane wamna usanziwiyak. Usanzike gata sanga take siknga gikane aminda gikane puyaka pasinggamuke gikane wamba yanikapbing aminde ayamiyak. Ngan. Aminu gae gwauke gae gepbiatang koyuaingu umana kaya gatu umana wena aminu kuutda gata apmanu sanga take siknga ayamiyak. Siwan tapduknga gata aminu kepdakane yuke aminbam pasiwa maiking aminu kuupbam pasiwi maining gwenda gwa apunggak.”

Pas Jutda Matakut San 1:6

Sike gatu angelata Anutue nomnane umana kaya akwak dakngake yuking ngana kunduta yamandet sike Anutu yapbitnangge natapbing. Natake tasiwawa ngana Anututa panggaganuke keu zikaa siknga dakaatang wamapewan yuaing. Yusika tapduknga Anututa aminu kuupbam usanzitnangge yayawamban apning gwene angela waakwakga wamna yaning. Siakan. Ginda atnataaing ngana gatusa natdeke yutnong.

Wamu Takeaknga Lukga Matakut Taknga 21:36

Ginda tapduk tapduk asinggan tandakngake Anutue tumuk wam iniwa natake ginde kekeknga akngana daman ginda sangabamu wa apiu yapbike na aminbamdane notna apae nomune take siknga yutning,” ngang yanikut.

Lotutane Kap Taknga 2:12

Ginda itane waakngae asinimbaknganong. Ita musiptok ginde natapsak. Dasingge, ita musiptou zaat natandaman ginda akumning. Siwan ngana aminu Anutue gepbiatang koyukengu, waakwakga apbaknganing.

Lotutane Kap Taknga 110:5

Buyambamtapa gaat yuke kekekanggamik. Tapduu ita musiptok natapik komune ita amau kingu komdu komdune nanaat amake ayapbike yaipapaakusike yainggamambik.