Wamu Jonda Mia Kake Matakut San 3:21 - Wantoat

²¹ “Siwan aminu kekeknga siknga yuke iwana ayapbimbiu nata waapa katewa aminu waapata kekekngana kayaapa dakngake ita naat gatake nitda aminbam kayutzim. Sike tupa naaya kekeknga siknga yuke natane iwana ayapbikumde nata kekekngana kayaapa dakngake nata natane Nanaat gatake yuke nitda aminbam kayuamak.

Wamu Jonda Mia Kake Matakut San 3:21 Referans Kwoze

2 Timoti 2:12

Ninu meya pake ngana musipmin pana kekekawanu ninu iat gatake tupan amin dakngake yutnim. Ninu ie masa imunanu ita ninde masa atnimik.

Matyu 19:28

natake anzing ninikut, “Nata siakande siknga daninggat. Masande na aminbamdane notnaapata buyambamtapa enane siknga yuke wama yawa kekekawik. Siwan tapduu wagwene sangabamu kayuk dakngake yuwawa ginu na nawakaingu gikaya buyambam tapatane kekeknga aknga pake aminu Isrel nana dongu 12 usanzitning,” ngang ninikut.

Wamu Takeaknga Jonda Matakut Taknga 16:33

“Nata gikat gatake unekan sukuwatna ginu dawaba undaundang kuning gwekatang nangaakan dua natake yutningge natake nata wamu waaknga daninggat. Kepdakane yusika ginu meya takngatu takngatu kaning. Ngana gindane musipza kekeknga yuyok. Nata iwaninu kepdakane nana gwa yapbikgat,” ngang ninikut.

Wamu Jonda Mia Kake Matakut San 2:7

“Siwan aminu maaknga kaya kakengu waapata wamu Waung Kapata Anututane amina yotna yotna yuaingge yanikapmanggak kaknga natapsok. Aminu meya iwanata enake iman take ngana kekeknga yuke ayapbiban kakengu nata aminu waapa katewa apmea ita keu take siknga Anututa ayuak komune kuke katap tapunu aminda nake kayuu asinggan asinggan yuwik gwegwenu atdeke napik.”

Matyu 28:18

Siwan Jesuta apuke wamu takngatu anzing ninikut, “Anututa kekeknga kuupbam nae gwa naman enandang yuaikat keune nanaatde takeapa dakngake yuke daniwa natapnong.

Wamu Takeaknga Lukga Matakut Taknga 22:30

nata kekekngaapa dakngake tasiwit kopatang naat nake tangopnim. Sike ginda Isrel nana amindane dongu katau kuut musaat kepianganu takngaat aminbam usanziya amin dakngake pasining,” ngang yanikut.

Wamu Jonda Mia Kake Matakut San 20:4

Siwan nata kawawa sia buyambam dakandakane aminu tupan tapaapata pukwike kayuwa kakum. Sike Anututa puya wa aminde aminu kuupbamdane wamna usanzitningge yamukutna kakum. Sike nata kawawa aminu kwaapzangu tupa Anututane wamu gitna take Jesue umana yakapmake kaapzongu wagwen gatu itane weena ngangge tumuk wamu dua yanike yuwawa aminda itane tuwangu wa amindane damanane ba katakngane dua mataking. Sike wa amindane iwanata enake guyakngi matapamaba kuking. Siwan wa amindane uyungata yuwa kakum. Sike wa aminu gatu gweake kayuk yuwa kakum. Sike wa aminda Kraiskat gatake aminbam kayuke tasiwawa kuku nakanu 1,000-da apik.

Wamu Jonda Mia Kake Matakut San 1:6

Sandeke ita ninu inae pake ninduyuwawan ninda ie gepbiatang koke yuamang. Yuke ninde puya Anutu Jesu waapatane Anutue pasingamukamang. Sike Anutu waapa Jesutane Nanaapa unin. Siwan nata Jesu Krais waapae natake ita umana buyambam siknga take tupan tapa kekeknga asinggan asinggan yuwikge take siknga nataat.

Wamu Jonda Mia Kake Matakut San 12:11

Siakan. Nindane notninu sipsip mateu wagwendane dak kakngae gepbiatang yuke inane gupde dua gwauking. Aho. Wa aminu akapewa iwanata zipa kumningge dua gwauking. Dua gwauke wa aminu siakan wamu aminbamde yanikapbingu waakwakga Setenu waapa gwa yapbiking.

Wamu Jonda Mia Kake Matakut San 17:14

Siwan waakwau sipsip mateu wagwekat amning. Amawawa ngana sipsip mateu wagwenda aminu waakwau asiknga yapbimbik. Ngan. Wagwekat gatu aminu inae panangge yayawamban ie kuke iat gatake kekeknga siknga yuaing amikat ngangga aminu waakwau ayapbitning. Dasingge? Sipsip mateu wagwendane yapii wa aminu tupan siknga apanin. Ita aminu tupan tapaapa kuupbam kayuak. Ngan. Aminu tupan tapaapa kuupbamdane tupan siknga awia apatakan ayuak,” ngangu angelata unzing naniwan natapbum.

Wamu Jonda Mia Kake Matakut San 7:17

Dasingge? Sipsip mateu Anutu tupan siknga apatane nomune yuak kapata wa aminu akayuke yangga dapunu asakonggak dakane yanipakuwan kuning. Kuke yangga wa tangoke kayuu asinggan asinggan yutning. Yuwawa Anututa kai yangga pasiwan kuwa wa aminu kwanamu gatu dua sitning,” ngang naniwan natapbum.

Wamu Jonda Mia Kake Matakut San 6:2

Siwan nata kake ikwawa gamanu hos ngang yanikaingu kwaknga gwendu kakum. Sike aminu hos wagwendane masene pukwikut tapata kweemu dakatu take yukut. Yuwawan aminu tapatuta apuke kupna dakatu aminu iwana ayapbiba yamunanga daka ie imukut. Iman take gwapuke aminu waapata aminu iwana ayapbitnanga tapatu binga dakngake ita kuke iwana ayapbike tasikut.

Matyu 25:21

“Iniwan yake anzing inikut, ‘Ga puya aminu take siknga. Gata take siknga tasikuyak. Gata sanga matekngae katak siknga kayukuyakge nata gapmaba sangabamde kuyana yuyo. Gata api naat unekan yuke bakngake yutzim,’ ngang inikut.

Wamu Jonda Mia Kake Matakut San 5:10

Anututane amina dakngake yuwawa Anututa aminu waakwau akayuak. Kayuke pasiwan wa aminda itane gepbiatang koyuaing. Koyuke wa aminda Anututane puya amina dakngake itane puyana pasingamukaing. Pasingamuke wa aminda buyambam tapaapa dakngake kepna kepna nana kuupbam kayutning.”

Wamu Jonda Mia Kake Matakut San 20:6

Siwan ninda aminu dangem siknga enatningu wa aminde apbakngake wa aminde natapna aminu nomana siknga siwik. Siwan masanu wa aminda gatuna dua kumning. Aho. Wa aminda Anutuat gatu Kraiskatdane nomune yuke waapaatde puya pasiyamuning. Pasiyamuke wa amikat Kraiskatda aminu kuupbam kayuke tasiwawa kuku nakanu 1,000-da apik.

Wamu Takeaknga Jonda Matakut Taknga 13:32

Siwan Anututa apmaatzim nae tasingaman natane umana aknganata buyambam siwan kaning,” ngang ninikut.