Wamu Jonda Mia Kake Matakut San 2:19 - Wantoat

¹⁹ Na sanga kuupbamu gata tasinggayakge atnataat. Ngan. Gata Anutue musip gwaang natangamuke itane wam takngana gitna siknga tanggayak. Take gata ie puya kwatan pasingamuke aminda meya buyambamu gae gama pake ngana gata kekeknga yuayak. Ie na atnataat. Siwan tapduu gata dangem siknga nae natapi kekekakut gwene gata puya takesim tasikuyak. Sike apmanu gata puya tasiwi buyambam singgak.

Wamu Jonda Mia Kake Matakut San 2:19 Referans Kwoze

1 Timoti 1:5

Siwan gata wa amin yanindakngake tasiwi buya aawan aminda notnae musip gwaang natayamuning. Ngan. Gata tasike wa amindane musia papi nomatawa wa aminda inandek inandek ina natapa natdetdetna kakaa siknga siwik. Siwan wa aminda Jesue natake musia takngaaya dua natapning. Aho. Ie natapa akekekawik. Unzingge wa aminda inane notnae musip gwaang natayamuning.

2 Pita 1:7

Gatu ginda notza Anutue amina dakngake yuaingge musip gwaang natayamunong. Gatu aminu kuupbamde butaya natayamuke gatayamunangge takekan natapnong.

2 Tesalonaika 1:3

Mate notnabam. Ginu Jesue natapa kekeknga singgak kakngaat gatu ginu inandek inandek musip gwaangu aminbamu notza Jesuat nana kundue natayamukaing kakngaatda mateknga mateknga sitake sitake kuku buyambam singgak kakngae wam natake ninda asinggan Anutu inimbakngakamang. Unzing dua inimbakngakamang gamu noman dua siwan. Siwan Anututa nindupan take dua siwan.

2 Pita 3:18

Ngan. Buyambam tapaninu Jesu Kraisda ninde musip kwikwik natanimukut. Natanimuke nin gatanimuke nindane waiaknganin sandetnimukut. Siwan ginda ie asinggan natanggamatake sanga ita gin gatandamukut taknga gitna siknga tapa kekeknga siknga siyok. Siwan itane umana akngata apmanu buyambam siwan enane siknga asinggan asinggan yuwik. Siakan.

1 Pita 4:8

Sike ginda notzae musip gwaangu asiknga natayamunong. Ginu atnataaing. Aminu tapatuta inane notnae musip gwaang natayamiu waapata wa amindane waiaknganae natapan wena siwik.

1 Tesalonaika 3:6

Siwan Timoti wa initewa kukuu gatuna gin dapmake apmaatzim siknga gatuna apuke wamu take siknga aknga na gwa nanik. Ita ginu Jesue natapa kekeknga singgak kakngae wamu gwa nanik. Nanike ginu nae musip gwaang natangamuke apbakngakaing kakngae wamu kuut gwa nanik. Gatu ginda na nadupnangge gwangat nataaing kakngae wamu kuut gwa nanik. Unzing nata gin dandupnangge nataat binga.

Kolosi 3:14

Sandeyamuke ginda aminu gikat nana Jesue aminabamde musip gwaang natayamunong. Sike musip gwaangu wa nataamang kakngata sanga kuupbam yapbike wamu waakngata tupan daknganggak. Siwan sanga musip gwaangu wa nataaing kakngata gin papan kekekake ginda dongu takngatukan binga daknganing. Dakngake ginda musipza takngatukan natake yutning.

Wamu Jonda Mia Kake Matakut San 2:13

Na gatane yotdae atnataat. Gata keu Setenda take yuak komune yuayak. Siwan keu Setenda pake yuau wa komune natane amina tapatu umana Antipas ngang iniking. Ita kekeknga yuke natane umana yanikapmake tasiwawan ngana iwanata enake i tanguwa kumbut. Siwan tapduu waomune gata natane umana dua takusopukuyak. Aho. Gata natane umana aknga gitna siknga take yukuyak.

Wamu Jonda Mia Kake Matakut San 2:9

Na atnataat. Gatane iwandata enake meya takngatu takngatu gae gamuwawa gata sangae asiknga dapmake yuayak. Sike ngana gata sanga Anututa ga gatanggamunanga kwaapzang pake yuayak. Siwan aminu kunduta yake ninu Judia nana amin ngang yakaing ngana nata wa aminde natapa dongu keu komdune nana katum aminu Setendane donga binga daknganggak. Siwan wa aminda gae asapdukgamukaing. Ie na atnataat.

Lotutane Kap Taknga 92:14

Sike katau wa dakandaka damana gwa sike ngana tapuya awasike yuaing. Katau waakwau kekeknga yuke dua kupiakaing. Itane tatakngi gwegwenga asinggan yuke buyana aatning. Unzing, aminu noman aminu aminuake sining ngana kekekake yutning.

Wamu Takeaknga Lukga Matakut Taknga 1:23

Sike puya apasikaing kakngane inane tapdukngata apan pasiwan puyuwana yotna kukut.