Matyu 5:3 - Wantoat

³ “Mamin amindaka Anutue kuna gataniman ngang baniaatang natake kukaingu Anututa aminu waakwakat gatake yutning. Dasingge? Anututa amin panangge tasinggak kakngae gepbiatang yuaing.

Matyu 5:3 Referans Kwoze

Lotutane Kap Taknga 34:18

Anututa aminu musiaatang meya nataaing aminde inengan yuak. Ngan, ita banip sikaing aminu meya papanu, ita akgatayamunggak.

Wamu Takeaknga Lukga Matakut Taknga 18:14

“Unzingge nata siakande daninggat. Wai aminu waapata Anutue kainane amin nomanda yotna kukut. Siwan Ferisi aminu waapata tumuk wamu yakenga yotna umana wena dakngake kukut. Siwan mamin amindaka umana buyambam siwikge tasiwan Anututa tasiwan waapata apimapik. Siwan ngana mamin amindaka na umana wena. Ge take amunandang yuwit ngang natapiu Anututa tasingaman umana buyambam siwik,” ngang yanikut.

Lotutane Kap Taknga 51:17

Ayok, Anutu! Nata ninae natapa epan nata gae gepbiatang koyuwit. Sike wa natane yamuyamuk takngana binga. Na atnataat. Gata aminu tapatuta inane waiaknganae meya natake umana inane aknga natapan epik. Natapan epan kake gata wa apae masa dua siknga imiyak.

Jems 2:5

Siwan mate notnabam. Nata musip gwaangu ginde natandamuke daniwa natapnong. Aminu sangaapana wena yuaingu asikaya Anututa wa amikat nana kundu dua kapewan ie natapa kekekaning ba dasing? Asikaya ita wa aminu dua kapewan sanga ita aminu inane panangge tasinggak kakngae gepbiatangu kopning ba dasing? Koke aminu sangaapana kwaapzang pake yuaing binga dakngake yuke apbaknganing. Ngan. Sanga waakngae gepbiatang aminu musip gwaangu ie natapning aminda kopningge Anututa gwa yawan kekekakut.

Wamu Takeaknga Lukga Matakut Taknga 11:28

Iniwan natake ngana Jesuta yake anzing inikut, “Unzing gua. Anutue wam maakngita natake take gwaamumsa aminu amin gwaangu unin ngang natapnangge,” ngang inikut.

Lotutane Kap Taknga 112:1

Buyambam tapatane umana yatangenatnong. Mamin aminu tapatuta Buyambam tapae akgwauke itane mama wam tawanangge take siknga natapiu Anututa take tasingamik.

Lotutane Kap Taknga 1:1

Aminu wai aminde wamu dua gwaamuke, gatu waaminda kepi tawake tasikaing kaknga dua tasike, gatu Anutue masa wam yake tasikaing aminkat dua yukengu, waapata asiknga bakngawik.

Matyu 11:25

Siwan tapduk wagwene Jesuta tumuk wamu takngatu anzing inikut, “Nana. Sanga enandang yuak kakngaat keune yuak kakngaatdane toiknga, ga natdetdetda takusopuwi aminu natdetdeninu kaya ngang yakaing aminda dua natapbing ngana wamde gepbiatang yuke pasikaing aminde yeuyami natdetdetda akaaing.

Wamu Takeaknga Lukga Matakut Taknga 4:18

“Anututane Waung Kapata kekekangaman nata wamu takeaknga sangaapana wena aminde yaniwitde na nanikut. Nanike anzing yaniwitde nanitewan kukum. Siwan kai wai siya aminu kaina take siningge yaniwit. Siwan take apata meya wam yaman pake yuaing amin gatayamuke sandeyama kuningge tasiwit.

Wamu Takeaknga Makga Matakut Taknga 10:14

kake Jesuta musia wai natayamuke anzing yanikut, “Ginu kapewa waatdaka mateu nae apnong. Ginda ma yanindakngawam. Aho. Aminda waatdaka aakwakga nae nangaakan dua nataaing binga daknganingu Anututa amin panangge tasinggak kakngae gepbiatang yuaikatnana aminu unin,” ngang yanikut.

Matyu 13:16

“Ngana ginu apbaknganong. Kaisata sanga gwa kake maakzata wamu atnataaing.

Lotutane Kap Taknga 146:5

Siwan Jekopda Anutue banip sikut. Siwan aminu tapatu Anutu waapae banip siwan ita gatangamukut tapata apbakngayok. Siwan gatu aminu waapa Anutu Buyambam tapae natapan kekekawik apata apbakngayok.

Lotutane Kap Taknga 41:1

Aminu tapatuta umana wena aminde natake gatayamiu, waapa apbakngayok. Buyambam tapata meya ie asapan ngana ita akgatangamik.

Lotutane Kap Taknga 2:12

Ginda itane waakngae asinimbaknganong. Ita musiptok ginde natapsak. Dasingge, ita musiptou zaat natandaman ginda akumning. Siwan ngana aminu Anutue gepbiatang koyukengu, waakwakga apbaknganing.

Jems 1:12

Siwan aminu gikat nana tapatu aminu tapatuta tasiwan pimapikge tasinggak ngang kakengu ita apbakngayok. Dasingge? Ita akekekake dua pimapanu Anututa waapatane umana yatangenake sanga kayuk asinggan yutnanga aknga asimik. Sanga waaknga aminu Anutue musip gwaang natangamuningu kuupbamde yamunangge gwa yawan kekekakut.

Wamu Takeaknga Jonda Matakut Taknga 20:29

Iniwan yake anzing inikut, “Ga na nandukenga baniu singgayak. Ngana aminu na dua nanduke banip siningu aminu waakwau kumzang apbaknganing,” ngang inikut.

Matyu 24:46

Siwan masande puya toikga gatu apuke kawan puya amina waapa wamu tupa inikut taknga tasiwik ngang kawanu puya aminu waapata apbakngayok ngang yakut.

Lotutane Kap Taknga 84:12

Anutu, kekekngaka bamban tapa, aminu gae banip sikaingu waaminu asinggan baknganing.

Jems 1:10

Sike notninu Jesue amina tapatu sangaapana kaya apatane sanga Anututa kaiwan kungaman kakengu ita apbakngayok. Ginu atnataaing. Zongazonga tapunu take kaamangga zet sopukaing. Ina unzakan sangaapaninda zet sopuning. Siwan meya waakngata aminu waapae apuke kekekangaman ita apbakngawik.

Wamu Jonda Mia Kake Matakut San 22:14

Sike aminu tauknga asauwa dudumna sikaingu wa kuupbamda katau wa tapuya nake kayuu asinggan yutnanga dakandakatane tapuya take naning. Ngan. Wa aminda yotbamu anggapmae gwabok gwaune take akopning.

Wamu Jonda Mia Kake Matakut San 19:9

Siwan nata mia kawawa angela waapata na anzing nanikut, “Gata wamu aaknga matayo, ‘Aminu Anututa yayawamban sipsip mateu wagwenda maatna tapikge nanamde apning aminde ninda apbaknganim,’ ngang matayo,” ngang nanikut. Siwan ita gatu na anzing nanikut, “Wamu nata wa yanggau wa Anututane siakan wam yanggat,” ngang nanikut.

Matyu 25:34

“Pekenga buyambamtapa yuke aminu siyaapa saak yutningu anzing yaniwit, ‘Ginu natane Nanata banip kwikwik natandamunggak aminu apnong. Tupa siknga kepat yekapat dua tasike tekut gwekatang Anututa amin panangge tasinggak kaknga ginde gwan tandakngatekut. Kekeknga gepbiatang yutnanga waaknga ginda apu tanong,’ ngang yaniwit.

Lotutane Kap Taknga 128:1

Aminu Buyambam tapae akgwauke ie wam tawakaingu waaminda apbaknganong.

Matyu 11:6

“Siwan nata puya waaknga pasiwawa aminu tapatuta nae natapan kekekawiu waapata apbakngayok,” ngang yanikut.

Matyu 8:11

“Siakande daninggat. Aminbamu kaukaut yuaing amikat Ebrahapat Aisakat Jekopat ngang apuke uneken gatake yuke aminu Anututa papan itane aminabam dakngake yuaikat gatake yuke nanamu naning,” ngang yanikut.

Matyu 3:2

Ita asinggan anzing yakut, “Ginda musipza tapa tekwamsok. Tapduknga Anututane amin panangge tasinggak kakngata apnangge dapaknga gwa singgak,” ngang yakut.

Matyu 19:14

natake Jesuta anzing ninikut, “Ginu kapewa waatdaka nae apnong. Ginda ma yanindakngawam. Aho. Aminda waatdaka aakwakga nae nangaakan dua nataaing binga daknganingu Anututa amin panangge tasinggak kakngae gepbiatang yuaikat nana aminu unin,” ngang ninike

Wamu Takeaknga Lukga Matakut Taknga 22:29

Siwan Nanata amin panangge tasinggak kakngae puya nae gwa namukutde ina unzakan. Nata gin dapmaba ginda

Wamu Takeaknga Lukga Matakut Taknga 22:30

nata kekekngaapa dakngake tasiwit kopatang naat nake tangopnim. Sike ginda Isrel nana amindane dongu katau kuut musaat kepianganu takngaat aminbam usanziya amin dakngake pasining,” ngang yanikut.

Wamu Jonda Mia Kake Matakut San 3:17

Ngan. Gata anzing yanggayak. Na sangana buyambamda yuaing. Na sanga tapatue dua dapmanggat ngang yanggayak. Ngana wena. Gata Anututane sangae asiknga dapmake upeekgayak. Unzing aminu sangaapana wena. Kaina kukgweat kusiwat kwangga yuke sukunggak binga dakngake yuwi ganduat.