Matyu 21:13 - Wantoat

¹³ ita anzing yanikut, “Anututane wapatang anzing matakut, ‘Natane yot gwenu tumuk wam yaningge yot ngang yaning,’ ngang matakut. Ngana ginda tasiwa kuka aminde yot gwen binga daknganggak,” ngang yanikut.

Matyu 21:13 Referans Kwoze

Wamu Takeaknga Lukga Matakut Taknga 19:46

“Anutue buk gopatang anzing yakut, ‘Natane yot gwenu tumuk wam yaningge yot ngang yaning,’ ngang yakut ngana ginda tasiwa kuka aminde yot gwen binga daknganggak,” ngang yanikut.

Wamu Takeaknga Makga Matakut Taknga 11:17

anzing yakut, “Anutue wamda anzing yakut, ‘Natane yotna dongu kuupbamda tumuk wam naniningge yot gwen yuak,’ ngang yakut. Ngana ginda tasiwa kuka aminde yot gwen binga daknganggak,” ngang yakut.

Lotutane Kap Taknga 93:5

Sike gatane mama wamba kuupbam asinggan asinggan yuaing. Siakan siknga. Buyambamtapa, gatane yotda siknga asinggan asinggan yuak.

Wamu Takeaknga Jonda Matakut Taknga 15:25

Ngana sanga wa tasikaing kakngae wamu takngatu Anututane wapatang yakapsa aminda tupa siknga mataking kaknga buyana asaakgak. Wamu waaknga anzing. Wa aminu nae semna moo siknga natangamuking ngang mataking kaknga buya unin aakgak.

Matyu 2:5

Yanikwaiwan yake anzing iniking. “Betlehem yot gapma Judia kep komu yuaune aawik,” ngang iniking. “Dasingge, ayanikapsa aminda anzing mataking,

Wamu Takeaknga Lukga Matakut Taknga 19:45

Yakenga Jesuta Jerusalem kundoke Anutue yot takwan gwene kopbut. Koke kawawan aminbamu mani kaitnangge tasiwawa kake yanikwasiyuk anzing yanikut,