Wamu Takeaknga Lukga Matakut Taknga 9:43 - Wantoat

⁴³ Gatu kuwan kake aminu kuupbamda Anututane kekeknga akngana kake asatnaking. Siwan nangaakan natake sangabamu ita tasikutde asatnake yuwawa Jesuta pandetna anzing yanikut,

Wamu Takeaknga Lukga Matakut Taknga 9:43 Referans Kwoze

Matyu 17:22

Siwan keu Galili kopatang unekan gatake kusika Jesuta pandetna anzing ninikut, “Aminda na aminbamdane notnaapa aminde yaman

2 Pita 1:16

Siwan ninu itane kwiiknga dakngake wamu Buyambam tapaninu Jesu Kraisda apmea gatuna apuke puya kekeknga siknga takngatu takngatu pasiwikge natake ginde danikapbumang. Sike wamu ninda danikumangu wa ninda wamu nisane banipda siwan natake dua danikumang. Ninda kopap wamu yapiina wena moo siknga takngatu dua tawake danikumang. Wena siknga. Tupa ninda nisa kaininda siknga kawatna Jesu waapata apuke puya kekeknga tasiwan kakumang. Kake ninda ie natapna aminu enandang nana tapatu dakngakut. Unzingge ninda wamu ita gatuna asapikge natake danikapbumang.

Wamu Takeaknga Lukga Matakut Taknga 8:25

Yuwawan Jesuta anzing yanikut, “Ginda nae natapa kekekakut taknga dasingge tewa pimanggak,” ngang yaniwan akgwauke nangaakan natake ina anzing yaking, “Aminu aapa mamin? Ge wamu yawan gotda wena siwan yangga sambuyata kuma yuwan kaamang,” ngang yaking.

Wamu Takeaknga Lukga Matakut Taknga 5:26

Kuwawan aminbamda kake asatnake Anutue umana yatangenake musiane nangaakan natake, “Apmanu sanga inata takngatu tasiwan kamang,” ngang yaking.

Wamu Takeaknga Lukga Matakut Taknga 4:36

Siwan aminbamu wa yukingga asatnake anzing yaking, “Jesu waapata wamu aminu kekekngana kayapa dakngake waung wai yanikwasiwan kukaing ngang yaking. Wamna inata kundu singgak,” ngang yaking.

Wamu Takeaknga Lukga Matakut Taknga 5:9

Ita pis buyambamu wa kaike asatnawan aminu iat gatake yukingu kuutda kumzang satnaking.

Wamu Takeaknga Makga Matakut Taknga 6:51

ngang yanike dopangbam gwene koke wa amikat yuwan gotda anzakngakut. Siwan musia kukumuk akoyambing.

Lotutane Kap Taknga 139:14

Siakan. Duya kekeknga takngatu takngatu pasikuyak binga. Unzingge nata gatane umanda ayatangenakgat. Sangabamu gata pasikuyau inata siknga siwan gwaam siknga. Siwan nata sanga waakngae katak siknga atnataat.

Wamu Takeaknga Lukga Matakut Taknga 9:42

Iniwan takapan ngana waung waiapata kumzang tandambanuke muban pimake tasiwan maiwan kake Jesuta waung waiapa kaanga inikwasiwan kuwana maitna wena sikut. Siwan iniwan waatdaka waapa nanae gatu kukut.

Wamu Takeaknga Lukga Matakut Taknga 18:43

Iniwan zetgaman kaina kukgweat take siwat waapata Jesue masene tawakut. Tawayuk Anutu inimbakngawan aminbamda kake Anututane umana yatangenaking.